Romaƒuɔ 3:19 - Katɔti Ɔku Kedee

¹⁹ Ɔƒɛni ni, bɔgyi ka ala ani ƒui básu na Mose ɔda bubo ɔku kemmo adanku bekyuli bani nkya ɔda bubo bɔmɛni kalɔ. Na ɔyawine ɔdi ulakana kenye kadi budie na Katɔti litemi bɔtɛ kemmo. Ɔsika Katɔti ɔdubɔtɛku kayawi ƒui litemi.

Romaƒuɔ 3:19 ပူးပေါင်းရင်းမြစ်များ

Hiob 5:16

Anwuɔsu bawabane baakɛ́ lɛnunsia. Na etemila ani na balatɛ teete-ma ulu lɛlɔ siin kenye keekúlo.

Kɔgya 107:42

Na bekyuli babuni ƒui baanu ɔmɛni na ebiti aada-ma. Na balalane ama kɔƒa ndubo-ma bukpo.

Kɔgya 63:11

Nsu lɛlɔ lɛdubɔyɔ ɔga ɔni na Katɔti ɔ́ya na ɔ́di lɛlɔ. Na bani ƒui nése kenye ɔkɛnku Katɔti lɛnyi lɛlɔ ni, badubo-nwu lɛnyi bumwi. Nsu ɔkɔ banyine ama balakana kenye bubimi.

Esekiel 16:63

Ndubuti lɛla biala lɛkyiɛ-ɔ, nsu adubɔkali ala ani na ábla anu na kɔƒa kukpo-ɔ kɔvili ka asu lɛla lɛdi muedi. Ami Unwoti násu.’ ”

Yohane 15:25

Na ala amɛni ƒui ni, ɔlɛka ebo-nwu kemmo lɛni kalɛ kani na bénweni bése na Bunweni Kedee Ɔku kemmo banini, ‘Beekisi-mi keeke.’

Yohane 8:9

Ka benengu bammɔ bénu lɛni ni, bágyu bátɔlɔ unwi unwi ɔ́si unengudi lɛlɔ. Na báda Yesu ku uleku ɔmmɔ lɛti bényene bekyuli bammɔ ntɛ.

Romaƒuɔ 1:20

Ɔsika ɔ́si uwi ɔni na Katɔti údie kayawi ni, ala ani ƒui na ɔ́bla ɔ́kya kayawi lɛlɔ muudie Katɔti ɔni na bulánu ku bula anumi ɔyikun ku nwuna udu keyi. Anwuɔsu ukyuli biala ɔsɔ ulakana bɔsu ɔnii útaƒɔ Katɔti útadi.

Romaƒuɔ 3:2

Na lilu pii lɛlɔ ni, ɔdanku ala abuni. Kudeedi ni, Yudaƒuɔ enu kemmo na Katɔti úti nwuna Bunweni Kedee ɔ́kya.

Romaƒuɔ 3:23

Bekyuli ƒui bábla likpidi, na bátamanku ka bakɛ Katɔti lɛgadi bukeye.

Romaƒuɔ 3:4

Kudii! Ina ukyuli biala ɔdi ɔkɔ ɔnyine muedi ni, bɛya bɔti ka Katɔti ɔɔdi nwuna litemi lɛlɔ. Lɛni na bénweni na Bunweni Kedee Ɔku kemmo banini, “Lɛla biala lɛɛtina ka ƒula kenye etemila adi litemi geen. Na aatɛku bekyuli ƒui litemi ulu siin lɛlɔ.”

Romaƒuɔ 3:9

Na ɔƒɛni ni, bi na bɔkana bɔsu na abu Yudaƒuɔ lɛlɔ? Bubo kenyekɔ kabuni butulo bani naaadi Yudaƒuɔ? Kudii! Ɔsika lɛ́ɛtina ḿbavi ka likpidi lɛ́ƒɔ Yudaƒuɔ ku bani naaadi Yudaƒuɔ ƒui lɛnɔ lɛlɔ kemmo.

Korintoƒuɔ 1 1:29

Ɔmɛni ndubɔya na ukyuli biala ulakana lɛlɔ katɔ bɔtalaku na Katɔti anumi.

Galatiƒuɔ 3:10

Na bani na ama béti bana anu básia ɔda bubo bɔkukudi bɔmmɔ lɛlɔ ni, ewida asiaku-ma. Ɔsika bénweni bése banii, “Ukyuli biala ɔni naaadubo etemila ani ƒui na bénweni bése na Ɔda Bubo Ɔku kemmo lɛlɔ bɔdi ni, ewida adubɔsiaku-nwu kama.”

Galatiƒuɔ 4:21

Mɔɔyɔ́ ka liye amii bani mɔɔyɔ́ ka bɛsɔ bɛkya ɔda bubo bɔmmɔ kalɔ nnii lɛla lɛni na ɔda bubo bɔmmɔ bɔdanku ni, biinú-mu kalɔ geen?

Galatiƒuɔ 4:5

kalɛ na ɔda bani nkya ɔda bubo bɔmmɔ kalɔ udie na benwini Katɔti bebi geen.

Galatiƒuɔ 5:18

Na si Kɔyu kɔ́tɔnku-mii ni, na biiibo ɔda bubo bɔmmɔ kalɔ.

Samuel 1 2:9

Ɔdubɔgyumana nwuna bekyuli kedee ƒui na bana kɔvinkɔ. Nsu balalane ni, badubo bɔyi bɔkya lɛdisa kemmo na bayii ku udu. Ukyuli ulélie ngba ɔkɛnku anwu ɔlati ɔyikun lɛlɔ.