Romaƒuɔ 13:7 - Katɔti Ɔku Kedee

⁷ Anwuɔsu ni, bɛƒɔ bana ɔdi biala kayu kani na bɛda-nwu. Si kalɔ kammɔ egulabi ani na báda béte ɔdi biala na ɔdi ni, na bɛƒɔ-ka. Si kuyi kɔdi ni, na bɛƒɔ aku lɛnɔ. Si ɔbu na ɔdi ka bite ni, na bite. Na si bumwi lɛnɔ ɔdi ni, na bimwi.

Romaƒuɔ 13:7 ပူးပေါင်းရင်းမြစ်များ

Baga 1 3:17

Mmɔ na bana kemmo unwi ɔ́su ɔnini, “Mina ati, uleku ɔni nnye-mi kudɔ mɛni ni, ami ku-nwu nli kaduli kenwi, na lɛ́wɔ na anwu ɔlati anumi.

Israelƒuɔ Bɔlɛ 20:12

Bu ƒ'ɔti ku ƒ'ini na adubulie ngba gyɔlɔɔ, na keyi kayɔku-ɔ na kalɔ lɛlɔ, kalɔ kani na ami Unwoti ƒula Katɔti ndubuti lite-ɔ.

Agba 24:21

Ubi, yia Unwoti ku ɔga ɔni mɔɔdi-mii lɛlɔ. Na bekyuli bani náta bénye lɛlɔ badine lɛlɔ ni, tadiku-ma kɔkpana.

Agba 3:27

Teni lɛbuni bɔbla bute ukyuli ɔni mɔɔwia-a kebunku si ánu ka ébo ɔyikun ɔmmɔ.

Lewiƒuɔ Ɔda Bubo 19:3

“ ‘Ɔdi biala uti ɔbu ute ɔti ku uni. Na bɛdi mina Lɛnwunameyi lɛlɔ kaduɛ. Ami ndi Unwoti bina Katɔti.

Lewiƒuɔ Ɔda Bubo 19:32

“ ‘Si bɛ́nu benengu bani náabi lɛlɔ ni, bɛta binye na bite bina batɔnkune ɔbu na biti ɔbu geen bite ami bina Katɔti. Ami ndi Unwoti.

Mateo 17:25

Petro údie kenye ɔnii, “Uuyi nii!” Amu ka Petro útéduo bana kaduli ni, mmɔ kani na Yesu ɔ́ka-nwu buye ɔnini, “Simon, bi ndi ƒula kasusu? Ɔma bene na ɔlɛka baƒɔ kuyi bete baga na kayawi kamɛni? Kalɔ kammɔ bekyuli munuu baƒɔ?”

Mateo 22:21

Amu na bédie kenye banini, “Ɔga Unengudi Kaesare na ɔdi.” Anwuɔsu Yesu ɔ́su-ma ɔnini, “Biti lɛla lɛni ndi Kaesare lɛdi bite Kaesare. Na biti lɛla lɛni ndi Katɔti lɛdi bite Katɔti.”

Marko 12:17

Amu na Yesu ɔ́su-ma ɔnini, “Amu ni, biti lɛla lɛni ndi Kaesare lɛdi bite-nwu. Na biti lɛla lɛni ndi Katɔti lɛdi bite Katɔti.” Ɔmɛni ɔsu ni, bébimi bana inye béwi, ɔsika ɔ́bla-ma dɛye dɛye.

Luka 20:22

Ɔmɛni ɔsu bɔɔwia ka bɔti si ɔdia ka buteeyi kuyi teete Romaƒuɔ Ɔga Unengudi iye ɔɔɔdia?”

Luka 20:25

Amu na bédie kenye banini, “Ɔga Unengudi Kaesare ɔdi na ɔdi.” Mmɔ na Yesu ɔ́su-ma ɔnini, “Bɛƒɔ lɛla biala lɛni ndi Ɔga Unengudi ɔdi bite Ɔga Unengudi. Na bɛƒɔ lɛla biala lɛni ndi Katɔti lɛdi bite Katɔti.”

Luka 23:2

Mmɔ na bése baadá-nwu kenye banini, “Búƒie ukyuli ɔmɛni ka ɔ́kpanku bula kadi ɔɔvínku ulu ukpidi lɛlɔ. Na ɔɔsu-ma ɔnii basɔ bataƒɔ kuyi betete Romaƒuɔ Ɔga Unengudi. Na ɔ́su lɛnɔ ɔnii anwu ndi Katɔti Ukyuli Ɔƒunadi na ɔnii ɔdi ɔga lɛnɔ.”

Romaƒuɔ 12:10

Biti bɔyɔ bite lɛlɔ ku kayi ƒaa aani banwa baƒɔtaadine. Na bɛbu bina bakpana bitulo lɛlɔ.

Romaƒuɔ 13:6

Ɔmɛni ɔsu lɛnɔ na ɔdi ka bɛƒɔ kuyi bite bina kalɔ lɛlɔ batɔnkune, ɔsika Katɔti kabla na baabla. Na béti bana uwi ƒui béte ka bátaatɔnku bekyuli.

Eƒesoƒuɔ 5:33

Nsu ni, akɛnku amii lɛnɔ lɛlɔ. Anwu ndi ka ɔlɛka ɔgya biala ɔyɔ ulekudi aani nwuna lɛlɔ, na uleku biala lɛnɔ ɔbu ɔgyani.

Eƒesoƒuɔ 6:5

Amii bani mɔɔbla ukyuli bamba kabla ni, biboku lɛlɔ kalɔ na binu bina benwoti litemi ku ɔbu ɔsiku kayi ƒui aani kalɛ na bɛdubunu Kristo litemi.

Timoteo 1 5:13

Ɔmmɔ kama ni, badububile uwi na bakɛ kɔnu bete bekyuli kɔduli bɔvi bataatɛmi atɛ keeke. Na ukpidi ƒui ndi ka ni, badubutaalɔ bekyuli anyikpi na beteekeyi atɛ. Na bataatɛmi bekyuli lɛlɔ kɔtɛ ku ala abambadi ani na útalɛka basu.

Timoteo 1 5:17

Na baƒɔtaadine batɔnkune bani mɔɔtɔnku bekyuli kaduɛ ni, ɔlɛka bakɛ lɛyuƒɔla lɛni nésie anumi. Na ɔni ntulo ƒui ndi bani mɔɔtina ala na baasu litemi buni lɛnɔ.

Timoteo 1 6:1

Su baƒɔtaadine bani mɔɔbla bekyuli bamba kabla ƒui anii ɔlɛka beboku lɛlɔ kalɔ bete bana benwoti na kabla biala kemmo, kalɛ na bekyuli bamba balatɛmi kɔbɔ ala balásiku Katɔti ku bula bɔƒɔtaadi ulu ala bɔtina lɛlɔ.

Petro 1 3:7

Amii bagya lɛnɔ ni, bɛya ala kalɔ bunu bɔkya amii ku bina beleku ntɛ, ɔsika beeebo ɔyikun aani bina kalɛ. Biti ɔbu bite-ma, ɔsika amii ku-ma ƒui na Katɔti ɔ́su úse ka ɔdubuti ngba bɔni nsɔ naaadubo bɔsa kudii ute. Na si amii bagya bɛ́bla ɔmɛni ni, Katɔti ɔdubunu bina ƒui katɔ bɔkpali.

Samuel 1 12:18

Amu na Samuel ɔ́su Unwoti ɔnii ɔya na kayaa kataabwɛ ogya, na ɔnantu lɛnɔ utaana. Na limeyi lɛmmɔ kani ni, Unwoti ɔ́ya na ɔnantu ɔ́na, na kayaa lɛnɔ kaabwɛ ogya kalɛ kani na Samuel úvele-nwu. Mmɔ ni, bekyuli bammɔ ƒui báyia Unwoti ku Samuel.