Romaƒuɔ 16:5 - Katɔti Ɔku Kedee

⁵ Na bigyele baƒɔtaadine bani mɔɔsa na bana kaduli mmɔ lɛnɔ. Bigyele mina ɔkpana Epaineto ɔni náka kayi bunwini ɔ́ƒɔ Kristo na Asia kalɛkɛ lɛlɔ mmɔ.

Romaƒuɔ 16:5 ပူးပေါင်းရင်းမြစ်များ

Mateo 18:20

Ɔsika kesii kani na nkyuli inyɔ iye ɛtɛ bása na mina lɛnyi kemmo ni, ami lɛnɔ nkya-ma akɔ.”

Batalane Kabla 16:6

Na nwuna kama ni, bávi bésie Ƒrigia ku Galatia, ɔsika Katɔti Kɔyu kútete-ma kuƒi ka basu litemi buni na Asia kalɔ lɛlɔ.

Batalane Kabla 18:12

Nsu uwi ɔni na bése Galio Roma aban lɛga na Akaia kalɔ lɛlɔ ni, Yudaƒuɔ badi bábla lɛkpa lɛdi na bánwi litemi bámana Paulo lɛlɔ na béƒie-nwu bésienku litemi katɛkɔ.

Batalane Kabla 18:27

Amu na ka Apolo ɔ́bla kasusu ka usie Akaia ni, Eƒesoƒuɔ baƒɔtaadine bébebunku-nwu na bénweni ɔku béte baƒɔtaadine bani nkya Akaia mmɔ banii si úbeduo mmɔ ni, na baƒɔ-nwu kaduɛ. Na uwi ɔni na útéduo mmɔ ni, úbunku bekyuli pii bani nébenwini kayi na Blɔti kɔnyana bɔnu ɔsu.

Batalane Kabla 2:9

Abu bɔdi Partiƒuɔ ku Mediaƒuɔ ku Elamƒuɔ ku bani nási Mesopotamia ku Yudea ku Kapadokia ku Ponto ku Asia ku Ƒrigia ku Pamƒilia ku Egyipte ku Libia ɔvi ɔni nkya Kirene ku baƒɔ bani nási Roma na badi Yudaƒuɔ ku bekyuli bani néduo Yudaƒuɔ lɛkpa kemmo

Romaƒuɔ 11:16

Ɔsika si bodobodo kakɛ kedeedi kani na bábwɛ bákpa béte Katɔti use kedee ni, na bodobodo ɔkladi lɛnɔ use kedee. Na si kugyii kɔdi ugyiitu use kedee ni, na kugyii kɔmmɔ kɔgba lɛnɔ kuse kedee.

Romaƒuɔ 15:26

Ɔsika ɔ́yɔ baƒɔtaadine bani nkya Makedonia ku Akaia kaƒɔ ka beyi egulabi adi bete baƒɔtaadine bawabane bani nkya Yerusalem mmɔ.

Romaƒuɔ 16:12

Bigyele beleku bani ndi Triƒaina ku Triƒosa bani nábla kabla na Blɔti kemmo. Na bigyele mina ɔkpana ɔyɔne Persi ɔni ndi uleku ɔbambadi ɔni lɛnɔ nábla kabla kpakplaa na Blɔti kemmo.

Romaƒuɔ 16:4

Bénye kagyumana ka bekpi na mina lili muedi. Na ɔɔɔdi ami lɛti mɔɔgyá-ma enu, mmomu ku bekyuli bani naaadi Yudaƒuɔ baƒɔtaadine akpa ammɔ ƒui.

Romaƒuɔ 16:6

Na bigyele Maria ɔni nábla kabla kpakplaa úte bina lɛkpa lɛmmɔ.

Romaƒuɔ 16:8

Bigyele Amplia ɔni na mɔɔyɔ́ geen na Blɔti lɛnyi kemmo bite-mi.

Korintoƒuɔ 1 16:15

Bɛgyi Steƒana ku nwuna kaduli bekyuli. Ama ndi bekyuli bedeedi bani nénwini kayi na Akaia kalɛkɛ lɛlɔ mmɔ. Na béti lɛlɔ béte ka beteebunku Katɔti bekyuli. Banwa, muuvele-mii nnii,

Korintoƒuɔ 1 16:19

Baƒɔtaadine bani nkya Asia kalɛkɛ lɛlɔ ƒui beegyele-mii o-o! Akwila ku Priskila ku lɛkpa lɛni mɔɔsa na bana kaduli beegyele-mii kaduɛ na Blɔti lɛnyi kemmo.

Korintoƒuɔ 2 1:1

Ami Paulo ɔni nkɛnku Katɔti lɛƒɔyɔ lɛlɔ na ndi Blɔti Yesu Kristo ɔtalane ni, ami ku Ɔnwa Timoteo muunweni ɔku ɔmɛni bute amii Korintoƒuɔ bani néti lɛlɔ bíte Katɔti ku bekyuli bani ƒui mɔɔbla Katɔti kabla na Akaia kalɛkɛ lɛlɔ mmɔ.

Korintoƒuɔ 2 9:2

Ngyi ka bɛɛyɔ́ geen ka bite bekyuli bamɛni kebunku. Na mɔɔkun lɛmɛnɛ na ɔmɛni lɛlɔ uwi biala taatina baƒɔtaadine bani nkya Makedonia. Lɛ́su nnii banwa bani nkya Akaia kalɔ lɛlɔ ni, báklibi lɛlɔ bése ɔ́si lɛkwɛni ka bete kebunku kamɛni. Na bina kebunku ogya bɔkya nágyila bana akɔ pii.

Koloseƒuɔ 4:15

Bɔɔkya banwa bani nkya Laodikea ku Ɔnwa Uleku Nimƒa ku baƒɔtaadine lɛkpa lɛni mɔɔsa na nwuna kaduli kenye o-o!

Ƒilemon 1:2

Buugyele baƒɔtaadine lɛkpa lɛni mɔɔsa na ƒula kaduli ku Ɔnwa Uleku Apia ku Arkipo ɔni nnyeku-bu na Blɔti kabla kamɛni kenye kpakplaa aani ukpone kalɛ.

Yakobo 1:18

Katɔti ɔkɛ ngba bɔƒɔ litemi geen lɛlɔ na ɔ́ya na bɔ́kɛ kɔyu kemmo ngba. Ɔ́bla ɔmɛni ɔ́siaku nwuna lɛƒɔyɔ lɛlɔ. Ɔsika ɔɔwia ka bɔbla bedeedi na nwuna ala ani na údie ƒui akɔ.

Yohane 3 1:1

Ɔkpana ɔyɔne Gaio, ami baƒɔtaadine unengu muunweni ɔku ɔmɛni lite-ɔ. Mɔɔyɔ́-ɔ na litemi geen lɛmmɔ kemmo.

Budie Taatina 14:4

Ama ndi bekyuli bani náda lɛlɔ sɛɛn. Na bana lɛlɔ lilese lɛlɔ na lɛsɔnɔdi ala lɛlɔ ɔsu. Ama mɔɔsiaku Koƒonu Ubi ɔmmɔ likpo biala na úsela. Ama na bédie bálɛku bayawine ƒui akɔ. Na ama ndi bekyuli bedeedi bani na béti béte Katɔti ku Koƒonu Ubi ɔmmɔ.