Romaƒuɔ 2:6 - Katɔti Ɔku Kedee

⁶ Na Katɔti ɔdubɔƒɔ ukyuli biala kayu na nwuna kabla kani na ɔ́bla kenye.

Romaƒuɔ 2:6 ပူးပေါင်းရင်းမြစ်များ

Hiob 34:11

Ɔsika lɛla biala na ukyuli ɔ́bla ni, Katɔti ɔɔƒɔ-nwu kayu kani námanku-nwu na nwuna ɔbladu ɔmmɔ kenye.

Kɔgya 62:12

Na ami kani mɔɔyɔ́ ukyuli uwi ndi uwi. Na mɔɔƒɔ kayu kani námanku ukyuli biala na nwuna kabla kenye teete-nwu.”

Israelƒuɔ Bɔlɛ 32:34

Nsu ɔƒaani ni, teesie na atákpanku bekyuli bammɔ esienku kesii kani lɛ́su-ɔ líse. Na enyimo ka mina ɔtu ɔdubo-ɔ bɔgyumana. Nsu uwi ɔdi ɔdubo ɔni na ndubo bekyuli bamɛni kɔtu bɔni ɔkɛnku likpidi lɛni bábla ɔsu.”

Agba 24:12

Tekeli kabla kadi na akya kakwɛ anii átati anii awɔ na ɔlɛka abla-ka. Ɔsika Unwoti ɔgyi ukyuli biala kayi kemmo na ɔɔnu awɔ lɛnɔ. Anwu mɔɔnu ƒula kɔyu lɛlɔ na ɔgyi ka áti kabla kammɔ lɛlɔ litemi. Na ɔdubɔtɛku bekyuli ƒui litemi na lɛla lɛni na bábla lɛlɔ.

Agba 24:2

Ɔsika bekyuli kalɔ bɔvi na bebile-ma ngba na bataakya kekpo ku etemila ani mɔɔkya lɛsɛ ogya kasusu kani na beelie taabla.

Agba 26:10

Ukyuli ɔni mbo kabla na úti-ka ɔ́kya ɔdɔlɔdi lɛkɔkɔ ni, use aani ukyuli ɔni muubó kataminta taakya kayaa lɛla lɛdi tanu tanu.

Etemila 3:17

Anwuɔsu mina kasusu kátina-mi ka Katɔti ɔdubɔtɛku bekyuli babuni ku bekpidi ƒui litemi, ɔsika uwi ɔdubo ute lɛla biala na ukyuli ɔ́bla na kesii biala.

Yeremia 17:10

Nsu ngyi bina ablala ku kasusu ƒui, na ndubo bɔnu ka bɛ́kɛ lɛla lɛni na lɛ́manku-mii.

Yeremia 32:19

Aata ala ani na aayɔ́ abla kɔkwɛ teese ɔkɛnku ƒula lɛnunda bonwu lɛlɔ. Na lɛla bula lɛla biala lɛni na bɔɔbla lɛdi lítabɛ-ɔ.

Esekiel 18:20

Bekyuli bani muulie taabla likpidi kani na badubo bɔdu. Bebi baaadubo abi adi bubo na bana bawɔne ablala ɔsu. Na lɛni kani na bawɔne lɛnɔ baaadubo abi bubo na bana bebi ablala kenye. Mmomu bekyuli bani nábla likpidi kani na badubo bɔdu. Bebi baaadubo abi bubo na bana bati ekpidi ɔsu. Na bawɔne lɛnɔ baaadubo abi bubo na bana bebi ekpidi ɔsu. Na badubo kayu kabuni bɔƒɔ bute bekyuli babuni na ala ani na bábla ɔsu.

Esekiel 18:30

“Ndubo ɔdi biala litemi bɔtɛku na lɛla lɛni na ɔ́bla kenye. Anwuɔsu bɛda likpidi bɔbla bɛya. Si ɔɔɔdi lɛni ni, ɔ́bla bi ndubo-mii kɔtɔ bɔni.

Esekiel 36:19

na lɛ́ya na bégyingya bakya kadi bamba bekyuli kɔlɔ ƒui lɛlɔ kalɛ kani na ɔ́manku ka lɛbla-ma.

Mateo 16:27

Ɔsika ami ɔni ndi Ukyuli Ɔyawine Ubi ndububo ku Katɔti batu na Katɔti ɔyikun kemmo. Na ndubɔƒɔ ukyuli biala kayu na nwuna kabla kenye.

Romaƒuɔ 14:22

Anwuɔsu si lɛla lɛni na áƒɔ ádi na ala amɛni lɛlɔ ni, ya na asɔ akya awɔ ku Katɔti ntɛ kani. Lɛlɔ lɛdubɔyɔ ukyuli ɔni na nwuna kayi kaladu-nwu kɔtɔ na lɛla lɛni na ɔɔnu ka lɛdia lɛlɔ.

Korintoƒuɔ 1 3:8

Kavumana kadi keeebo ukyuli ɔni náva ku ɔni néwi-ka ntu kemmo. Katɔti kani ndubɔƒɔ bana ƒui kayu na bana kabla kenye.

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Korintoƒuɔ 2 11:15

Anwuɔsu ɔmɛni ɔɔɔdi lɛla lɛwɔdi uuute nwuna kama basiakune ka bavumana lɛlɔ babla aani Katɔti kabla bablane bani nse siin. Nsu kawɔlɔkɔ ni, Katɔti ɔdubo-ma kɔtu bɔni kalɛ na ɔ́manku.

Korintoƒuɔ 2 5:10

Ɔsika bula ƒui bɔdubɔda bɔlɛ Kristo anumi na ɔtɛku-bu litemi. Na ɔdi biala ɔdubɔƒɔ nwuna lɛyuƒɔla lɛni námanku nwuna kabla. Lɛbuni lɛdi o-o iye likpidi o-o, ɔdubɔƒɔ nwuna lɛyuƒɔla ɔkɛnku ngba bɔni na búlie na kayawi kamɛni kemmo.

Timoteo 2 4:14

Aleksandro ɔni ndi ɔkywɛne ɔ́bla-mi kalala geen. Na Blɔti ɔdubɔƒɔ-nwu lɛla lɛni na ɔ́bla kayu.

Budie Taatina 2:23

Lɛnɔ ni, ndubo uleku ɔmɛni basɔnɔbi ƒui bɔdu. Na mmɔ ni, baƒɔtaadine lɛkpa lɛmmɔ ƒui badubɔti ka ami ndi ukyuli ɔni ngyi ukyuli biala kayi ku lili kemmo. Ndubo bina akɔ ɔdi biala kayu bɔƒɔ na lɛla lɛni na ɔ́bla kenye.

Budie Taatina 20:12

Na lɛ́nu ka bekpine ƒui benye lɛgaboku lɛmɛni anumi, banamu ku benengu, na bébimi lɛku lɛdi béwi. Na básɔ bébimi ɔku ɔbambadi ɔni ndi ngba ɔku lɛnɔ béwi. Na lɛku lɛmɛni kemmo na baanu taatɛku bekpine ƒui litemi ɔkɛnku ala ani na bábla na bénweni bákya lɛku lɛmmɔ kemmo lɛlɔ.

Budie Taatina 22:12

“Bɛnu! Ami Yesu ndubo uwi klukui! Na ndanku lɛyuƒɔla lɛni námanku kabla biala ndububoku, na mbaƒɔ ɔdi biala kayu na lɛla lɛni na ɔ́bla kenye.