Romaƒuɔ 15:8 - Katɔti Ɔku Kedee

⁸ Ɔsika mɔɔsu-mii nwaa nnii Kristo únwini Yudaƒuɔ ubunkune kalɛ na udie ɔtina ka kenye kani na Katɔti ɔ́su Yudaƒuɔ ɔtɔ eƒi benengu úse ni, ɔ́di-ka lɛlɔ na kébo kete lɛni sɔsɔ.

Romaƒuɔ 15:8 ပူးပေါင်းရင်းမြစ်များ

Agba 8:7

Na lɛla lɛni ndi litemi geen lɛmmɔ na mina kenye kaasu. Na mina enyekuli ekisi ulikplu ala.

Mika 7:20

Adubo ƒula litemi kama bɔsia siin na alálɛ bula Nana Yakob ku Abraham kama kudii aani kalɛ na ése bula bati kuuku kenye ése uwi ɔni návi kukuuku kemmo.

Mateo 15:24

Amu na Yesu údie kenye ɔnini, “Israelƒuɔ bese aani baƒonu bani náyii kalɛ. Na bana kudɔ kani na Katɔti ɔ́tala-mi.”

Mateo 20:28

Lɛni na ami Ukyuli Ɔyawine Ubi lɛ́bla. Ńtebo nnii babla mina kabla. Mmomu líbo mbabla kabla na liti mina ngba lɛƒɔ bekyuli pii lili kayu.”

Yohane 1:11

Úbo anwu badi akɔ, nsu bétegyingya enu bátaƒɔ-nwu.

Yohane 10:16

Mbo baƒonu babambadi na beeebo lɛƒonuyu lɛmɛni kemmo tɔ. Na ɔlɛka lɛkpanku ama lɛnɔ liboku. Na badubunu-mi lɛdi. Na bana ƒui badubunwini baƒonu lisu linwi na baƒonu ɔdane unwi kalɔ.

Batalane Kabla 13:46

Amu na Paulo ku Barnaba bése kayi na básu-ma banini, “Ɔlɛka bɔsu Katɔti litemi buni lɛmɛni buti bute Yudaƒuɔ kudeedi. Na ka bíni litemi lɛmɛni na bɛ́su bɛnii bilayɔ ngba bɔƒɔ bɔmɛni ɔsu ni, búti-ni búselaku bani naaadi Yudaƒuɔ.

Romaƒuɔ 11:22

Ɔmɛni ɔɔtina-bu kalɛ na Katɔti ɔɔnu kɔnyana ku kalɛ na nwuna litemi libo ɔkplu. Ɔ́yu bekyuli bani nébo kalɔ ɔkplu, na ɔdi lɛƒɔndia ute amii si binye bɔƒɔtaadi bɔmmɔ lɛlɔ kpakplaa uwi ƒui. Si bítabla lɛni ni, Katɔti ɔdubukulo-mii udie kugyii kɔmmɔ lɛlɔ.

Romaƒuɔ 11:30

Na amii bani naaadi Yudaƒuɔ ni, kalɛ na bɛ́ƒiɔ Katɔti uwi ɔdi nábavi kemmo nsu ɔƒɛni Katɔti ɔ́nu-mii kɔnyana na Yudaƒuɔ atuɔkplu ɔsu ni,

Romaƒuɔ 15:16

Ɔsika ɔ́bla-mi ɔnii nnwini Kristo kabla ɔblane nte bekyuli bani naaadi Yudaƒuɔ. Na mɔɔbla ɔkpane kabla kani ndi ka lɛkɔ Katɔti litemi buni lɛmmɔ lɛsa lite bekyuli bani naaadi Yudaƒuɔ kalɛ na lɛkpanku-ma liboku Katɔti aani akpala ani Katɔti Kɔyu kɔ́bla kedee na adubɔƒɔ Katɔti anu.

Romaƒuɔ 3:26

Nsu uwi ɔmɛni kemmo ni, ɔkɛnku akpala amɛni lɛlɔ na Katɔti ɔ́tina-bu kalɛ na anwu use siin. Na ɔɔbla bani náƒɔ Yesu bádi ƒui siin.

Romaƒuɔ 3:3

Nsu si úbo úte ka badi bátaƒɔ bátadi nɔɔ? Aaƒɔ́ taadi ka Katɔti uladi nwuna etemila lɛlɔ?

Romaƒuɔ 4:16

Anwuɔsu ni, linyese lɛmɛni lɛdanku bɔƒɔtaadi, na ɔdi kama kekpokɔ ute bekyuli na Katɔti kaƒɔbuni kani na ɔ́bla bekyuli bani ƒui ndi Abraham bawɔ. Na ɔɔɔdi bani na Katɔti úte ɔda bubo bɔmmɔ lɛti pɛ ndi-nwu bawɔ. Mmomu bani nsiaku Abraham bɔƒɔtaadi bɔmmɔ kama lɛnɔ. Ɔsika ni, Abraham ɔdi baƒɔtaadine ƒui ɔti.

Korintoƒuɔ 1 1:12

Lɛla lɛni mɔɔtina ndi ka bina akɔ ɔdi biala ku lɛla lɛni na ɔɔsu. Ɔdi ɔnii, “Ami Paulo kama na nsia.” Na ɔbambadi ɔnii, “Ami Apolo kama na nsia.” Na ɔbambadi lɛnɔ ɔnii, “Ami Petro kama na nsia.” Na ɔbambadi lɛnɔ ɔnii, “Ami Kristo kama na nsia.”

Korintoƒuɔ 1 10:19

Na ɔƒɛni ni, bɛɛkali bɛnii bɔɔsu na nda nnii baƒiɔ bani bávɔ béte lɛlɔ ni, ama lɛnɔ badi Katɔti ɔdi geen? Munuu adila ani na béti bákpa béte ala bamba amɛni adi lɛla geen lɛdi?

Korintoƒuɔ 1 10:29

Ɔsika ɔɔɔdi awɔ ɔni nádi adila ammɔ na kayi kadubo bukpoku. Mmomu ukyuli ɔni nánu ɔ́su-ɔ na kayi kadubo bukpoku. Ukyuli ɔdi ɔdubɔkana na uye ɔnii, “Bi ɔsu na si mbo kuƒi na lɛbla lɛla lɛdi na ukyuli bamba kayi kani mekpoku-nwu ɔsu na ɔdi ka lɛda lɛla lɛmmɔ bɔbla lɛya?

Korintoƒuɔ 1 15:50

Banwa, lɛla lɛni kalɔ na muudie ndi ɔmɛni. Lɛla lɛni ndi ɔlɔna ku ubugya ni, lilakana Katɔti lɛga kadikɔ ala bɔdi. Na lɛla lɛni muubie taayii udu ni, lilakana na lɛkya kesii kani na lɛla lɛni neeebie taayii udu lɛkya.

Korintoƒuɔ 2 1:20

Ɔsika Katɔti kenye biala na úse-bu úse ni, kébo kéte lɛni na Yesu Kristo lɛlɔ. Ɔmmɔ ɔsu na bɔɔsu na nwuna lɛnyi kemmo bɔnii, “Ɔsia lɛni.” Na buti bumwi bute Katɔti.

Eƒesoƒuɔ 2:12

Binyimo ka uwi ɔmmɔ ni, amii ku Kristo bɛɛɛdi unwi, na bɛdi baƒɔ bani naaadi Yudaƒuɔ bani na Katɔti ɔ́ƒuna. Na biiibunku kenye kani na Katɔti úse úte nwuna bekyuli na kenye kani na únyimiku-ma kemmo. Na biiibo lɛnunsia lɛdi na ngba bɔni na bilie kemmo. Na bítenu Katɔti lɛnɔ kɔku kudii na bina ngba kemmo.