Romaƒuɔ 13:8 - Katɔti Ɔku Kedee

⁸ Si bɛda ukyuli ɔdi kayu ni, biteni-ka bɔƒɔ. Bɛƒɔ kana ƒui na kasa. Nsu kayu kani na bɛdubɔda na kalása bɔƒɔ ndi bina ukyulikpana bɔyɔ. Ɔsika ukyuli biala ɔni na ubo bɔyɔ ute nwuna ukyulikpana ni, ɔɔtina ka ɔ́ɔdi Katɔti ɔda bubo bɔmmɔ lɛlɔ.

Romaƒuɔ 13:8 ပူးပေါင်းရင်းမြစ်များ

Mateo 7:12

Ala ani na aayɔ́ ka bekyuli bamba babla bete-ɔ ni, bla-nya te ama lɛnɔ lɛni kani. Ɔmɛni ndi Mose ɔda bubo ku Katɔti kenye bediene ala ani bátina kalɔ budie.

Yohane 13:34

“Na ɔƒɛni ni, muubó-mii ɔda ɔwɔdi. Bɛyɔ lɛlɔ! Na kalɛ na ami lɛ́yɔ-mii ni, lɛni kani na ɔlɛka amii lɛnɔ bɛyɔ lɛlɔ.

Romaƒuɔ 13:10

Bɔyɔ bulábla nwuna ukyulikpana likpidi. Anwuɔsu bɔyɔ ndi lɛla lɛni na ɔda bubo bɔmmɔ ƒui bɔdanku.

Romaƒuɔ 13:7

Anwuɔsu ni, bɛƒɔ bana ɔdi biala kayu kani na bɛda-nwu. Si kalɔ kammɔ egulabi ani na báda béte ɔdi biala na ɔdi ni, na bɛƒɔ-ka. Si kuyi kɔdi ni, na bɛƒɔ aku lɛnɔ. Si ɔbu na ɔdi ka bite ni, na bite. Na si bumwi lɛnɔ ɔdi ni, na bimwi.

Galatiƒuɔ 5:14

Na ɔda bubo bɔmmɔ ƒui kalɔ budie bɔdanku lɛla linwi pɛ. Na ani ndi ka, “Yɔ ƒula ukyulikpana aani ƒula lɛlɔ kalɛ.”

Koloseƒuɔ 3:14

Na ɔmɛni kama ƒui ni, bɛyɔ lɛlɔ. Ɔsika bɔyɔ muunyimi ala ƒui taasala na aabla unwi.

Timoteo 1 1:5

Na lɛla lɛni ɔsu na líti kabla kamɛni lɛ́kya-a enu kemmo ndi ka bɔyɔ bula baƒɔtaadine bakpana ku kaƒɔ ƒaa ku kayi kani naaadu-bu kɔtɔ na likpidi lɛdi bɔbla kemmo. Na bula Kristo bɔƒɔtaadi lɛnɔ bɔbla ɔbuni ɔmmɔ geen.

Yakobo 2:8

Na si bɛ́di Katɔti ɔda bubo bunengudi bɔmɛni lɛlɔ ni, bɛ́bla-nwu kaduɛ. Ɔkya Bunweni Kedee Ɔku kemmo ka, “Yɔ ƒula ukyulikpana aani ƒula lɛlɔ kalɛ.”

Yohane 1 3:10

Bɛya na lɛtina-mii kalɛ na bɔɔnu taati kavumana kani nkya Katɔti bebi ku Satan bebi ntɛ. Ukyuli biala ɔni naaabla ala siin ni, iye ulayɔ nwuna ɔnwa ɔƒɔtaadine ni, ɔɔɔdi Katɔti ubidi.