Romaƒuɔ 2:16 - Katɔti Ɔku Kedee

¹⁶ Na litemi buni lɛni lɛsa na mɔɔkɔ́ ni, lɛɛtina ka Katɔti ɔdubɔya na Yesu Kristo ɔtɛku bekyuli litemi ɔ́siku ala ani nábɛ akya-ma kasusu kemmo ƒui lɛlɔ.

Romaƒuɔ 2:16 ပူးပေါင်းရင်းမြစ်များ

Ala Kalɔ Buse 18:25

Ńtaƒɔ ńtadi ka adubɔbla lɛni, na adu bekyuli babuni ku bekpidi ɔni mɔɔtina ka ábla bekyuli babuni ku bekpidi ulikplu likeke. Ɔmmɔ udu anwu ni, ngyi nwaa ka awɔ ɔni mɔɔtɛku kayawi ƒui litemi adubɔbla lɛla lɛni ndi ulu.”

Kɔgya 50:6

Kayaa ƒui ala aatina kalɛ na Katɔti use siin. Ɔsika anwu ɔlati ndi litemi ɔtɛne ɔmmɔ.

Kɔgya 96:13

Bidie lɛnu na bibo kudu na Unwoti ɔni ndubo anumi. Ɔsika ɔdubo ubatɛku kayawi bekyuli litemi na ulu siin lɛlɔ. Na ɔdubɔsia nwuna litemi geen lɛmmɔ lɛlɔ ɔtɛ litemi lɛmmɔ.

Kɔgya 98:9

Bidie lɛnu na bibo kudu na Unwoti ɔni ndubo anumi. Ɔsika ɔdubo ubatɛku kayawi bekyuli litemi na ulu siin lɛlɔ. Na ɔdubɔsia nwuna litemi geen lɛlɔ ɔtɛ litemi lɛmmɔ.

Etemila 11:9

Lɛlɔ lɛyɔ-ɔ na ƒula lɛkloƒu uwi na enu ngba emini. Na teni lɛbuni biala na ánu iye ƒula kayi kaayɔ́ tete lɛlɔ. Nsu tayiƒala ka Katɔti ɔdubɔtɛku-ɔ litemi na lɛla biala lɛni na ábla lɛlɔ.

Etemila 12:14

Katɔti ɔdubɔtɛku-bu litemi na lɛla biala na ukyuli ɔ́bla lɛlɔ ina bɔbɛ na ábɛ ábla-nya na adi likpidi iye lɛbuni.

Etemila 3:17

Anwuɔsu mina kasusu kátina-mi ka Katɔti ɔdubɔtɛku bekyuli babuni ku bekpidi ƒui litemi, ɔsika uwi ɔdubo ute lɛla biala na ukyuli ɔ́bla na kesii biala.

Mateo 16:27

Ɔsika ami ɔni ndi Ukyuli Ɔyawine Ubi ndububo ku Katɔti batu na Katɔti ɔyikun kemmo. Na ndubɔƒɔ ukyuli biala kayu na nwuna kabla kenye.

Luka 8:17

Lɛla biala lɛni na bábala bákya kesii biala ni, lɛdubɔda lɛlɛ keyi. Na lɛla lɛni na bébi ala ni, badubudie-ni beboku bukeye kemmo.

Yohane 12:48

Ukyuli biala ɔni muuní-mi ni, na ulaƒɔ mina litemi taadi ni, lɛla lɛni madu-nwu kɔtɔ linye lɛgya-nwu. Na etemila ani na lɛ́su anya ndubo-nwu kɔtɔ bɔdu na limeyi likplodi lɛmmɔ lɛlɔ.

Batalane Kabla 10:42

Na abu na ɔ́tala ɔnii bɔsu litemi buni lɛmɛni na kesi kesii. Na budie kenye ka ni, Katɔti néti Yesu ɔ́bla bekpine ku bayawine ƒui litemi ɔtɛne.

Batalane Kabla 17:31

Ɔsika anwu údie limeyi lɛdi úse lɛni lɛlɔ na ukyuli ɔni na ɔ́ƒuna úse wabatɛku-bu litemi ɔ́si bula ɔbladu lɛlɔ. Na údie Ukyuli Ɔƒunadi ɔmɛni ɔ́tina-bu nwaa ɔ́si ɔni na ɔ́gyila-nwu ɔ́siku kekpine na ɔ́sɔ úbo úbelie ngba.”

Romaƒuɔ 16:25

Na ɔƒaani ni, bɛya bumwi Katɔti. Anwu ndubɔkana na ɔda-mii na binye kpakplaa aani kalɛ na mɔɔsu na litemi buni lɛni kudu na muubó kemmo ɔkɛnku Yesu Kristo lɛlɔ. Litemi buni lɛmɛni nkɛnku ala abɛdi ani na Katɔti údie keyi na ábɛ-bu na akwa pii ani návi kemmo.

Romaƒuɔ 2:5

Na ka bina atu ebo ɔkplu na bítenwini kayi ɔsu ni, Katɔti ɔdubo-mii kɔtu bɔni geen na limeyi lɛni na údie úse lɛlɔ ka ɔdubɔtɛku bayawine ƒui litemi na nwuna ulu siin lɛlɔ.

Romaƒuɔ 3:6

Na si buse na use aani kalɛ na baakali ni, bi lɛlɔ na Katɔti ɔdubunye ɔtɛku bayawine ƒui litemi?

Korintoƒuɔ 1 15:1

Banwa, ɔƒɛni ni, mɔɔyɔ́ ka binyimo litemi buni lɛni lɛsa na lɛ́kɔ líte-mii. Litemi lɛmɛni na bɛ́ƒɔ bɛ́di na binye bɔƒɔtaadi bɔmmɔ lɛlɔ kpakplaa.

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Korintoƒuɔ 2 5:10

Ɔsika bula ƒui bɔdubɔda bɔlɛ Kristo anumi na ɔtɛku-bu litemi. Na ɔdi biala ɔdubɔƒɔ nwuna lɛyuƒɔla lɛni námanku nwuna kabla. Lɛbuni lɛdi o-o iye likpidi o-o, ɔdubɔƒɔ nwuna lɛyuƒɔla ɔkɛnku ngba bɔni na búlie na kayawi kamɛni kemmo.

Galatiƒuɔ 1:11

Banwa, mɔɔyɔ́ ka lɛsu-mii ka ni, litemi lɛni mɔɔsu mɛni ni, lítasi ukyuli ɔdi kudɔ.

Timoteo 1 1:11

Na Katɔti litemi buni lɛni bɔsu na úti ɔ́kya-mi enu kemmo ni, nina kemmo kani na bɔdubɔkɛ ala bɔtina bɔbuni bɔmmɔ bɔni nási Katɔti ɔmmɔ ɔlati bukeye kemmo. Na anwu na bɔɔgyá enu.

Timoteo 2 2:8

Nyimo Yesu Kristo ɔni ndi Dawid kaba kemmo ubi ɔni na Katɔti ɔ́gyila ɔ́lɛku bekpine akɔ aani kalɛ na litemi buni lɛni mɔɔsu mɛni lɛɛtina.

Timoteo 2 4:1

Nnye Katɔti ku Kristo ɔni ndubɔsɔ ubo ubatɛku bayawine ku bekpine litemi anumi. Na ka ɔdubɔsɔ ubo na nwuna lɛga bɔdi kemmo ɔsu ni, mɔɔlɛ-ɔ kpakplaa nnii

Timoteo 2 4:8

Na ɔ́si ɔƒɛni ni, Katɔti ɔ́ɔklibi mina kabwa kani mɔɔtina ka lílie ɔƒɔtaadine ngba ulu lɛlɔ úse-mi. Ɔdi kabwa kani na Blɔti ɔni mɔɔtɛ bula ƒui litemi ulu lɛlɔ ɔdubo-mi bute limeyi likplodi lɛmmɔ. Na ɔɔɔdi ami lɛti pɛ ndubɔkɛ-ka, mmomu ami ku bani ƒui lɛnɔ nsia anu bete Blɔti bɔsɔ bubo bɔmmɔ.

Hebriƒuɔ 9:27

Katɔti ɔ́lɛ ugyii úse ka ukyuli ukpi kunwi pɛ kani, na ɔmmɔ kama na ɔtɛku-nwu litemi.

Petro 1 4:5

Nsu badubudie lɛlɔ kenye na Katɔti ɔni ndubɔtɛku ngba beliene ku bekpine ƒui litemi anumi na ala ammɔ lɛlɔ.

Petro 2 2:9

Ɔmɛni ɔɔtina ka Katɔti ɔgyi kalɛ na udie bekyuli babuni ɔlɛku ala ani muukpóku-ma kemmo na ɔda bekyuli bekpidi use ute uwi ɔni na ɔdubɔni-ma kɔtu na litemi bɔtɛ limeyi lɛmmɔ lɛlɔ.