Romaƒuɔ 2:5 - Katɔti Ɔku Kedee

⁵ Na ka bina atu ebo ɔkplu na bítenwini kayi ɔsu ni, Katɔti ɔdubo-mii kɔtu bɔni geen na limeyi lɛni na údie úse lɛlɔ ka ɔdubɔtɛku bayawine ƒui litemi na nwuna ulu siin lɛlɔ.

Romaƒuɔ 2:5 ပူးပေါင်းရင်းမြစ်များ

Ala Alɛdi 2 30:8

Na bitabla atuɔkplu aani bina bati kuuku bammɔ. Bɛlɛ ugyii geen ɔƒɛni ka bɛdubɔdi Unwoti bula Katɔti litemi lɛlɔ! Bibo Yerusalem na bibadi limeyi na bɛkpa-nwu na nwuna kakpakɔ kani ndubɔdi nwuna kadi uwi ƒui na ɔdubɔda kɔnyi buti bɔkya-bu ɔya.

Ala Alɛdi 2 36:13

Amu na Sedekia ɔ́ta únye Ɔga Nebukadnesar lɛlɔ ina ka ɔ́kpali Unwoti lɛnyi na úse ɔga ɔmmɔ kenye ka ɔdubɔdi nwuna litemi lɛlɔ siin. Nsu Sedekia ɔ́bla atu ɔkplu na úni ka ɔvumana kayi na unwini ubo Unwoti Israel Katɔti kudɔ. Na ɔ́ta únye Nebukadnesar lɛlɔ.

Hiob 21:30

si ɔgbankpi ɔdi ɔ́lɛ ni, bekyuli bekpidi mmomu na lɛla lɛdi lilábla?

Kɔgya 110:5

Unwoti unye-ɔ kɔdianu kakɛ, na limeyi lɛni na ɔdubɔkɛ kɔnyi ni, ɔdubɔyila baga udu.

Kɔgya 95:8

bitabla atuɔkplu aani kalɛ na badi bábla na Meriba ku Masa kalɔ kakwiidi kammɔ lɛlɔ limeyi lɛmmɔ.

Israelƒuɔ Bɔlɛ 14:17

Na ndubɔya na Egyipteƒuɔ bammɔ kayi kayu ɔkplu na basia-ma kama lɛni kani. Na ɔkɛnku Ƒarao ku nwuna bekpone bammɔ ku bapɔnkɔ kɛɛkɛ ku bapɔnkɔ beliene bammɔ ƒui lɛlɔ ɔsu na mina lɛnyi likeye.

Israelƒuɔ Bɔlɛ 32:34

Nsu ɔƒaani ni, teesie na atákpanku bekyuli bammɔ esienku kesii kani lɛ́su-ɔ líse. Na enyimo ka mina ɔtu ɔdubo-ɔ bɔgyumana. Nsu uwi ɔdi ɔdubo ɔni na ndubo bekyuli bamɛni kɔtu bɔni ɔkɛnku likpidi lɛni bábla ɔsu.”

Israelƒuɔ Bɔlɛ 8:15

Na ka Ƒarao ɔ́nu ka bapɔtɔlɔ bammɔ ƒui békpi ni, ɔ́sɔ únwini kasusu na úni ɔnii ulenu Mose ku Aaron litemi kalɛ na Unwoti ɔ́su úse.

Agba 1:18

Nsu uuuse lɛni ku bekyuli bammɔ udu. Ama alati lɛlɔ na bebi baatú, na kubu na baasia ama alati lɛlɔ.

Agba 11:4

Ukyuli lɛkɛ lɛɛɛdubo-nwu bubunku Unwoti litemi bɔtɛ limeyi. Nsu ngba buni bulie muudie ukyuli na kukpi kemmo.

Agba 28:14

Kusɛ kusɛ ɔsiaku bekyuli bani na bana kasusu kese siin. Nsu belikplune bésela betéduo ɔgbankpi bonwu kemmo.

Agba 29:1

Ukyuli ɔni mɔɔbla atuɔkplu na úni ɔnii ukyuli ɔdi utedie-nwu bɔƒiɔ ni, ɔdubo lɛlɔ udu bɔyila na ɔdi ɔsɔ ulakana-nwu bɔbwi.

Etemila 12:14

Katɔti ɔdubɔtɛku-bu litemi na lɛla biala na ukyuli ɔ́bla lɛlɔ ina bɔbɛ na ábɛ ábla-nya na adi likpidi iye lɛbuni.

Yesaia 48:4

Ngyi ka bibo atu ɔkplu ku lili ɔkplu.

Yeremia 40:3

Nsu beni na benye baabla ala ani mɔɔta teenye-nwu lɛlɔ uwi biala. Na ɔƒaani ni, ɔ́ni-ma kɔtu aani kalɛ na ubo-ma lɛnimi enwu úse.

Esekiel 11:19

Na ndubɔda bina atuɔkplu bɔbla ƒui lidie-mii lɛlɔ na lɛya na anumi eteegyie-mii kalɛ na bɛsiaku-mii kama siin na biteenu-mi litemi

Esekiel 3:7

Nsu Israel kadi bekyuli badubo buni na belénu litemi, ɔsika béni na bétenu-mi litemi. Bana ƒui bebo atuɔkplu na kayi kétitili-ma,

Daniel 5:20

Nsu ka úbo ɔɔbla atuɔkplu na ɔɔtalaku lɛlɔ katɔ na ɔsɔ ulabu Katɔti ni, úkpeli nwuna lɛgadi lɛmmɔ ɔ́lɛku-nwu lɛkɔkɔ.

Hosea 13:12

“Israel, bénweni ƒula alaekpidi bonwu bonwu ammɔ bése, na báklibi-nya buse béte-ɔ.

Amos 3:10

Unwoti ɔnini, “Bekyuli bamɛni baaagyi kalɛ na baabla lɛbuni. Béyu bekyuli, na béƒie ani báƒɔ ɔkplu kemmo bénwini bana lɛlakɛ.”

Romaƒuɔ 1:18

Katɔti uudie nwuna kɔnyi keyi taasiku katɔ na ala ani mɔɔta teenye-nwu lɛlɔ ku likyulikpi ala bɔbla bɔni muutile bekyuli kuƒi ka bati Katɔti litemi geen lɛmmɔ.

Romaƒuɔ 11:25

Banwa, ala abɛdi adi akya ɔ́si kukuuku ani na naaayɔ nnii abɛ-mii ƒui kalɛ na bilátaakun lɛmɛnɛ na bina kasusu kenye. Anwu ndi ka ni, Yudaƒuɔ badi atuɔkplu ani baabla ni, ɔɔɔdubo buse lɛni uwi ƒui. Mmomu atuɔkplu ammɔ kenye kadubukulo uwi ɔni na Katɔti ɔ́sala bumomo bɔni na ɔɔwia na bani naaadi Yudaƒuɔ akɔ ɔ́wɔlɔ.

Romaƒuɔ 9:22

Na lɛni kani na Katɔti lɛnɔ ɔ́bla. Ɔɔyɔ́ ka udie nwuna kɔnyi keyi na banu nwuna ɔyikun bati. Nsu ɔ́kɛ kayi geen úte bani mɔɔkya-nwu kɔnyi ina ka ɔ́ɔlɛ-ma ugyii úse ka ɔyila-ma udu.

Korintoƒuɔ 2 5:10

Ɔsika bula ƒui bɔdubɔda bɔlɛ Kristo anumi na ɔtɛku-bu litemi. Na ɔdi biala ɔdubɔƒɔ nwuna lɛyuƒɔla lɛni námanku nwuna kabla. Lɛbuni lɛdi o-o iye likpidi o-o, ɔdubɔƒɔ nwuna lɛyuƒɔla ɔkɛnku ngba bɔni na búlie na kayawi kamɛni kemmo.

Lɛkpa Ulu 2:30

Nsu Ɔga Sihon anwu útenu kalɔ ka bɔsia bana kalɔ kemmo. Bina Unwoti Katɔti nábla-nwu na nwuna kayi káyu ɔkplu kalɛ na bukpoku-nwu na bɔdi-nwu lɛlɔ.

Lɛkpa Ulu 32:34

Unwoti uunyimo lɛla lɛni na bula bekisine bábla. Na unye ɔɔnu anumi uwi ɔbuni ɔni na weti wani-ma kɔtu.

Tesalonikaƒuɔ 2 1:5

Ɔmɛni ɔɔtina-bu ka Katɔti ɔɔtɛ litemi siin. Na ɔdubute-mii keliekɔ na nwuna lɛga kadikɔ kani ɔsu na biibó abi.

Hebriƒuɔ 3:13

Mmomu bɛkya lɛlɔ ogya limeyi ndi limeyi si kadi biala kégye-mii na baalɔ-ka banii ɔmwi. Ɔmmɔ ndubɔya na likpidi lilátɔlɔ ɔdi na wenwini ukyuli ɔni mɔɔbla atuɔkplu.

Hebriƒuɔ 3:15

Lɛni na básu bábavi ɔƒɛni banini, “Si bínu Katɔti lɛdi ɔmwi ni, bitabla atuɔkplu aani kalɛ na bɛ́bla uwi ɔni na bɛ́ta binye Katɔti lɛlɔ.”

Hebriƒuɔ 4:7

Ɔmɛni ɔsu na Katɔti ɔ́sɔ úse limeyi lɛbambadi lɛni na ɔɔlɔ ɔnii ɔmwi úse uwi ɔni na ɔ́tɛmiku kuuku bekyuli ɔkɛnku Ɔga Dawid lɛlɔ lɛni na bɔ́su búbavi bɔnini, “Si bínu Katɔti lɛdi ɔmwi ni, bitabla atuɔkplu.”

Yakobo 5:3

Bina sika ugyiedi ku ɔƒualadi ɔni na bibo ni, ɔdubo bɔnyi bukpi. Na ɔmmɔ ndubudie-mii ute na Katɔti Litemi Bɔtɛ Limeyi lɛmmɔ lɛlɔ. Na ala ani nétili mmɔ adubɔkun buduo-mii ɔlɔna kemmo aani kalɛ na ogya ɔɔkyula ukyuli. Na bɛ́ɛtɛ-nya bíse bíte lɛlɔ na bina uwi ukplodi ɔmɛni kemmo.

Yosua 11:20

Na Unwoti ɔ́ya na lɛma lɛmmɔ kɔyi kɔ́yu ɔkplu kalɛ na Israelƒuɔ bakɛ kuƒi na bekpoku-ma na bayila-ma udu kede kede ɔni na kɔnyana bɔnu bɔdi buuubo. Na ɔmɛni ndi ɔda ɔni na Unwoti úbo Mose ka ɔbla.

Petro 2 2:9

Ɔmɛni ɔɔtina ka Katɔti ɔgyi kalɛ na udie bekyuli babuni ɔlɛku ala ani muukpóku-ma kemmo na ɔda bekyuli bekpidi use ute uwi ɔni na ɔdubɔni-ma kɔtu na litemi bɔtɛ limeyi lɛmmɔ lɛlɔ.

Petro 2 3:7

Na litemi lɛni lɛlɔ na ɔkɛ údie katɔ ku kalɔ ƒui ni, litemi lɛmmɔ kani na úti ɔda kayawi kammɔ use ute uwi ɔni na ɔdubɔkyula-ka ku ogya. Na Katɔti ɔ́bla lɛni úse úte limeyi lɛni na ɔdubɔtɛku bekyuli bekpidi litemi na ɔkyula-ma.

Yuda 1:6

Na Katɔti batu bani nátakana na benye bana kenyekɔ na ɔyikun ɔni na Katɔti úte-ma kenye ni, Katɔti úbo-ma kɔgba ɔ́kya kasuudikɔ wetédu limeyi lɛni na watɛku-ma litemi na limeyi likplodi lɛmmɔ lɛlɔ.

Budie Taatina 2:21

Líte-nwu uwi ɔni na uti ɔvumana na ɔda ekpidi bɔbla ɔya, nsu ulenu kalɔ.

Budie Taatina 6:17

Ɔsika Katɔti ku Koƒonu Ubi ɔmmɔ kɔnyi kpakplaa limeyi lídu! Na ɔma makana kɔnyi kɔmmɔ kenye bunye?”

Samuel 1 6:6

Na bi ɔsu na bɛɛbla atuɔkplu aani kalɛ na Egyipteƒuɔ ku Ƒarao bábla? Na ɔmmɔ ɔsu na ɔ́ni-ma kɔtu kpakplaa útálɛ ka bágya Israelƒuɔ bálɛku bana ɔma na béti bana ulu?