Romaƒuɔ 14:3 - Katɔti Ɔku Kedee

³ Na ukyuli ɔni mɔɔdi lɛla biala mɛni ni, utanu ɔnwani ɔni mɔɔdi ala aƒunadi ka ɔ́sɔ. Na ukyuli ɔni mɔɔdi ala aƒunadi lɛnɔ utadu ɔni mɔɔdi lɛla biala kɔtɔ. Ɔsika Katɔti ɔ́ƒɔ anwu lɛnɔ.

Romaƒuɔ 14:3 ပူးပေါင်းရင်းမြစ်များ

Sakaria 4:10

Na bekyuli bani ƒui nátanu limeyi lɛmɛni bátabu na kalɛ na ala amɛni eesié kalɔ blii mɛni ɔsu ni, ama ndubo babadi limeyi uwi ɔni na badubɔnu ka Serubabel ɔda lɛtabi lɛni náƒɔ kuye geen mɛni. Na lɛsogya maatɛ lɛmmɔ linye lite ami Unwoti anumi ani náka ámana kalɔ kammɔ ƒui, na aanu lɛla biala kemmo nwaa.”

Mateo 18:10

“Bɛnu kaduɛ kalɛ na bilanu banamu wɛlɛ wɛlɛ bamɛni ɔdi bɛnii ɔɔɔdi lɛla lɛdi na bina akɔ. Ɔsika mɔɔsu-mii nwaa nnii bebo Katɔti batu bani nnye mina Ɔti anumi na katɔ uwi biala.

Mateo 9:14

Amu na Ntu Ɔkpilane Yohane basiakune bébo bébeye Yesu banini, “Bi ɔsu na abu ku Ƒarisiƒuɔ buulie kɔka uwi uwi, na ƒula batɛyane ama belemonku kɔka bulie?”

Luka 18:9

Yesu úbo lɛgba lɛmɛni úte bekyuli bani mɔɔkali banii ama bana udu kani ndia na basɔ balánu ukyuli bamba ɔdi aani bana kalɛ.

Batalane Kabla 10:34

Amu na Petro ɔ́su-nwu ɔnini, “Lɛ́nu lɛ́ti nwaa ka Blɔti ulánu bekyuli anumi.

Batalane Kabla 10:44

Amu na uwi ɔni na Petro unye ɔɔsu etemila amɛni ni, Katɔti Kɔyu kɔ́yu na kɔ́ƒɔ bani nlie muunú Petro litemi mmɔ ƒui lɛlɔ kemmo!

Batalane Kabla 28:2

Amu na kalɔ kamɛni lɛlɔ bekyuli báƒɔ-bu kaduɛ. Ka ɔnantu ku kɔyɔ uwi na ɔdi ɔsu ni, básala-bu ogya bonwu ɔdi na ketudɔ mmɔ na béte-bu eduo.

Romaƒuɔ 11:15

Ɔsika uwi ɔni na Katɔti údie-ma atu ni, Katɔti ɔ́sɔku anwu ku kayawi bekyuli ntɛ ɔ́klibi. Anwuɔsu bi na ndubo bɔlɛ si uwi ɔni na Katɔti ɔ́sɔ ɔ́ƒɔ-ma? Ɔdubuse aani kalɛ na ukpine ɔɔsɔ taata teebelie ngba.

Romaƒuɔ 14:1

Bigyingya enu na bɛƒɔ bina bakpana bani bɔƒɔtaadi nátayu tɔ ɔkplu. Bitakyaku-ma unyeƒi na ala ani lɛlɔ na amii ku-ma kasusu kátabla kenwi lɛlɔ.

Romaƒuɔ 14:10

Bi ɔsu na aadú ƒ'ɔnwani kɔtɔ? Iye ni, bi ɔsu na aanu ƒ'ɔnwani aani si ɔ́sɔ? Bula ƒui bɔdubunye Katɔti lɛgaboku lɛmmɔ anumi na ɔtɛku-bu litemi.

Romaƒuɔ 14:13

Ɔmmɔ ɔsu bɛya na bɔda lɛlɔ kɔtɔ bɔdu bɔya. Mmomu bɛlɛ ugyii ka bɛɛɛdubo lɛla lɛdi bɔbla na lɛbala ɔdi bɔƒɔtaadi ulu na wetulo na weduo likpidi kemmo.

Romaƒuɔ 14:15

Si aadi lɛla lɛdi na agyi ka liikpóku ƒula ukyulikpana ni, ɔɔɔdi bɔyɔ na eedie taatina-nwu. Taya na lɛla lɛni na aadi libile ƒula ukyulikpana bɔƒɔtaadi, ɔsika Kristo úkpi na anwu lɛnɔ lili.

Romaƒuɔ 14:21

Si alákun lɛna iye alani ntɛ iye alábla lɛla lɛni maya na ƒ'ɔnwani weduo ɔgbankpi kemmo ni, ɔdia.

Romaƒuɔ 15:7

Ɔmɛni ɔsu bigyingya enu na bɛƒɔ lɛlɔ aani kalɛ kani na Kristo úgyingya enu na ɔ́ƒɔ-mii. Ɔmɛni uuti ɔbu teete Katɔti.