Romaƒuɔ 2:18 - Katɔti Ɔku Kedee

¹⁸ Bɛɛsu lɛnɔ bɛnii bɛgyi lɛla lɛni mɔɔyɔ́ Katɔti kaƒɔ, na bɛ́tɛya ala abuni ani na ɔdi ka bɛƒuna na ɔda bubo bɔmmɔ kemmo.

Romaƒuɔ 2:18 ပူးပေါင်းရင်းမြစ်များ

Kɔgya 119:130

Ala ani kalɔ na ƒula etemila eedie adi bukeye, na ɔɔyá na bekyuli bani naaagyi lɛla lɛdi baadá anu.

Kɔgya 19:8

Ɔda bubo bɔmmɔ buse kede kede na ɔɔbla ukyuli lili kemmo nwaa na ɔɔtí Unwoti lɛƒɔyɔ.

Agba 6:23

Ɔsika ɔda bubo bɔmɛni bɔdi asogya, na ala bɔtina bɔmɛni bɔdi-ɔ bukeye. Na kalɛ na etemila amɛni aaklibi-ɔ na ati lɛlɔ bɔda ni, adi ulu ɔni lɛlɔ na adubɔsia na akɛ ngba.

Luka 1:4

Mɔɔbla ɔmɛni kalɛ na anu litemi geen lɛmmɔ ati ƒui ɔ́si ala ani na bátina-a lɛlɔ.

Luka 12:47

“Kabla ɔblane ɔni ngyi lɛla lɛni na nwuna Unwoti ɔɔwia ka nka ɔbla ute-nwu nsu uuní-ni bɔbla ka útada lɛlɔ útese ɔsu ni, bubo na badubo-nwu bubo na ebola eduo-nwu lɛlɔ.

Yohane 13:17

Ka bɛ́ti litemi geen lɛmɛni ɔƒaani ɔsu ni, lɛlɔ lɛdubɔyɔ-mii si bɛ́bla ala amɛni.

Romaƒuɔ 15:4

Na ala ani ƒui na bénweni bése uwi ɔni návi kemmo ni, bénweni-nya bése kalɛ na batina-bu ala, kalɛ na si búnye lɛbibo biala kenye kpakplaa ɔkɛnku Bunweni Kedee ogya ɔni na ɔɔkya-bu lɛlɔ ni, na bɔkɛ lɛnunsia.

Romaƒuɔ 2:19

Na bɛ́ƒɔ lɛlɔ bɛ́di ka bɛdi lɛnumi bite banumbwɛne, na bɛdi bukeye bite bekyuli bani nkya lɛdisa kemmo.

Lɛkpa Ulu 4:8

Na kadi bamba bekyuli ina bebo lɛnyi muedi ni, bana ɔda bubo bulédu ɔda bubo siin bɔni na lɛ́tina-mii ɔmwi kadi mɛni.

Ƒilipiƒuɔ 1:10

kalɛ na bidie lɛla lɛni ndia ntulo. Mmɔ na bɛdubudie lɛlɔ na ala ani muusé lɛlɔ ƒui kudɔ na baládu-mii kɔtɔ na uwi ɔni kemmo na Kristo wasɔ webo.

Tesalonikaƒuɔ 1 5:21

Mmomu bɛwia lɛla biala kalɔ binu na bɛsiaku lɛbuni kama.

Hebriƒuɔ 5:14

Nsu adila geen ani mbo unu ni, ese ete bekyuli bani náabi lɛlɔ. Lɛni kani na bekyuli bani náabi lɛlɔ ni, báanyuɛ lɛlɔ na báti kavumana kani nkya lɛbuni ku likpidi ntɛ.

Yakobo 4:17

Anwuɔsu ukyuli ɔni ngyi lɛla lɛbuni bɔbla nsu ulábla-ni ni, ɔdi likpidi ute-nwu.