Romaƒuɔ 12:6 - Katɔti Ɔku Kedee

⁶ Anwuɔsu ni, bɛya na buti kɔyu kemmo etela lidu lidu ani na Katɔti ɔkɛnku nwuna lɛƒɔndia kemmo na úte-bu bɔbla kabla. Si ukyuli ɔdi litela lɛdi Katɔti kenye budie ni, ɔdi ka udie-ni kenye ku bɔƒɔtaadi bɔni na ubo.

Romaƒuɔ 12:6 ပူးပေါင်းရင်းမြစ်များ

Mateo 23:34

Ɔmɛni ɔsu ni, ndubɔtala Katɔti kenye bediene ku banundane ku Katɔti ɔda bubo ala batinane lɛkya-mii akɔ. Na ka biikisi-ma ɔsu ni, bɛdubɔkana badi bɔmana ugyii lɛlɔ na bekpi, na bibo badi kugyiimi na kasalakɔ, na bɛbɔku badi lɛnɔ bɛsiku ɔma unwi bisienku ɔma unyɔdi kemmo.

Mateo 25:22

“Kabla ɔblane ɔni náƒɔ egulabi aƒo anyɔ lɛnɔ úbo na ɔ́su ɔnini, ‘Ati, éte-mi egulabi aƒo anyɔ na lɛ́kɛ aƒo anyɔ bamba líbunku.’

Luka 11:49

Ɔmɛni ɔsu na Katɔti lɛnunda lɛ́su lɛnii, ‘Ndubɔtala Katɔti kenye bediene ku batu lɛkya-ma na badubɔdu badi na badubukpoku bakladi.’

Batalane Kabla 13:1

Na Antiokia ni, Blɔti kenye bediene ku ala batinane badi bakya baƒɔtaadine lɛkpa lɛmmɔ kemmo. Na ama ndi Barnaba ku Simeon ɔni bátaalɔ Ukyuli Otondi ku Lukio ɔni nási Kirene ku Manaen ɔni ndi Ɔga Herode ɔvinkpana ɔ́si lɛnamu uwi ku Saulo.

Batalane Kabla 15:32

Amu ka Yuda ku Silas ƒui badi Katɔti kenye bediene ɔsu ni, bédie ala kalɔ béte-ma bébu uwi gyɔlɔɔ, na bákya-ma ogya ku ɔyikun.

Batalane Kabla 2:17

Ɔ́su ɔnini, “Na emeyi ekplodi kemmo ni, ndubuti mina Kɔyu lite bina akɔ ɔdi biala na bina bebi bananabi ku belekubi badubo-mi kenye budie. Na bina benengu badubo ana buteegye. Na bina bakloƒu lɛnɔ banu kɔyu kemmo ala budie taatina.

Batalane Kabla 21:9

Na ubo bebi begblebi ine bani neeelie agya na badi Katɔti kenye bediene.

Romaƒuɔ 1:11

Anumi égyie-mi geen ka libo mbanu-mii na libunku-mii na kɔyu kemmo ɔkɛnku Katɔti kɔnyana bɔnu ɔsu na bɛkɛ ɔkplu.

Romaƒuɔ 12:3

Na ɔkɛnku kabla kani na úte-mi na nwuna lɛƒɔndia ɔsu ni, mɔɔsu bina ƒui nnii bitatalaku lɛlɔ katɔ bitetuloku kalɛ na bise. Mmomu ni, bina kasusu katina ka bíboku lɛlɔ kalɔ na ɔdi biala utaakɔku lɛlɔ taanu na nwuna bɔƒɔtaadi bɔni na ubo kenye.

Korintoƒuɔ 1 12:18

Nsu si bɔ́sia anumi ni, bɔdubɔnu ka Katɔti úti lɛlɔ ekpo bun bun ɔ́bla ɔlɔna umodi ɔmmɔ kalɛ na anwu ɔlati ɔɔyɔ́ ka use.

Korintoƒuɔ 1 13:2

Na si muudie Katɔti kenye na muunú abɛla ku lɛlati ƒui kalɔ, na mbo bɔƒɔtaadi bɔni na lɛkana na lɛ́gyu abi muedi na ana kenyekɔ nsu naaayɔ bekyuli ni, lɛɛɛdi lɛla lɛdi.

Korintoƒuɔ 1 14:1

Anwuɔsu ni, bɔyɔ na ɔdi ka bina ƒui bɛwia kpakplaa na bɛkɛ. Na biti bina anu ƒui bɛsia Kɔyu kemmo etela lɛlɔ. Na litela lɛni ntulo ƒui ndi ka bidie Katɔti litemi kenye.

Korintoƒuɔ 1 14:24

Nsu si bina akɔ ɔdi biala uudie Katɔti litemi kenye na ukyuli keeke iye ukyuli ɔni nátaƒɔ útadi ɔdi úbo-mii akɔ ni, ɔdubɔnu nwuna likpidi ɔti ɔkɛnku lɛla lɛni na uunú ɔsu. Ala ani na uunú adubɔtina-nwu ka Katɔti ɔɔtɛku-nwu litemi.

Korintoƒuɔ 1 14:29

Nkyuli inyɔ iye ɛtɛ bani ndanku kenye kadi ɔ́si Katɔti kudɔ basu bana kenye na bakladi bawia etemila ammɔ kemmo banu kaduɛ.

Korintoƒuɔ 1 3:5

Na amɛni ƒui kama ni, ɔma ndi Apolo? Na ɔma ndi Paulo? Katɔti kabla bablane kani na bɔdi. Na bula lɛlɔ na bɛ́sia bɛ́ƒɔ bɛ́di. Na bula akɔ ɔdi biala ɔdanku kabla kani na Katɔti úte-nwu ɔnii ɔbla.

Korintoƒuɔ 1 7:7

Geen geen ni, ɔdia ute-mii si banii ɔdi biala use aani kalɛ na ami nse. Nsu ni, ɔdi biala ku lɛla lɛni na Katɔti úte-nwu. Ukyuli ɔdi ubo litela lɛdi, na ɔdi lɛnɔ ubo lɛbambadi.

Korintoƒuɔ 2 8:12

Si ɔdi bina bɔyɔ ka bíte bekyuli ala ni, ɔdubɔƒɔ Katɔti anu ɔkɛnku lɛla lɛni nse-mii kenye. Na ɔɔɔdi lɛla lɛni na biiibo.

Eƒesoƒuɔ 3:5

Kuuku ni, ɔyawine ɔdi ɔɔɔgyi abɛla amɛni. Nsu ɔƒɛni kani ni, Katɔti ɔ́ya na nwuna Kɔyu kúdie ala amɛni keyi ɔ́tina nwuna batalane ku kenye bediene kedee.

Eƒesoƒuɔ 4:11

Anwu néti etela úte bekyuli na údie badi ka babla batalane, na badi lɛnɔ badi kenye bediene, na badi lɛnɔ badi lɛsa bakɔne, na badi lɛnɔ badi baƒɔtaadine lɛlɔ banune ku ala batinane.

Ƒilipiƒuɔ 3:15

Na abu bani ƒui nésie anumi na bɔƒɔtaadi kemmo ni, ɔlɛka bɔkɛ kasusu kamɛni. Nsu si badi bebo kasusu kabambadi ni, Katɔti ɔdubɔya na ɔmɛni ɔbla-mii nwaa.

Tesalonikaƒuɔ 1 5:20

Biteni Katɔti kenye bediene ala kalɔ budie aani lɛla keeke.

Petro 2 1:20

Lɛla lideedi lɛni nálɛka lɛbla-mii nwaa ni, ani ndi ka ukyuli ɔdi ulakana na wedie Katɔti kenye bediene ala ani na básu bése na Bunweni Kedee Ɔku kemmo kalɔ.