Romaƒuɔ 2:20 - Katɔti Ɔku Kedee

²⁰ Na bɛɛsu ka amii mɔɔlɛ badɔlɔdi, na bɛɛtina banamu bakɔdi ala. Na bɛ́ƒɔ bɛ́di geen ka ɔda bubo bɔmmɔ bunye bute lɛlati ku litemi geen ƒui.

Romaƒuɔ 2:20 ပူးပေါင်းရင်းမြစ်များ

Mateo 11:25

Uwi ɔmmɔ kemmo ni, Yesu ɔ́sɔ ɔ́kpali katɔ ɔnini, “Ati, katɔ ku kalɔ Unwoti, mɔɔgyá-a enu. Éti ala amɛni ábɛla banundane ku bakutine, na édie-nya átina bani nétesie anumi na lɛlati lɛdi kemmo.

Romaƒuɔ 2:19

Na bɛ́ƒɔ lɛlɔ bɛ́di ka bɛdi lɛnumi bite banumbwɛne, na bɛdi bukeye bite bekyuli bani nkya lɛdisa kemmo.

Romaƒuɔ 3:31

Anwuɔsu bi na ɔmɛni ɔɔtina? Ɔɔtina ka bɔ́da ɔda bubo bɔmmɔ buse ka bɔƒɔtaadi bɔ́ƒɔ-mu kenye ɔsu? Kudii! Mmomu lɛla lɛni na ɔda bubo bɔmmɔ bɔdanku geen na bɔɔkɔliku katɔ.

Romaƒuɔ 6:17

Nsu bɔɔgyá Katɔti enu, ɔsika uwi ɔdi kemmo ni, bɛdi kabla bablane bite likpidi. Nsu ɔƒɛni ni, bíti bina kayi ƒui bɛɛdi litemi geen lɛni lɛ́tina-mii mmɔ lɛlɔ.

Korintoƒuɔ 1 3:1

Banwa, na litemi geen bɔsu kenye ni, naaakana na matɛmiku-mii aani kalɛ na mɔɔtɛmiku bekyuli bani na Katɔti Kɔyu kɔ́ƒɔ-ma lɛlɔ kemmo. Mmomu ndubɔtɛmiku-mii aani bekyuli bani na bana anu amu asia kayawi ala lɛlɔ. Na bɛmu bɛdi banamu wɛlɛ wɛlɛ na Kristo bɔƒɔtaadi bɔmmɔ kemmo.

Timoteo 2 1:13

Da etemila geen ani na lɛ́tina-a ƒui kaduɛ na abla asiaku-nya lɛlɔ. Nye bɔƒɔtaadi bɔmmɔ lɛlɔ kpakplaa na abla unwi ku Yesu Kristo na bɔyɔ kemmo.

Timoteo 2 3:5

Bekyuli bamɛni udu mɔɔtina ku kenyekplu ka badi bekyuli babuni, nsu beení Katɔti ɔyikun ka ɔdi-ma lɛlɔ na bana keliela kemmo. Da lɛlɔ mamiku bekyuli bamɛni lɛlɔ.

Tito 1:16

Ama alati baasu banii baabu Katɔti, nsu bana ablala alátina lɛni. Badi bekyuli bani muusé lɛlɔ na balábu lɛla lɛdi na bátamanku lɛbuni lɛdi lɛnɔ bɔbla.

Hebriƒuɔ 5:13

Na ukyuli ɔni na lɛnyi ntu kani na ɔɔnyimi ni, ɔmu ɔdi ɔnamu na útedu ka unu ala bɔtina bɔni ndanku ukyuli lɛlɔ bɔbla siin kalɔ.

Yakobo 3:1

Banwa, bina pii bitenwini litemi buni ala batinane. Bɛgyi ka abu bani mɔɔtina ala ni, Katɔti ɔdubɔtɛku-bu litemi utulo bakladi.

Petro 1 2:2

Bɛya na anumi egyie-mii na Kɔyu kemmo etemila geen amɛni lɛlɔ aani kalɛ na ɔkaƒɔ ɔɔwia lɛnyi ntu. Ɔmmɔ ndubɔya na bɛlɛ lili bɛwɔlɔ kalɛ na Katɔti ɔɔwia.