Romaƒuɔ 15:16 - Katɔti Ɔku Kedee

¹⁶ Ɔsika ɔ́bla-mi ɔnii nnwini Kristo kabla ɔblane nte bekyuli bani naaadi Yudaƒuɔ. Na mɔɔbla ɔkpane kabla kani ndi ka lɛkɔ Katɔti litemi buni lɛmmɔ lɛsa lite bekyuli bani naaadi Yudaƒuɔ kalɛ na lɛkpanku-ma liboku Katɔti aani akpala ani Katɔti Kɔyu kɔ́bla kedee na adubɔƒɔ Katɔti anu.

Romaƒuɔ 15:16 ပူးပေါင်းရင်းမြစ်များ

Bumomo Bɔka 7:62

ku sika ugyiedi lɛkyami linwi, aani edula ebi lɛkɔkɔ linwi unu, na úyile-ni ku oloƒui,

Batalane Kabla 13:2

Amu ka bakya beemwi Blɔti na beelie kɔka ni, Katɔti Kɔyu kútemiku-ma na kɔ́su kɔnini, “Bidie Barnaba ku Saulo bise bite kabla kani ɔsu na lɛ́lɔ-ma.”

Batalane Kabla 20:24

Nsu ɔmmɔ ɔɔɔdi-mi lɛla lɛdi. Ɔsika si ńtakana na lɛbla lɛla lɛni na Blɔti Yesu ɔ́tala-mi ɔnii mbabla ni, mina ngba buuubo-mi kɔsia kɔdi. Lɛla lɛni na Yesu ɔ́tala-mi ɔnii mbabla ndi ka lɛsu bekyuli Blɔti litemi buni ku kalɛ na Katɔti ɔɔnu-bu kɔnyana.

Batalane Kabla 20:32

“Na ɔƒaani ni, líti-mii mɔɔkya Blɔti lɛkɔkɔ nnii ɔnu-mii lɛlɔ. Na nwuna litemi lɛni muubunku bekyuli mɛni lɛkya bina bɔƒɔtaadi ɔkplu kalɛ na wabla-mii katɔ ala badine aani bani na ɔ́ƒuna úte nwuna lɛlɔ.

Batalane Kabla 22:21

“Nsu Blɔti ɔ́su-mi ɔnini, ‘Ta, na eteesie ɔgyu kakaaka na kesii kani mɔɔtala-a na bekyuli bani naaadi Yudaƒuɔ akɔ!’ ”

Batalane Kabla 9:15

Nsu Blɔti ɔ́su-nwu ɔnini, “Teesie, na atábla kalɛ na lɛ́su-ɔ. Ɔsika ami lɛ́ɛƒuna Saulo aani mina ukyuli ɔni meti mina litemi buni lɛmɛni mesienku ama bani naaadi Israelƒuɔ ku baga anumi ku Israelƒuɔ ƒui kudɔ.

Romaƒuɔ 1:1

Ami Paulo, ɔni ndi Yesu Kristo kabla ɔblane na ndi ɔtalane ɔni na Katɔti ɔ́ƒuna ka lɛkɔ-nwu litemi buni lɛsa ni, ami muunweni ɔku ɔmɛni.

Romaƒuɔ 11:13

Na amii bani naaadi Yudaƒuɔ ni, mɔɔsu-mii nnii uwi ɔni kemmo na ami ndi ɔtalane nte-mii mɛni ni, muubo mina kabla kudu.

Romaƒuɔ 15:18

Lɛɛɛdubo bɔyii bɔsu lɛla lɛdi na lɛla bamba lɛdi lɛlɔ ntu lɛla lɛni na Kristo ɔ́bla ɔkɛnku-mi lɛlɔ kani. Ɔ́ya na lɛ́kpanku bekyuli bani naaadi Yudaƒuɔ, kalɛ bebo na badi Katɔti litemi lɛlɔ ɔkɛnku lɛla lɛni na lɛ́su-ma na lɛ́bla lɛnɔ ɔsu.

Romaƒuɔ 15:19

Na badubɔbla lɛni ɔkɛnku ɔyikun ala ani na bánu ku akɔla budie taatina ani na Katɔti Kɔyu kɔ́ya na lɛ́bla ɔsu. Anwuɔsu ɔ́si Yerusalem ɔkɛ útávi Iliriko amadɔ ni, lɛ́kɔ Kristo litemi buni lɛmmɔ lɛsa.

Romaƒuɔ 15:20

Ɔ́si kukuuku ƒui ni, ɔdi-mi lɛnungyie ka lɛkɔ litemi buni lɛmmɔ lɛsa na kesii kani na baaagyi Kristo. Na ɔɔɔdi banii ntátu lɛsia ɔdi kowodu kalɔ lɛtabi lɛni na ɔ́ɔkya úse lɛlɔ.

Romaƒuɔ 15:29

Ngyi ka ɔni na ndubo-mii kudɔ ni, ndanku Kristo kusɛ kusɛ ƒui ndububoku-mii.

Romaƒuɔ 5:5

Na lɛnunsia lɛmɛni liláya bula anumi ewi kalɔ. Ɔsika Katɔti ɔkɛnku nwuna Kɔyu kɔni na úte-bu lɛlɔ na ɔ́ya na nwuna bɔyɔ bɔ́ƒɔ-bu lɛlɔ kemmo ƒui.

Korintoƒuɔ 1 3:5

Na amɛni ƒui kama ni, ɔma ndi Apolo? Na ɔma ndi Paulo? Katɔti kabla bablane kani na bɔdi. Na bula lɛlɔ na bɛ́sia bɛ́ƒɔ bɛ́di. Na bula akɔ ɔdi biala ɔdanku kabla kani na Katɔti úte-nwu ɔnii ɔbla.

Korintoƒuɔ 1 4:1

Bitaanu-bu aani Kristo kabla bablane bani mɔɔnu Katɔti etemila geen ani na útedie keyi dii lɛlɔ.

Korintoƒuɔ 1 6:19

Bɛgyi nwaa ka ni, bina ɔlɔna ɔdi kakpakɔ ute Katɔti Kɔyu kɔni na Katɔti úti úte-mii na kulie-mii lɛlɔ kemmo. Ɔɔɔdi amii alati mbo bina lɛlɔ.

Korintoƒuɔ 2 11:23

Kristo kabla bablane na badi? Ndi Kristo kabla ɔblane ntulo-ma. Báya na mɔɔtɛmi aani ukyuli ɔni muukpi libuo, nsu ɔdi litemi geen ka lɛ́bla Kristo kabla lítulo-ma. Bekyuli bani muukisi Kristo ni, bákya-mi aban ɔtɔ kɔlɛ kɔlɛ. Na bébo-mi lɛnɔ kɔlɛ kɔlɛ. Na líduo kukpi ku ngba ntɛ uwi pii.

Korintoƒuɔ 2 5:20

Na abu nnye Kristo kenye. Na Katɔti ɔlati nkɛ-bu lɛlɔ na ɔɔsu-mii lɛla lɛni geen na ɔɔwia taasiku-mii kudɔ. Ɔmɛni ɔsu bunye Kristo kenyekɔ buuvele-mii bɔnii bɛya na Katɔti ɔklibi amii ku-nwu ntɛ.

Korintoƒuɔ 2 8:5

Na ala ani na bábla mɛni ni, étulo ala ani na abu alati bɔ́sia anu ka bakana bɔbla. Kudeedi ni, béti lɛlɔ béte Blɔti na béti lɛlɔ béte abu lɛnɔ aani kalɛ na Katɔti ɔɔwia.

Galatiƒuɔ 3:5

Katɔti Kɔyu kɔni na úte-mii mmɔ ku akɔla lidu lidu ani na ɔ́bla na bina akɔ mmɔ ni, ɔkɛnku kalɛ na bɛɛdi ɔda bubo bɔmmɔ ɔsu na ɔ́bla-nya munuu ka bínu litemi buni lɛmmɔ na bɛ́ƒɔ-ni bɛdi ɔsu?

Eƒesoƒuɔ 2:18

Ɔkɛnku Kristo lɛlɔ na bula akpa anyɔ ƒui, Yudaƒuɔ ku bani naaadi Yudaƒuɔ, bɔkɛ Katɔti Kɔyu kunwi lɛlɔ búbo Katɔti anumi.

Eƒesoƒuɔ 2:22

Na Kristo ɔmmɔ kemmo na baatú abu lɛnɔ aani ɔtɔ kalɛ na bunwini keliekɔ bute Katɔti na kɔyu kemmo.

Eƒesoƒuɔ 5:2

Na bɛsiaku Kristo ɔbladu kama na bɛyɔ lɛlɔ aani kalɛ na ɔɔyɔ́-bu na úti lɛlɔ ɔ́kpa na bula lili aani akpala ƒɛƒɛɛ úte Katɔti. Na adi akpala ani mɔɔyɔ́ Katɔti kaƒɔ.

Ƒilipiƒuɔ 2:17

Nsu si ina mina ubugya na bada beewi kalɔ aani kalɛ baabla akpala na bina lili kalɛ na bina bɔƒɔtaadi busie anumi ni, lɛlɔ lɛdubɔyɔ-mi na kubiti kɔda-mi na bina ƒui ɔsu.

Ƒilipiƒuɔ 4:18

Na bɛ́ƒɔ-mi kabla kayu ƒui. Na kayu kammɔ kétulo kalɛ na ɔ́manku muedi. Etela ani ƒui bíti bímene Epaƒrodito mɛni ni, émo-mi! Etela ammɔ ese aani akpala ƒɛƒɛɛ ani béti bákpa béte Katɔti, na áyɔ-nwu kaƒɔ, na aada-nwu kubiti.

Tesalonikaƒuɔ 1 2:2

Na bɛgyi kalɛ na búbo abi na béwi-bu anumi kalɔ na Ƒilipi asa na búbedu bina kudɔ na Tesalonika mɛni. Nsu ina ka békpoku-bu mɛni lɛnɔ ni, Blɔti ɔ́kya-bu ɔkplu na bɔ́su-mii nwuna litemi buni.

Tesalonikaƒuɔ 1 2:9

Banwa binyimo ka uwi ɔni na bɔ́kya-mii kudɔ na bɔ́su-mii litemi buni lɛmɛni ni, búni ewulu usien ku ɔƒɛ na bɔ́bla kabla na bútenwini etila bútasia-mii lɛlɔ.

Tesalonikaƒuɔ 1 5:23

Na buuvele Katɔti ɔni muute-bu keyi buɛɛ bɔnii ɔbla-mii kedee na ulu biala lɛlɔ. Na ɔgyumana bina kɔyu ku kasusu ku ɔlɔna ƒui kalɛ na bɛlɛ kɔtɔ bɔdu kemmo uwi ɔni na Blɔti Yesu Kristo wasɔ webo.

Timoteo 1 1:11

Na Katɔti litemi buni lɛni bɔsu na úti ɔ́kya-mi enu kemmo ni, nina kemmo kani na bɔdubɔkɛ ala bɔtina bɔbuni bɔmmɔ bɔni nási Katɔti ɔmmɔ ɔlati bukeye kemmo. Na anwu na bɔɔgyá enu.

Timoteo 1 2:7

Na ɔmɛni ɔsu na Katɔti ɔ́bla-mi lɛsa ɔkɔne ku ɔtalane. Na ɔɔɔdi ɔkɔ na mɔɔnyi. Mɔɔsu-mii geen nnii údie-mi aani ala ɔtinane ɔnii mbedie bɔƒɔtaadi kenye ntina bekyuli bani naaadi Yudaƒuɔ.

Timoteo 2 1:11

Katɔti úti-mi ɔ́bla lɛsa ɔkɔne ku ɔtalane ku nwuna litemi buni lɛmɛni ala ɔtinane.

Hebriƒuɔ 13:16

Na bitayiƒala ka bɛbla lɛbuni bite lɛlɔ, na bite lɛlɔ ala. Ɔsika akpala ammɔ udu mɔɔda Katɔti kubiti.

Petro 1 1:12

Katɔti údie ɔ́tina kenye bediene bammɔ ka etemila ani na baasu mɛni aaadi bana uwi lɛlɔ litemi, mmomu ɔdi bina ɔdi. Na ala ani na básu mmɔ ni, abu ndi nwuna batalane na bɔdanku litemi buni lɛmmɔ bɔɔkɔ́ lɛsa teete-mii nwaa. Na bɔɔsu ala amɛni ɔkɛnku Katɔti Kɔyu kɔni na ɔ́tala ɔ́kya-bu ɔyikun kemmo. Na anumi eegyie ayu muedi ka nka beduo ala amɛni kemmo bati.

Petro 1 2:5

Biti lɛlɔ bite Katɔti na ɔtu Kɔyu kemmo kakpakɔ aani kalɛ na ɔtune uuti atabi taatu ɔtɔ. Bɛdubɔbla bakpane kedee bani muuti Kɔyu kemmo akpala ani námanku teete Katɔti ɔkɛnku Yesu Kristo lɛlɔ.