Romaƒuɔ 2:26 - Katɔti Ɔku Kedee

²⁶ Na si ukyuli ɔni naaadi Yudani na útekulo lego ɔɔdi ɔda bubo bɔmɛni lɛlɔ ni, Katɔti ɔɔnu-nwu aani ukyuli ɔni nékulo lego.

Romaƒuɔ 2:26 ပူးပေါင်းရင်းမြစ်များ

Mateo 15:28

Mmɔ na Yesu údie kenye ɔ́su-nwu ɔnini, “Adi uleku ɔni náƒɔ ɔ́di geen! Ákɛ lɛla lɛni na aawia.” Anwuɔsu uwi ɔmmɔ kemmo kani ni, ubidi ulekubi ɔmmɔ ɔlɛ ɔ́ba-nwu.

Romaƒuɔ 2:25

Na si bɛɛdi ɔda bubo bɔmɛni lɛlɔ ni, bina lego bukulo bɔdi lɛla lɛni na libo kɔsia. Nsu si biládi ɔda bubo bɔmmɔ lɛlɔ ni, na lego bukulo ɔdi ɔni na bɛ́bla ɔdi lɛla keeke.

Romaƒuɔ 2:27

Ukyuli ɔni mɔɔdi ɔda bubo bɔmmɔ lɛlɔ nsu útekulo lego ni, ɔdubɔdu-mii kɔtɔ ina ka amii na béte ɔda bubo bɔmmɔ na bíkulo ago lɛnɔ nsu biládi-mu lɛlɔ.

Romaƒuɔ 3:30

Ɔsika Katɔti unwi pɛ kani nkya na anwu ndubɔbla na Yudaƒuɔ baabla siin ɔkɛnku bɔƒɔtaadi lɛlɔ. Lɛni kani na ɔdubɔbla bani naaadi Yudaƒuɔ lɛnɔ na babla siin ɔkɛnku bɔƒɔtaadi bɔmmɔ kani lɛlɔ.

Romaƒuɔ 8:4

Katɔti ɔ́bla ɔmɛni úte abu bani nli aani kalɛ na Katɔti Kɔyu kɔɔyɔ́, na ɔɔɔdi kalɛ na ɔlɔna udu ɔkukudi ɔɔyɔ́. Ɔ́bla ala amɛni ƒui na ulu siin lɛlɔ aani kalɛ na nwuna ɔda bubo bɔɔtina.

Galatiƒuɔ 6:15

Na ɔɔɔdi lego bukulo iye ago tekulo na bɔɔwia, mmomu lɛla lɛni na bɔɔwia ndi ngba bɔwɔdi bulie.

Eƒesoƒuɔ 2:11

Binyimo ka uwi ɔdi návi ni, báwɔ-mii aani bekyuli bani naaagyi Katɔti. Na Yudaƒuɔ bani nékulo lego ni, baalɔ-mii banii kadi kani bekyuli nétekulo ago. Nsu geen ni, bani nábla ɔlɔna bukulo ɔdi ɔmɛni ni, ɔlɔna lɛlɔ kabla kani na ɔdi. Na uuubo kɔsia kɔdi na kɔyu kemmo na Katɔti anumi.

Ƒilipiƒuɔ 3:3

Abu ndi bekyuli bani mmomu nékulo ago, ɔsika buumwi Katɔti ɔkɛnku nwuna Kɔyu lɛlɔ na bɔɔkɛ́ ebiti ka abu ku Kristo Yesu bɔ́bla unwi ɔsu. Na búteti lɛlɔ bútasia ɔlɔna lɛlɔ ɔdi ala bɔbla lɛlɔ.

Koloseƒuɔ 2:11

Ka bɛ́blaku Kristo unwi ɔsu ni, Katɔti úti nwuna Kɔyu úse-mii likpo ka bɛdi nwuna badi. Nsu ɔɔɔdi aani kalɛ na Yudaƒuɔ baabla ago bukulo ɔdi kalɛ. Mmomu Kristo ɔlati nábla-mii ɔmɛni úti úkulo ekpidi udu údie-bu lɛlɔ.

Yosua 5:5

Na banana bammɔ ƒui békulo ago. Nsu banana bani ƒui na báwɔ na bana ulu busie na kalɔ kakwiidi kemmo ni, bétekulo tɔ ago.