Romaƒuɔ 16:18 - Katɔti Ɔku Kedee

¹⁸ Ɔsika bekyuli bammɔ udu ni, balábla Blɔti Yesu Kristo kabla. Mmomu ama alati bana ayɔla na baabla. Na bada kenye emini atɛ ku katɔlɔ beeƒú bekyuli bani naaagyi lɛla lɛdi kasusu.

Romaƒuɔ 16:18 ပူးပေါင်းရင်းမြစ်များ

Koloseƒuɔ 2:4

Mɔɔsu-mii ɔmɛni kalɛ na ukyuli biala uleti kenyemini etemila adi ulakyaku-mii unyeƒi na ɔtɔlɔ-mii.

Ƒilipiƒuɔ 3:19

Na ɔdubɔwɔlɔku-ma na bakywi na lɛgyavonku kemmo. Ɔsika bana kaƒɔ kani na beemwi. Na baatina lɛlɔ na ala ani na nka ɔlɛka ekpo-ma kɔƒa lɛlɔ. Na kayawi ala lɛlɔ kasusu kani na beeti.

Mateo 7:15

“Bɛnu kaduɛ na ɔkɔ banyine bani nábla lɛlɔ aani Katɔti kenye bediene. Beebo-mii kudɔ aani baƒonu bani nse buɛɛ. Nsu na bana lɛlɔ kemmo geen ni, badi begiti.

Timoteo 1 6:5

Na baaní ala teenene uwi biala. Bekyuli bamɛni kasusu kékpi-ma na báyila litemi geen lɛmmɔ. Baakali banii badubɔsia bɔƒɔtaadi ulu lɛlɔ na beyile bana aƒo.

Mika 3:5

“Na amii ɔkɔ kenye bediene biisé bekyuli bani muute-mii adila na bɛɛdi kenye ka badubulie kpi na lɛla lɛdi lilékpoku-ma. Na bani na balakɛ lɛla lɛdi teete-mii ama ni, bɛɛsu-ma ka ɔgbankpi ɔdubɔsiaku-ma. Binu lɛla lɛni na ami Unwoti mɔɔsu-mii.

Petro 2 2:3

Ɔkɔ ala batinane bamɛni bɔdubɔkɛ egulabi kɔsia na bina lɛlɔ na ɔkɔ ala ani na badubɔnwi basu-mii ɔsu, ɔsika baayɔ́ ama lɛti lɛkɛ geen. Ukyuli ɔni ndubɔtɛku-ma litemi ɔ́ɔklibi lɛlɔ úse-ma kuuku. Na ukyuli ɔmɛni ɔni ndubo-ma bɔkyula ni, ɔɔnu-ma nwaa.

Yuda 1:16

Bekyuli bamɛni baadɔ na bana lɛlɔ kemmo. Na beedie bekyuli bamba bɔƒiɔ. Baakun lɛlɔ lɛmɛnɛ, na bekyuli bamba ala alaƒɔ-ma anu amu ntu uwi ɔni na bákɛ-ma lɛlɔ kɔsia kani. Bana likyulikpi ala ani mɔɔda-ma ɔkwɛ kani na baabla uwi biala.

Tesalonikaƒuɔ 2 2:10

Na bekyuli bani ƒui ndubo bɔyii ku udu ni, ɔdubɔsia likyulikpi katɔlɔ ulu biala lɛlɔ na ɔtɔlɔ-ma. Badubo bɔyii ɔsika bátaƒɔ litemi buni lɛmmɔ bátadi na Katɔti ɔƒɔ-ma ngba.

Yuda 1:12

Badi bekyuli bani ablala mɔɔyá na bina kasala keesé lɛlɔ si bɛ́sala bɛɛdi Blɔti adila ammɔ. Beedie lɛlɔ na ama lɛti baadi teemo kalɛ na baayɔ́. Bese aani ɔnantu ɔni nánwu, nsu ulána kudii, na ɔƒɛƒɛɛ kani muubó-nwu taavinku. Na bese lɛnɔ aani egyii ani naaanwu ina egyiibi bɔnwu uwi muedi. Bese aani egyii ani na bágyu-nya ku ligyiitu na ékpi ƒui.

Ƒilipiƒuɔ 2:21

Nsu ukyuli bamba biala ni, anwu ɔlati bɔdia lɛlɔ na nwuna kasusu kasia na kaaakɛnku Yesu Kristo ulu lɛlɔ.

Galatiƒuɔ 1:10

Na kabla kani na mɔɔbla mɛni ni, bɛɛkali bɛnii bekyuli bumwi na mɔɔwia? Munuu Katɔti bumwi na mɔɔwia? Munuu mɔɔbla-ka kalɛ na kaƒɔ kayɔ bekyuli? Na si bekyuli lɛyɔla kabla na mɔɔbla ni, nka lɛɛɛdi Kristo kabla ɔblane.

Mateo 24:24

Ɔsika bekyuli badubɔta banyi ɔkɔ banii ama ndi Ukyuli Ɔƒunadi ɔmmɔ, na badi lɛnɔ basu banii Katɔti kenye bediene badi. Na badubɔbla akɔla budie bɔtina ebendi lidu lidu, kalɛ na si nka bakana ni, beti batɔlɔ bekyuli bani na Katɔti ɔ́ƒuna úse muedi.

Agba 22:3

Ukyuli ɔbuni ɔni mɔɔsia nwuna lɛlɔ anu ni, ɔɔnu ɔgbankpi ɔni mebo taatualaku anumi na uunye lɛlɔ kagyumana. Na bani na bana kasusu kásɔ ni, bɔkɛ kani na baakɛ gyoli gyoli teetéduo ɔgbankpi ku lɛbibo kemmo.

Koloseƒuɔ 3:24

Bɛgyi ka Blɔti ndubute-mii lɛyuƒɔla lɛni na ɔ́su úse ka wete nwuna bekyuli. Na Kristo ndi Unwoti ɔni geen kabla na bɛɛbla.

Korintoƒuɔ 2 4:2

Búdie abɛla ku kɔƒa ala bɔbla atu. Na bulányi ɔkɔ taabla kabla kadi na bulátu Katɔti litemi lɛmmɔ teenwini. Bɔɔsu litemi buni lɛmmɔ nwaa na Katɔti anumi kalɛ na ukyuli biala ɔdubɔnu bula ɔbladu buni ɔti.

Korintoƒuɔ 2 2:17

Abu buuuse aani bekyuli babambadi pii bani nkɛ bada litemi lɛmmɔ baadi kuye. Mmomu Katɔti úte-bu kenyekɔ na bɔɔkɔ́ litemi lɛmmɔ lɛsa na nwuna anumi aani Kristo kabla bablane kalɛ. Bulatɔlɔ bekyuli.

Romaƒuɔ 16:19

Ukyuli biala únu kalɛ na bɛɛdi litemi buni lɛmmɔ lɛlɔ, anwuɔsu lɛlɔ lɛɛyɔ́-mi geen na bina lɛlɔ. Nsu mɔɔwia ka bɛda anu na lɛla lɛni ndi lɛbuni lɛlɔ. Na binwini bekyuli bani naaagyi lɛla lɛdi na likpidi ani kudɔ.

Yohane 12:26

Ukyuli biala ɔni mɔɔwia ka ɔbla-mi kabla ni, ɔdi ka ɔsiaku-mi. Na kesii kani na nlie ni, mmɔ na mina kabla ɔblane ɔmmɔ lɛnɔ welie. Na ukyuli biala ɔni mɔɔbla-mi kabla ni, mina Ɔti ɔdubute-nwu ɔbu.

Mateo 24:11

Bekyuli pii badubɔta banyi ɔkɔ banii ama ndi Katɔti kenye bediene na batɔlɔ bekyuli pii.

Mateo 6:24

“Ukyuli biala ulákana na wabla benwoti inyɔ kabla. Ɔdubukisi unwi na ɔyɔ ɔkladi litemi. Na ɔdubɔdi unwi etemila lɛlɔ, na ɔta unye ɔkladi etemila lɛlɔ. Alakana Katɔti ku lɛlakɛ kabla bɔsala.

Esekiel 13:19

Baayá na mina bekyuli beete-ma antabi ku bodobodo blii ɔdi kani na beedumi-mi na bana linyesia lɛni na bebo kemmo. Na baasia ɔkɔ etemila ammɔ lɛlɔ na baadú bekyuli bani na nka bátabla lɛla lɛdi na beebunku bekyuli bani na nka báƒiɔ na baatɔlɔ kɔtu tani tani. Na mina bekyuli baaƒɔ́-ma taadi.

Esekiel 13:16

Ɔsika bése keyi buɛɛ kenye béte mina bekyuli na uwi ɔni na beeebo keyi buɛɛ kadi. Ami Unwoti násu.

Yeremia 23:17

Kenye bediene bamɛni beesié batuɔkplune bani néni banii balabla-mi kabla na benye baabla ala ani na baayɔ́ kudɔ. Na beesié taatásu-ma banini, ‘Unwoti ɔ́su úse ka lɛla biala lɛdubo bɔtɛ ɔsu lɛla lɛdi liiibo.’

Agba 14:15

Bekyuli bani kasusu násɔ ni, ama mɔɔƒɔ́ lɛla biala taadi. Nsu bani mɔɔsia lɛlɔ anu kaduɛ ni, baabu lɛla biala lɛlɔ taanu asa na beedie ɔgba.

Agba 8:5

Bina kasusu kásɔ bibo na lite-mii lɛnunda. Bɛ́dɔlɔ bibo na lite-mii ala kalɔ bunu.

Kɔgya 119:130

Ala ani kalɔ na ƒula etemila eedie adi bukeye, na ɔɔyá na bekyuli bani naaagyi lɛla lɛdi baadá anu.

Kɔgya 19:7

Unwoti ɔda bubo bɔdia ƒui bɔ́wɔlɔ na ɔɔyá na bɔɔkɛ́ ɔlɔkplu ɔwɔdi. Na ala ani na úbo ɔda ka bɔbla adi ani buti anu bɔsia geen. Na nwuna ɔda bubo bɔdi etemila aani baaƒɔ́ taadi sɔsɔ. Na ɔɔyá na ukyuli ɔni mɔɔyáki lɛnunda ɔɔkɛ́-ni.

Ala Alɛdi 2 18:5

Ɔmmɔ ɔsu Israelƒuɔ ɔga ɔ́lɔ kenye bediene eti maane (400) ɔ́sala na úye-ma ɔnini, “Nteesie Ramot-Gilead na ntékpoku-ma munuu ntesie?” Amu na kenye bediene bammɔ básu-nwu banini, “Teesie! Ɔsika Unwoti ɔdubo-ma buti bɔkya awɔ ɔga enu kemmo.”

Samuel 1 2:29

Na etela ku akpala ani na béti béboku-mi aani kalɛ na lɛ́tina ka babla na mina keliekɔ ni, bi ɔsu na bɛɛyá na eesé lɛlɔ? Na bi ɔsu na aabu ƒula bebi teetulo-mi, na bíti mina bekyuli bammɔ etela ku akpala ammɔ kɔdikɔ kɔbuni ƒui bínwini amii kɔdi na bílie lɛmwi?’

Budie Taatina 1:1

Ɔku ɔmɛni ndi ala ani na Katɔti údie ɔ́tina nwuna kabla bablane ɔkɛnku Yesu Kristo lɛlɔ ka adubo bɔlɛ na uwi klukui kemmo. Báti ɔmɛni ɔkɛnku Katɔti ɔtu ɔni na Kristo ɔ́tala ɔ́kya nwuna kabla ɔblane Yohane na ala ani na údie ɔ́tina-nwu kemmo.

Yuda 1:1

Ami Yuda ɔni ndi Yesu Kristo kabla ɔblane na ndi Yakobo ɔnwani ni, muunweni ɔku ɔmɛni lite amii bani nénu Katɔti bɔlɔ. Na ka bɛ́siaku-nwu ɔsu ni, ɔɔyɔ́-mii. Na Blɔti Yesu Kristo lɛnɔ ɔɔgyumana-mii geen.

Yakobo 1:1

Ami Yakobo ɔni ndi Katɔti ku Blɔti Yesu Kristo kabla ɔblane muugyele amii Katɔti bekyuli ƒui bani négyingya bakya kayawi ekpo ekpo ƒui.

Korintoƒuɔ 2 11:3

Nsu mɔɔyia ka ukisine ɔmmɔ ɔdububile-mii kasusu na bɛsɔ bilése sɛɛn na bɛsiaku Kristo lɛti kama. Lɛni na kɔlakpi kɔmmɔ kúti nwuna kɔkwɛ kukpidi kúbile Eva kasusu na ɔ́ya na ɔ́bla likpidi.

Malakai 1:10

Unwoti Ɔyikune Ƒui ɔnii, “Mɔɔyɔ́ geen si nka ukyuli ɔdi ɔkalɛ mina kakpakɔ kammɔ na bɛda uwi bubile bɛya bɛnii ogya na bɛɛsala na mina lɛkpabi lɛlɔ bite akpala adi bɔbla. Amii bakpane bammɔ lɛlɔ liláda-mi kubiti, anwuɔsu na líni nnii nsɔ lɛɛɛdubo bina akpala adi bɔƒɔ.

Samuel 2 15:6

Lɛni sɔɔn na Absalom útaabla Israelƒuɔ bani ƒui néti litemi lɛdi béboku Ɔga Dawid kudɔ ka ɔtɛ-ni ute-ma. Ɔmmɔ ɔsu úyu Israelƒuɔ bammɔ kayi na nwuna ala áda-ma ebiti. Israelƒuɔ bammɔ anumi énwini ásia-nwu lɛlɔ.

Kɔgya 12:2

Na ɔkɔ kani na ɔdi biala ɔɔnyi taatɔlɔ ɔnwani. Na ɔkɔ ku kɔtɛ keeke kɔmmɔ udu kani néyi-ma inye.

Daniel 11:34

Na bana lɛbibo kemmo ni, kebunku blii kani na badubɔkɛ. Na bana kama basiakune pii badubo-ma kama bɔlɛ na bakya-ma kakya.

Romaƒuɔ 14:18

Ɔsika ukyuli ɔni mɔɔbla Kristo kabla na ulu ɔmɛni lɛlɔ ni, ɔɔyɔ́ Katɔti kaƒɔ na bekyuli lɛnɔ baabu-nwu.