Romaƒuɔ 2:11 - Katɔti Ɔku Kedee

¹¹ Ɔsika Katɔti ulánu anumi lɛlɔ taatɛ litemi.

Romaƒuɔ 2:11 ပူးပေါင်းရင်းမြစ်များ

Ala Alɛdi 2 19:7

Anwuɔsu bɛnu ka bɛ́bla bina kabla ƒui na bíti ɔbu bíte-nwu. Na bɛti lɛnɔ ka ɔɔɔdubo-mii kuƒi bute na bɛnu ukyuli ɔdi anumi bɛbla lɛla lɛdi iye bɛbɛ bɛƒɔ lɛla lɛdi bɛsiku ɔdi kudɔ bɛdi.”

Hiob 34:19

Na Katɔti nédie abu bekyuli ƒui. Ɔlakɛne na adi o-o, ɔwabane na adi o-o ni, ulánu bana ɔdi anumi taabla lɛla lɛdi.

Mateo 22:16

Anwuɔsu bátala bana batɛyane badi ku bekyuli bani nsiaku Herode kama bákya Yesu. Na ka bésie ni, básu-nwu banini, “Ala ɔtinane, bɔgyi ka ese siin na aatina Katɔti bɔƒɔtaadi ulu ɔmmɔ geen, ɔsika alánu ukyuli anumi taabla lɛla lɛdi. Na alákpete bekyuli asula lɛnɔ.

Luka 20:21

Ɔmɛni ɔsu kenye bewine bamɛni bésie Yesu kudɔ. Na béye-nwu banini, “Ɔtinane, bɔgyi ka ala ani na aasu ku ani na aatina ƒui adi etemila geen. Na bɔgyi lɛnɔ ka alánu ukyuli anumi taabla ala. Mmomu aatina litemi geen lɛni na Katɔti ɔɔyɔ́ ka bekyuli babla.

Batalane Kabla 10:34

Amu na Petro ɔ́su-nwu ɔnini, “Lɛ́nu lɛ́ti nwaa ka Blɔti ulánu bekyuli anumi.

Romaƒuɔ 9:14

Ɔmɛni ɔsu ni, bi na ɔdi ka bɔsu ɔƒɛni? Bɔsu na bɔsu bɔnii Katɔti ulábla ala ulu lɛlɔ? Kudii! Ɔɔɔdi lɛni na use.

Galatiƒuɔ 2:6

Na bekyuli bani na bɛɛnu ka ama badi batɔnkune ni, ina ka ami naaanu-ma kavumana kadi ina bi na badi ɔsika Katɔti ulánu ukyuli anumi asa na ɔɔtɛku-nwu litemi ni, ama lɛnɔ béteti lɛla lɛdi bétebunku mina litemi lɛni na mɔɔsu ka mbasu-mii.

Eƒesoƒuɔ 6:9

Na amii benwoti lɛnɔ ni, bɛbla lɛni kani bite bekyuli bani mɔɔbla-mii kabla. Bitakya-ma liƒu, ɔsika bɛgyi ka amii ku-ma ƒui lɛnɔ bibo Unwoti unwi na katɔ ɔni naaanu bekyuli anumi taatɛ litemi.

Lɛkpa Ulu 10:17

Ɔsika bina Unwoti Katɔti ubo ɔyikun utulo ɔyikun biala na ɔlɛka buti ɔbu bute-nwu geen. Na ɔdi Unwoti ɔni na ulánu anumi taabla lɛla lɛdi na ulabɛ taaƒɔ lɛla lɛdi ukyuli kudɔ.

Lɛkpa Ulu 16:19

Na beteƒu litemi geen lɛmmɔ batakya na batanu bekyuli anumi lɛnɔ. Na bataƒɔ egulabi na bɔbɛ kemmo, ɔsika etela ammɔ udu aabwɛ banundane ku bekyuli bani lɛlɔ mbo ɔbu anumi, na balátɛ litemi siin.

Koloseƒuɔ 3:25

Ukyuli biala likpidi lɛni na ɔ́bla ni, nina lɛlɔ na Katɔti ɔdubo bunye na ɔni-nwu kɔtu. Ɔsika Katɔti ulánu bekyuli anumi si ɔɔní kɔtu.

Petro 1 1:17

Bɛɛsu bɛnii, “Bula Ɔti” si bɛɛkpali katɔ. Anwuɔsu binyimo ka anwu ndubɔtɛku ukyuli biala litemi na ala ani na ɔɔbla kenye. Na ulanu bekyuli anumi asa na watɛku-mii litemi. Lɛni ɔsu ni, biti bina uwi ɔkladi ɔni nébu na bilie ngba mɛni aani baƒɔ kalɛ bitaabu-nwu.