Romaƒuɔ 12:9 - Katɔti Ɔku Kedee

⁹ Bɛya na bina bekyuli bɔyɔ bɔbla bɔyɔ geen. Bikisi likpidi na biƒie lɛla lɛbuni bɛda.

Romaƒuɔ 12:9 ပူးပေါင်းရင်းမြစ်များ

Kɔgya 101:3

Na lɛɛɛdubo bɔtunaku likpidi udu biala ɔdi, ɔsika naaayɔ nnii mina anumi aanu ɔmmɔ udu iye lɛsala ku bekyuli bekpidi badi. Na ami ni, ntaabla ala na anumi kemmo.

Kɔgya 119:104

Ɔkɛnku ƒula ɔda bubo lɛlɔ ɔsu na mina kasusu kese nwaa. Na ɔmmɔ ɔsu na nkisi likpidi ulu biala.

Kɔgya 119:163

Nkisi na líni ɔkɔ ala bɔbla. Nsu mɔɔyɔ́ ƒula ɔda bubo.

Kɔgya 34:14

Ɔda likpidi bɔbla ɔya na utaabla lɛbuni, na ɔsia ulu biala lɛlɔ na nwuna kayi kabla ƒaa ku bekyuli ƒui.

Kɔgya 36:4

Balásia lɛbuni bɔbla ulu biala lɛlɔ. Na si batɛ bana atɛla lɛlɔ muedi likpidi lɛlɔ kasusu kani na baatɛ teeti. Anwuɔsu lɛnɔ na béni ka bada bana alaekpidi bɔbla baya.

Kɔgya 45:7

Aayɔ́ lɛla lɛni nse siin, na eekisi ala ani naaakɛ ulu lɛlɔ. Anwuɔsu ni, ami ƒula Katɔti lɛ́ƒuna awɔ, Ati, ka akɛ kenyekɔ etulo na bakladi ƒui akɔ. Na lɛ́ya-a na ákɛ lɛlɔyɔ na uwi ɔni na líti nnɔmii líwi-ɔ aani likposela.

Kɔgya 55:21

Nwuna kenye kemmo etemila ebo emini aani nnɔ eku. Nsu kekpo kasusu nkya-nwu kayi. Na nwuna etemila ese ƒɛƒɛɛ aani nnɔmii. Nsu eekúlo aani kewii.

Kɔgya 97:10

Unwoti ɔɔyɔ́ bekyuli bani nkisi likpidi. Na ɔɔgyumana bekyuli bani nsiaku-nwu kama siin. Na uudie-ma taalɛku balalane enu kemmo.

Agba 26:25

Ina ka bekyuli bamɛni baabla lɛlɔ aani bebo lɛƒɔndia ni, likpidi lɛ́ƒɔ-ma kayi kemmo tɛɛ.

Agba 8:13

Unwoti bɔyia ndi likpidi bukisi. Nkisi lɛlɔ katɔ bɔtalaku ku bekyuli lɛlɔ bɔta teenye. Na nkisi likyulikpi ala bɔbla ku enyekpi bɔtɛmi.

Esekiel 33:31

Anwuɔsu bana ƒui beebo teebenu lɛla lɛni na adubɔsu, nsu béni na balabla taasiaku kalɛ na ásu-ma. Ama baasu ka basiaku-mi kama siin, nsu baanya bana bakpana taakya na beeyu bana egulabi.

Amos 5:15

Bini likpidi na bɛyɔ lɛbuni bɔbla. Na bɛya na litemi geen kama bɔsia bɔkya bina etemila katɛkɔ. Ɔƒɛni kalɛ Unwoti Katɔti Ɔyikune Ƒui ɔdubɔnu Yoseƒ kaba kemmo bebi bani nébu kanyana.

Mateo 26:49

Ka Yuda ɔ́nya ɔ́nu Yesu kani na úsie-nwu kudɔ na ɔ́su-nwu ɔnini, “Ala ɔtinane, keyi buɛɛ kasiaku-ɔ.” Amu na ɔ́kya-nwu kɔgbu.

Yohane 12:6

Nsu ɔɔɔdi ɔni na bawabane baakywí-nwu kaƒɔ ɔsu na úye ɔmɛni. Mmomu ka ɔdi uyune na anwu kani mɔɔda bana kavumi, na ɔɔyɔ́ ka nka utaaƒana egulabi ammɔ adi teedie taabla nwuna lɛlɔ ala ɔsu.

Batalane Kabla 11:23

Ka útéduo mmɔ na ɔ́nu kalɛ na Katɔti úbunku-ma ni, ebiti áda-nwu geen na ɔ́kya-ma ogya úbu ɔnii benye Blɔti kama kpakplaa ku bana kayi ƒui.

Korintoƒuɔ 2 6:6

Búdie lɛlɔ bɔ́tina ka bɔdi kabla bablane babuni na kalɛ na bɔda lɛlɔ sɛɛn ku kalɛ na bɔgyi Katɔti litemi buni lɛmmɔ. Buuwi lɛlɔ buɛɛ ku bula ablala na bekyuli akɔ, na bɔɔbla lɛƒɔndia. Katɔti Kɔyu kɔɔkya-bu lɛlɔ kemmo, na bɔɔyɔ́ bekyuli ku kaƒɔ nwaa.

Korintoƒuɔ 2 8:8

Ɔɔɔdi ɔda na muubó-mii, mmomu líti ogya ɔni nkya badi lɛlɔ kemmo mɔɔkɔ́ku amii bɔdi kalɛ na bɔnu si bina bekyuli bɔyɔ lɛnɔ bɔdi bɔyɔ geen.

Tesalonikaƒuɔ 1 2:3

Na bula bɔlɛ bɔni na bɔɔlɛ-mii ni, bútasi katɔlɔ iye kasusu kekpidi kemmo.

Tesalonikaƒuɔ 1 5:15

Bɛnu kaduɛ na ɔdi uteti likpidi utaƒɔ likpidi kayu. Mmomu uwi biala kemmo ni, bitaabla lɛbuni teete lɛlɔ ku bekyuli ƒui.

Tesalonikaƒuɔ 1 5:21

Mmomu bɛwia lɛla biala kalɔ binu na bɛsiaku lɛbuni kama.

Timoteo 1 1:5

Na lɛla lɛni ɔsu na líti kabla kamɛni lɛ́kya-a enu kemmo ndi ka bɔyɔ bula baƒɔtaadine bakpana ku kaƒɔ ƒaa ku kayi kani naaadu-bu kɔtɔ na likpidi lɛdi bɔbla kemmo. Na bula Kristo bɔƒɔtaadi lɛnɔ bɔbla ɔbuni ɔmmɔ geen.

Hebriƒuɔ 1:9

Awɔ mɔɔyɔ́ lɛla lɛni nse siin, na ekisi ala ani naaakɛ ulu lɛlɔ. Anwuɔsu ni, ami ƒula Katɔti lɛ́ƒuna awɔ, Ati, ka akɛ kenyekɔ etulo na bakladi ƒui akɔ. Na lɛ́ya-a na ákɛ lɛlɔyɔ na uwi ɔni na líti nnɔmii líwi-ɔ aani likposela.”

Hebriƒuɔ 12:14

Bɛsia ulu biala lɛlɔ na keyi buɛɛ kakya amii ku bekyuli ƒui ntɛ na bɛbla kedee. Ɔsika ɔdi biala ulakana na wanu Katɔti si uuuse kedee.

Yakobo 3:17

Na lɛnunda lɛni nási Katɔti kudɔ ni, lise sɛɛn. Na lɛdanku keyi buɛɛ na ɔɔyá na ati kalɛ na ada lɛlɔ na ayɔ ƒula bakpana lɛnɔ. Ɔɔyá na ƒula ablala aanwu ebi buni na aanu bekyuli kɔnyana. Na ulánu bekyuli anumi taabla lɛla lɛdi. Mmomu aabla ala ulu lɛlɔ geen.

Petro 1 1:22

Ka bɛɛdi litemi geen lɛmmɔ lɛlɔ na bɛ́bla lɛlɔ sɛɛn ka Katɔti úti bina ekpidi ɔ́kyiɛ-mii na bɛɛyɔ́ lɛlɔ ɔƒɛni ɔsu ni, bɛya na bina baƒɔtaadine bakpana bɔyɔ bɔkɔ katɔ bubu ku kayi ƒui.

Petro 1 4:8

Na ɔni ntulo ƒui ni, bitaayɔ lɛlɔ ku kaƒɔ nwaa. Ɔsika si bɛɛyɔ́ lɛlɔ ni, bɛsɔ bilátaanu bina banwa ekpidi pii.