Romaƒuɔ 3:1 - Katɔti Ɔku Kedee

¹ Na si use lɛni ni, kɔsia kɔmani na Yudani ɔni na békulo lego ubo utulo bani naaadi Yudaƒuɔ?

Romaƒuɔ 3:1 ပူးပေါင်းရင်းမြစ်များ

Ala Kalɔ Buse 25:32

Mmɔ ni, Esau údie kenye ɔnini, “Nu, bukpi na nda! Bi na lɛwɔnengu lɛdubɔbla-mi?”

Kɔgya 147:20

Útabla ɔmɛni útete kadi bamba bekyuli badi kudii. Na baaagyi kalɛ na ɔɔtɛ litemi lɛnɔ. Bɛya na bumwi Unwoti.

Etemila 6:11

Si bɔnii butaatɛmi pii ni, lɛni kani na bɔdubo kɔdɔlɔ keyi buteedie. Anwuɔsu kɔsia kɔdi kuuubo-nwu kemmo ka bunye butaaka ala.

Etemila 6:8

Kenyekɔ kamani na ɔnundane ubo utulo ɔdɔlɔdi? Na ɔwabane lɛnɔ ni, dɛ na ɔdubɔkana ngba bulie na ɔti lɛlɔ bɔda utulo bakladi na ayaki ani nda-nwu kemmo?

Malakai 3:14

“Binu lɛla lɛni na bɛ́su bɛnini, ‘Kɔdɔlɔ na kɔdi-bu ka bunye butaakpali Unwoti Ɔyikune Ƒui. Bi kɔsia geen na bɔɔkɛ́ si bunye bɔɔbu-nwu na bɔkɛ ku kɔnyana bɔɔví uwi biala?

Yohane 4:22

Ɔƒɛni amii Samariaƒuɔ ni, bɛɛkpá lɛla lɛni bɛɛɛgyi. Nsu abu Yudaƒuɔ ni, abu bɔgyi ala bɔ́siku-nwu lɛlɔ. Ɔsika bekyuli budie na likpidi kemmo ni, Yudaƒuɔ akɔ na bɔ́si bubo.

Romaƒuɔ 3:2

Na lilu pii lɛlɔ ni, ɔdanku ala abuni. Kudeedi ni, Yudaƒuɔ enu kemmo na Katɔti úti nwuna Bunweni Kedee ɔ́kya.

Romaƒuɔ 3:9

Na ɔƒɛni ni, bi na bɔkana bɔsu na abu Yudaƒuɔ lɛlɔ? Bubo kenyekɔ kabuni butulo bani naaadi Yudaƒuɔ? Kudii! Ɔsika lɛ́ɛtina ḿbavi ka likpidi lɛ́ƒɔ Yudaƒuɔ ku bani naaadi Yudaƒuɔ ƒui lɛnɔ lɛlɔ kemmo.

Korintoƒuɔ 1 15:32

Nsu si kayawi kamɛni kasusu kani ɔsu na líkpoku bekyuli bani nse aani beƒiebuo na Eƒeso ni, bi kɔsia na lɛ́kɛ? Na si bekyuli basɔ balata balálɛ kekpine na bebelie ngba bɔdi ni, na bɛgyi bɛnii ɔlɛka bɔbla aani kalɛ na lɛsugba lɛdi lɛɛsu lɛnii, “Bɛya bɔdi na bɔni, ɔsika kɔnaadi bɔdubo bukpi.”

Hebriƒuɔ 13:9

Bitaƒɔ lɛla bamba lɛni na ukyuli ɔdi watina-mii bitadi. Katɔti lɛƒɔndia mɔɔyá na bɛɛkya kayi ɔkplu, na ɔɔɔdi ɔda bubo bɔni ndanku adila bɔdi kama bɔsia. Bekyuli bani mɔɔsia ala ammɔ kama ni, balakɛ kɔsia kɔdi.