Romaƒuɔ 3:12 - Katɔti Ɔku Kedee

¹² Bekyuli ƒui bénwini kama bákya Katɔti, na bana ƒui báƒiɔ. Na ukyuli ɔdi uuubo ɔni mɔɔbla lɛbuni. Ina unwi pɛ muedi!

Romaƒuɔ 3:12 ပူးပေါင်းရင်းမြစ်များ

Ala Kalɔ Buse 1:31

Katɔti ɔ́nu ala ani ƒui na ɔ́bla na adia-nwu sɔsɔ. Na useyi údu na kadi kégye na limeyi lɛkundi lɛ́vi.

Kɔgya 14:3

Nsu bana ƒui bédeyi na bálɛ ulu geen ɔmmɔ lɛlɔ, na likyulikpi lɛ́ƒɔ-ma keliela kemmo ƒui. Ukyuli ɔdi uuubo ɔni mɔɔbla lɛbuni. Ina unwi pɛ muedi!

Kɔgya 53:1

Ɔdɔlɔdi mɔɔsu na nwuna kayi kemmo ɔnini, “Katɔti uuubo.” Likyulikpi lɛ́ƒɔ-ma keliela kemmo ɔsu balábla lɛbuni lɛdi.

Kɔgya 53:3

Nsu bana ƒui ɔdi uláwia-mi kama ulu ɔ́si bana ekpidi ɔsu. Ukyuli ɔdi uuubo ɔni mɔɔbla lɛbuni. Ina unwi pɛ muedi!

Israelƒuɔ Bɔlɛ 32:8

Báyila ulu geen ɔni na líbo-ma ɔda nnii basia mmɔ lɛlɔ. Na béti sika ugyiedi bávɔ ɔmantɛ akɔ na baakpá-nwu na baabla akpala teete-nwu. Na baasu banini, ‘Ɔmɛni ndi bula Katɔti ɔni nákpanku-bu ɔ́lɛku Egyipte kalɔ lɛlɔ.’

Etemila 7:20

Ukyuli ɔdi uuubo na banii anwu use siin na ɔɔbla lɛla biala kaduɛ ɔsu na ulábla likpidi lɛdi na kalɔ kamɛni lɛlɔ.

Etemila 7:29

Lɛla linwi nábla-mi nwaa ƒui ndi ka Katɔti ɔ́bla-bu na nka bɔdi bekyuli siin, nsu búbavumana kasusu bɔ́sia ala bamba pii lɛlɔ na búƒu bula kasusu.”

Yesaia 53:6

Bula ƒui buse na buse aani baƒonu bani náyii ulu, na ɔdi biala úti nwuna ulu úsela kesii kani na ɔɔyɔ́. Na lɛtuni lɛni na nka ɔlɛka bɔƒɔ ni, ani na Unwoti úti úte-nwu na bula lili.

Yesaia 59:8

Bina ablala aaadanku keyi buɛɛ kadi, anwuɔsu bekyuli bani nsiaku-mii kama ƒui beeebo bɔnwuna bɔdi biala ku keyi buɛɛ kadi.

Yesaia 64:6

Bula ƒui bɔ́ƒiɔ na buuuse sɛɛn. Na lɛla lɛbuni lɛni na bɔɔnu ka bɔɔbla muedi ni, lɛ́dɔli aani adikpi ani muusé lɛlɔ. Bula ƒui bɔ́yɛyɛ aani livete lɛnudi. Na bula alaekpidi énwini aani ɔƒɛƒɛɛ na ada-bu eebó taavinku.

Yeremia 2:13

“Mina bekyuli, bɛ́ƒiɔ-mi na lilu inyɔ lɛlɔ. Bíni ami ɔni ndi libiɔ lɛni mɔɔyu ntu buni, na biidú ntu teewi abiɔ ani na bíku na bɛ́tu bɛ́kya kalɔ kemmo na ásia kɔka na ntu bulakana-nya kemmo buwi.

Mateo 25:30

Na kabla ɔblane ɔni na nwuna lɛlɔ liiibo kɔsia kɔdi mɛni anwu ni, bibo-nwu bɛlɛku bitákya kasuudikɔ. Mmɔ na keku ku animi bɔdu bɔdubɔkya.

Romaƒuɔ 3:11

Ukyuli ɔdi biala uuubo ɔni mɔɔnu lɛbuni taati. Na ɔdi lɛnɔ uláwia Katɔti kama ulu.

Romaƒuɔ 3:13

Bana inye buse aani kɔƒiɔtɔ kɔni nálɛmi kuwi. Na bana linyemi lɛɛta na ɔkɔ bɔnyi lɛlɔ. Na bana inye bɔɔdú bekyuli aani kɔlakpi bɔdu kalɛ.

Eƒesoƒuɔ 2:3

Lɛni geen na abu lɛnɔ búlie ngba aani bana kalɛ na bɔ́siaku bula ɔlɔna ɔkwɛ adala kama na bɔ́bla ala ani na bula ɔlɔna ku kasusu kaayɔ́. Na ka bula ukyuli udu útavumanaku bani mɔɔbla ala ammɔ udu ɔsu ni, bɔ́manku ka Katɔti ɔni abu lɛnɔ kɔtu aani bekyuli bakladi kalɛ.

Ƒilemon 1:11

Ina ka nwuna lɛnyi kalɔ ndi ubunkune ni, kebunku kani na ɔlɛka ute-ɔ ni, áyila-ka ka úkeli-ɔ kudɔ ɔsu. Nsu ɔƒɛni ni, úbo-mi kudɔ na ɔ́sɔ únwini ami ku awɔ ƒui ubunkune.

Petro 1 2:25

Bílie ngba dii ani baƒonu bani náyii ulu. Nsu ɔƒaani ni, Katɔti ɔ́sɔku-mii úboku bina ɔdane ɔni mɔɔgyumana-mii kɔyu kudɔ.