Romaƒuɔ 2:14 - Katɔti Ɔku Kedee

¹⁴ Sɔsɔ ni, bekyuli bani naaadi Yudaƒuɔ ni, baaagyi Mose ɔda bubo bɔmɛni. Nsu si ɔkɛnku bana kayi bɔlɛ kemmo na bábla ala ani na Mose ɔda bubo bɔɔtina ni, bana ablala aatina ka bebo ɔda bubo bete lɛlɔ ina ka bétenu Mose ɔda bubo bɔmɛni lɛlɔ litemi dii.

Romaƒuɔ 2:14 ပူးပေါင်းရင်းမြစ်များ

Batalane Kabla 10:35

Mmomu kalɔ biala lɛlɔ ukyuli ɔni muuboku lɛlɔ kalɔ teete-nwu na ɔɔbla nwuna lɛyɔla ni, anwu na ɔɔƒɔ́.

Batalane Kabla 14:16

Kukuuku ni, údie bayawine ƒui atu na baabla lɛla lɛni na baayɔ́.

Batalane Kabla 17:30

Na ɔ́si kalɔ kesekɔ úti úbedu uwi ɔmɛni kemmo ni, Katɔti útani bekyuli kɔtu ɔsika bátati-nwu. Nsu ɔƒaani ni, úbo-bu ɔda ɔnii bɔda anumi budie ala amɛni bene lɛlɔ na bunwini anumi buboku-nwu kudɔ.

Romaƒuɔ 1:32

Bagyi ka Katɔti úbo-bu ɔda siin ka bekyuli bani nlie ngba bɔmɛni udu ni, Katɔti ɔdubɔdu-ma kukpi kɔtɔ. Nsu ni, benye momoomo na baabla alaekpidi amɛni. Na ɔɔɔdi ɔmɛni lɛti, mmomu beeti ɔbu teete bekyuli bani lɛnɔ mɔɔbla ala amɛni.

Romaƒuɔ 2:12

Bekyuli bani ƒui nábla ekpidi na baaagyi Mose ɔda bubo ni, badubo bukpi bɔyii. Nsu Katɔti ulatɛku-ma litemi na ɔda bubo bɔmmɔ lɛlɔ. Na bani na bakya Mose ɔda bubo bɔmɛni kalɔ na bábla ekpidi ni, ɔkɛnku ɔda bubo bɔmɛni lɛlɔ na Katɔti ɔdubɔtɛku-ma litemi.

Romaƒuɔ 2:15

Na ɔɔtina ka Katɔti úti ala ani nkya Mose ɔda bubo bɔmmɔ bɔɔtina ɔ́kya-ma kayi kemmo. Na bana kayi lɛnɔ kaatina-ma geen ka ɔmɛni use lɛni. Na uwi ɔdi ni, bana kasusu kaadú-ma kɔtɔ iye keete-ma ubo.

Romaƒuɔ 2:27

Ukyuli ɔni mɔɔdi ɔda bubo bɔmmɔ lɛlɔ nsu útekulo lego ni, ɔdubɔdu-mii kɔtɔ ina ka amii na béte ɔda bubo bɔmmɔ na bíkulo ago lɛnɔ nsu biládi-mu lɛlɔ.

Korintoƒuɔ 1 11:14

Kalɛ na Katɔti údie kayawi ala ni, ɔmmɔ lɛti ɔɔtina-bu lɛla lɛdi. Na útamanku ka ɔnana ɔda nwuna lili linwini use na liyi line gyɔlɔɔ. Ɔdi kɔƒa lɛla.

Korintoƒuɔ 1 9:21

Lɛni kani na mɔɔbla ku bekyuli bani naaadi Yudaƒuɔ lɛnɔ. Na lílie-ma akɔ aani ukyuli ɔni naaadi Yudani. Na naaadi Yudaƒuɔ ɔda bubo bɔdi lɛlɔ kalɛ na lɛƒɔ-ma lite Blɔti. Ɔmɛni ulátina ɔnii lɛ́ta línye Katɔti ɔda bubo lɛlɔ. Ɔsika geen ni, Kristo ɔda bubo lɛlɔ na mɔɔdi.

Eƒesoƒuɔ 2:12

Binyimo ka uwi ɔmmɔ ni, amii ku Kristo bɛɛɛdi unwi, na bɛdi baƒɔ bani naaadi Yudaƒuɔ bani na Katɔti ɔ́ƒuna. Na biiibunku kenye kani na Katɔti úse úte nwuna bekyuli na kenye kani na únyimiku-ma kemmo. Na biiibo lɛnunsia lɛdi na ngba bɔni na bilie kemmo. Na bítenu Katɔti lɛnɔ kɔku kudii na bina ngba kemmo.

Eƒesoƒuɔ 2:3

Lɛni geen na abu lɛnɔ búlie ngba aani bana kalɛ na bɔ́siaku bula ɔlɔna ɔkwɛ adala kama na bɔ́bla ala ani na bula ɔlɔna ku kasusu kaayɔ́. Na ka bula ukyuli udu útavumanaku bani mɔɔbla ala ammɔ udu ɔsu ni, bɔ́manku ka Katɔti ɔni abu lɛnɔ kɔtu aani bekyuli bakladi kalɛ.

Lɛkpa Ulu 4:7

Na kadi bekyuli badi beeebo ɔni na bana baƒiɔ bede-ma aani kalɛ na bula Unwoti Katɔti ude-bu mɛni na ɔɔtuna teete-bu si bɔ́kpali-nwu.

Ƒilipiƒuɔ 4:8

Na ukplodi ni, banwa, biti bina kasusu bɛsia ala ani ndi etemila geen lɛlɔ ku ala ani mbo ɔbu ku ala ani nse siin ku ala ani nse sɛɛn ku ala ani mɔɔdia bɔnu ku ala ani náƒɔ lɛnyi ku ala ani ndia geen ku ala ani námanku bumwi lɛlɔ.