Romaƒuɔ 15:6 - Katɔti Ɔku Kedee

⁶ Na bina ƒui kayi kasala kabla kenwi ku bina etemila, na bimwi Katɔti ɔni ndi Blɔti Yesu Kristo Ɔti.

Romaƒuɔ 15:6 ပူးပေါင်းရင်းမြစ်များ

Seƒania 3:9

“Ndubo adi biala batɛmine bɔbla sɛɛn na bamanku kalɛ na bemwi-mi lɛnyi. Na bana ƒui badubɔsala babla unwi, na babla ami, Unwoti, kabla.

Sakaria 13:9

Na ndubɔƒɔ bani nébu mmɔ lɛlɔ na lɛbla-ma kedee na lɛkɔku-ma lɛnu aani kalɛ na baaƒɔ sika ugyiedi ku ɔƒualadi taanu nwuna bɔdia. Na badubo-mi bɔkpali buvele ala na linu na libunku-ma. Na ndubɔsu nnii, ‘Mina bekyuli na bɛdi,’ na ama lɛnɔ badubɔsu banii, ‘Awɔ Unwoti ndi bula Katɔti.’ ”

Yohane 20:17

Mmɔ ni, Yesu ɔ́su-nwu ɔnini, “Tatu tada-mi, ɔsika ńtenwini tɔ ńtesie Katɔti kudɔ. Mmomu teesie mina banwani kudɔ na atásu-ma anii línwini lísela mina Ɔti ɔni ndi Katɔti kudɔ. Na anwu ndi amii lɛnɔ Ɔti ku bina Katɔti.”

Batalane Kabla 4:24

Amu na baƒɔtaadine bamɛni ƒui bása lisu na bákpali Unwoti banii, “O Ati, awɔ nédie katɔ ku kalɔ ku ɛpu ku ala ani ƒui nkya-nya kemmo.

Batalane Kabla 4:32

Na emeyi amɛni kemmo ni, baƒɔtaadine bamɛni ƒui bábla unwi na udu ku kasusu kemmo, na bana akɔ ɔdi biala útasusu anwu lɛti lɛkɛ. Mmomu ni, bana lɛla biala lɛdi bana ƒui lɛdi.

Korintoƒuɔ 2 1:3

Bɛya na bɔgya Katɔti ɔni ndi Blɔti Yesu Kristo Ɔti enu. Anwu ndi Ati ɔni mɔɔnu-bu kɔnyana, na nwuna kudɔ na kebunku kaasí.

Korintoƒuɔ 2 11:31

Katɔti ɔni ndi Blɔti Yesu Kristo Ɔti, na anwu na buumwi uwi ƒui ni, anwu ngyi geen ka ala ani mɔɔsu mɛni ni, sɔsɔ na adi.

Eƒesoƒuɔ 1:17

Muuvele nnii Katɔti ɔni ndi Blɔti Yesu Kristo Ɔti na ɔdi bula Ɔti Buni geen ute-mii nwuna Kɔyu kɔni ndubɔya na bɛda anu na udie Katɔti ɔmmɔ ɔtina-mii. Na ɔya na bɛti-nwu kaduɛ bibu.

Eƒesoƒuɔ 1:3

Bɔɔgyá Katɔti ɔni ndi Blɔti Yesu Kristo Ɔti enu. Anwu muute-bu kɔyu kemmo kusɛ kusɛ ƒui ɔ́siku katɔ mmɔ ɔkɛnku Kristo lɛlɔ.

Koloseƒuɔ 1:3

Uwi biala si bɔɔkpali katɔ ni, bɔɔgyá Katɔti ɔni ndi Blɔti Yesu Kristo Ɔti enu na bina lili.

Petro 1 1:3

Bɛya na bɔgya Katɔti ɔni ndi Blɔti Yesu Kristo Ɔti enu. Ka Katɔti ɔɔnu-bu kɔnyana geen ɔsu ni, ɔ́ya na bɔdubulie ngba bɔwɔdi na kɔyu kemmo, ɔsika ɔ́gyila Yesu Kristo ɔ́lɛku kekpine. Anwuɔsu na bubo lɛnunsia lɛni naaayii udu kudii.

Budie Taatina 1:6

Na ɔ́bla-bu baga ku bakpane bani mɔɔkpanku bekyuli teeboku Ɔti ɔni ndi Katɔti. Uukeye, na ubo ɔyikun ɔ́si ɔƒɛni úsela ƒui! Ɔsia lɛni.