Romaƒuɔ 2:8 - Katɔti Ɔku Kedee

⁸ Nsu bekyuli bani mɔɔwia ama lɛti lɛkɛ na beení litemi geen lɛmmɔ na basiaku alaekpidi bɔbla kama ni, Katɔti ɔdubo kɔnyi bɔkɛ na bana lɛlɔ na ɔni-ma kɔtu geen.

Romaƒuɔ 2:8 ပူးပေါင်းရင်းမြစ်များ

Ala Alɛdi 2 6:23

na enu-nwu bɔkpali asiku katɔ mmɔ na edie ukyuli ɔni náƒiɔ atina. Na ani ukyuli ɔni náƒiɔ mmɔ kɔtu na ukyuli ɔni nátaƒiɔ uteesie ƒaa.

Hiob 24:13

“Bekyuli badi bakya bani náta bénye Katɔti ulu lɛlɔ, ɔsika ɔdi lɛla lɛni na bekisi. Anwuɔsu na balábla bana ala na bukeye kemmo.

Kɔgya 90:11

Ɔma ngyi kalɛ udu na awɔ Katɔti áani ukyuli kɔtu teetédu si éti kɔnyi? Lɛni ɔsu na liƒu bonwu lɛɛda-bu si livo liiƒí-ɔ.

Agba 11:23

Bekyuli babuni mɔɔsia anu ka badubɔkɛ ebiti. Na bekyuli bekpidi ama ni, kɔtu bɔni kani na badubɔnu ulu bete.

Agba 13:10

Bekyuli bani mɔɔtalaku lɛlɔ katɔ baakya unyeƒi pii. Na bekyuli bani muunú bɔlɛ baadá anu.

Yesaia 50:10

Bina ɔdi biala ulábu Unwoti litemi, na bilenu nwuna kabla ɔblane litemi lɛnɔ. Na lɛdisa akɔ ala bɔbla na bɛɛyɔ́ teetulo ka bɛvi na bukeye kemmo. Na bítaƒɔ Unwoti bina Katɔti litemi lɛnɔ bítadi.

Yeremia 34:18

“Na bunyimi bɔmɛni ɔdi bɔbla kemmo ni, bɛ́du ɔmantɛ akɔ ubi na bɛ́bwɛ-nwu kemmo akpa anyɔ. Na bisie bɛ́vi kɔkɛ kɔmmɔ ntɛ na bɛ́su bɛnii ami nnye bina bunyimi bɔmɛni kama ka bɛdubute bina banwani bɔnwuna. Nsu amii Yerusalemƒuɔ bíni na bítadi bunyimi bɔmɛni iye ami bɔdi bɔni na línyimiku Israel lɛlɔ. Anwuɔsu lɛla lɛni na bɛ́bla ɔmantɛ akɔ ubi ɔmɛni ni, ani kani na ndubo-mii bɔbla.

Esekiel 22:31

Anwuɔsu líti kɔnyi kpakplaa lɛ́kya Israelƒuɔ na ala ani na bábla ɔsu na ndubo-ma kɔtu bɔni geen na bati ka livo geen muuƒí-mi. Ami Unwoti násu.”

Nahum 1:6

Ɔma ndubɔkana Unwoti kɔnyi kpakplaa kɔmmɔ kenye bunye? Nwuna kɔnyi kuubile ala aani kalɛ na ogya ɔɔda taakyula ala, na atabi muedi aabwɛ.

Romaƒuɔ 1:18

Katɔti uudie nwuna kɔnyi keyi taasiku katɔ na ala ani mɔɔta teenye-nwu lɛlɔ ku likyulikpi ala bɔbla bɔni muutile bekyuli kuƒi ka bati Katɔti litemi geen lɛmmɔ.

Romaƒuɔ 10:16

Nsu ni, ɔɔɔdi Yudaƒuɔ ƒui náƒɔ litemi buni lɛmmɔ. Ɔsika Yesaia ɔ́su ɔnini, “Blɔti, ɔma náƒɔ bula litemi ɔ́di?”

Romaƒuɔ 15:18

Lɛɛɛdubo bɔyii bɔsu lɛla lɛdi na lɛla bamba lɛdi lɛlɔ ntu lɛla lɛni na Kristo ɔ́bla ɔkɛnku-mi lɛlɔ kani. Ɔ́ya na lɛ́kpanku bekyuli bani naaadi Yudaƒuɔ, kalɛ bebo na badi Katɔti litemi lɛlɔ ɔkɛnku lɛla lɛni na lɛ́su-ma na lɛ́bla lɛnɔ ɔsu.

Romaƒuɔ 6:17

Nsu bɔɔgyá Katɔti enu, ɔsika uwi ɔdi kemmo ni, bɛdi kabla bablane bite likpidi. Nsu ɔƒɛni ni, bíti bina kayi ƒui bɛɛdi litemi geen lɛni lɛ́tina-mii mmɔ lɛlɔ.

Romaƒuɔ 9:22

Na lɛni kani na Katɔti lɛnɔ ɔ́bla. Ɔɔyɔ́ ka udie nwuna kɔnyi keyi na banu nwuna ɔyikun bati. Nsu ɔ́kɛ kayi geen úte bani mɔɔkya-nwu kɔnyi ina ka ɔ́ɔlɛ-ma ugyii úse ka ɔyila-ma udu.

Korintoƒuɔ 1 11:16

Nsu si ukyuli ɔdi ɔɔkya unyeƒi na ɔmɛni lɛlɔ ni, lɛla lɛni kani na ami masu-nwu ndi ka abu ku Katɔti baƒɔtaadine akpa ƒui bɔsɔ buuubo ulu ɔbambadi ɔdi na bula bɔsala bɔmmɔ kemmo.

Korintoƒuɔ 2 12:20

Mɔɔyia ka si líbo mmɔ ni, ndububo mbanu ka bɛ́vumana kalɛ na mɔɔwia-mii lɛnu. Na lɛni kani na amii lɛnɔ bɛdubɔnu ka lɛ́vumana kalɛ na amii lɛnɔ bɛɛwia ka bɛnu. Mɔɔyia ka ndububo mbanu ka bɛɛdɔ, na bɛɛbla lɛnungyie likpidi, na biiti kɔnyi taakya lɛlɔ, na bɛɛwia kalɛ na ɔdia ute amii lɛti pɛ, na biidumi lɛlɔ, na bɛɛlɔ lɛlɔ anyikpi, na bɛɛtalaku lɛlɔ katɔ, na biiƒú na lɛla biala kemmo.

Galatiƒuɔ 5:20

ku lɛƒiɔkpa ku kabɔ bɔdu ku bekyuli bukisi ku kekpo ku bekyuli bani muukpó kogyulo ku kɔnyi buti ku awɔ lɛti lɛkɛ ku unyeƒi ku lɛlɔ bule akpa akpa

Ƒilipiƒuɔ 1:17

Nsu badi balásu Kristo litemi lɛmmɔ taasiku bana kayi kemmo ƒui, mmomu ama alati bana lɛkɛ ɔsu. Na baakali ka baya na mina lɛbibo litaakɔ katɔ teebu ɔni na ntɛ aban ɔtɔ mɛni.

Ƒilipiƒuɔ 2:3

Bitabla lɛla lɛdi bitasiaku amii lɛti lɛkɛ lɛlɔ iye bɛbla na biti bɛtina lɛlɔ. Mmomu biboku lɛlɔ kalɔ bite lɛlɔ. Na uwi biala ni, ɔdi biala utaabu ɔkpanadi teetulo lɛlɔ.

Tesalonikaƒuɔ 2 1:8

Na bekyuli bani naaabu Katɔti na bátaƒɔ Blɔti Yesu Kristo litemi buni bátadi ni, ɔdubɔni-ma kɔtu na lɛgyavonku kemmo.

Tito 3:9

Na takyaku ukyuli ɔdi kɔdɔlɔ unyeƒi. Tebile uwi tete kaba bekyuli bɔka bɔdi, tadɔ na ataakya Mose ɔda bubo etemila lɛlɔ unyeƒi ɔdi. Ala amɛni ƒui eeebo kɔsia kɔdi.

Hebriƒuɔ 10:27

Mmomu ɔlɛka bunye butaanu ulu ku liƒu ka badubɔtɛku-bu litemi. Ɔsika ogya bonwu ɔni muubile ala ubakyula Katɔti bekisine ƒui.

Hebriƒuɔ 11:8

Ɔkɛnku bɔƒɔtaadi lɛlɔ ɔsu na Abraham únu Katɔti litemi uwi ɔni na Katɔti ɔ́lɔ-nwu ka uteesie kalɔ kani lɛlɔ na Katɔti ɔ́su ka ɔdubuti ute-nwu lɛlɔ. Únu kalɔ na úsie ina ka ɔɔɔgyi likpo lɛni na úsela.

Hebriƒuɔ 5:9

Na ka Katɔti ɔ́ya na ɔ́bla nwuna kabla ɔ́wɔlɔ ni, únwini ukyuli ɔni lɛlɔ na bekyuli bani muunú-nwu litemi ƒui baasia taakɛ ngba bɔƒɔ.

Yakobo 3:14

Nsu si ebo lɛnungyie na ƒula kayi kemmo ku enyekpi na aawia awɔ lɛti lɛkɛ ni, takun lɛmɛnɛ ka áda anu. Ɔsika aanyi ɔkɔ, na alásu litemi geen lɛmmɔ.

Yakobo 3:16

Na kasalakɔ kani na lɛnungyie ku ukyuli unwi lɛkɛ kani nkya mmɔ ni, bekyuli bammɔ beeƒú na alaekpidi lidu lidu mɔɔkya-ma akɔ.

Petro 1 3:1

Na amii beleku lɛnɔ ni, ɔlɛka biboku lɛlɔ kalɔ bite bina bagya. Ɔmɛni ndubɔya na si ɔdi útaƒɔ útadi ni, ɔdubuti lɛlɔ ute Katɔti ɔkɛnku bina udu buni ɔsu. Na ɔɔɔdi ɔni na bitemi bite-ma.

Petro 1 4:17

Litemi bɔtɛ limeyi lɛmmɔ líide, na Katɔti ɔdubɔka nwuna bekyuli litemi bɔtɛku. Na si abu nwuna bekyuli lɛlɔ na wese kalɔ lɛni ni, dɛ na ɔdubɔwɔlɔku bekyuli bani na bétemonku nwuna litemi buni lɛmmɔ bɔƒɔ bɔdi.

Budie Taatina 14:10

Ama na Katɔti ɔdubɔya na bani nwuna kɔnyi lɛbibo ɔɔƒɛɛ ku ɔdu kati kati! Ogya ku ogya atabi adubo-ma bɔkyula na Katɔti batu kedee ku Koƒonu Ubi anumi.

Budie Taatina 16:19

Na ɔma unengudi ɔmmɔ ɔ́bwɛ úle akpa atɛ, na lɛma linengudi lɛkladi lɛni nkya kayawi ekpo ƒui lɛ́bwɛ ƒui. Mmɔ ni, Katɔti únyimo Babilon ɔma unengudi ɔmmɔ ekpidi na ɔ́ya na ɔ́ni nwuna kɔnyi lɛbibo ɔɔƒɛɛ ɔmmɔ ƒui.