Romaƒuɔ 12:16 - Katɔti Ɔku Kedee

¹⁶ Bɛbla unwi ku bina bakpana na bina ngba bulie kemmo. Bitatalaku lɛlɔ katɔ, mmomu bɛtuna na bɛsala ku bani neeebo kenyekɔ kadi na bekyuli anumi. Na bitanu lɛlɔ bitetulo bakladi.

Romaƒuɔ 12:16 ပူးပေါင်းရင်းမြစ်များ

Ala Alɛdi 2 30:12

Na Katɔti ɔlati ɔ́ya na lɛlɔ kemmo kaatɔ́ ɔdi biala na Yuda ƒui ka babla lɛla lɛni na Hesekia ku nwuna benengu básu mmɔ.

Hiob 36:5

“Na ina ka Katɔti ɔdi Ɔyikune Ƒui ni, uleni ukyuli ɔdi, mmomu ɔɔnu lɛla biala kemmo kaduɛ.

Agba 17:5

Bekyuli bani muudumi bawabane taama ni, bana Unwoti ɔni nédie-ma na beedumi. Na bani mɔɔmá bekyuli na bana ɔgbankpi kemmo ni, Unwoti ɔdubo-ma kɔtu bɔni.

Agba 19:17

Si ébunku bawabane ni, Unwoti na eevó ala teete, na ɔdubɔƒɔ kayu kammɔ ɔsɔku ute-ɔ.

Agba 19:22

Ukyuli lɛlɔ lɛɛda kubiti si aadi ƒula linyese lɛlɔ. Si adi ɔwabane ni, ɔdia utulo ka ataatuala na ataasu inye inyɔ inyɔ.

Agba 19:7

Si ɔwabane lɛlɔ bekyuli beení-nwu ni, bi ɔsu na nwuna bakpana beléni-nwu? Ɔwabane ɔmmɔ ɔdubo bɔkpali-ma, nsu bana ƒui badubukeli-nwu.

Agba 26:12

Badɔlɔdi lɛnunsia na ala lɛlɔ ni, ɔdia utulo bekyuli bani mɔɔkali ka báda anu, nsu bátada anu.

Agba 26:5

Si awɔ ku badɔlɔdi bɛɛní lɛla lɛdi teenene ni, die bana ala ani na beeye-ɔ kenye na aya basɔ bakya bana kɔdɔlɔ kemmo.

Agba 3:7

Ƒula anumi atatɔlɔ-ɔ na anu lɛlɔ ɔnundane. Mmomu yia Unwoti na enwini kama akya likpidi.

Yesaia 5:21

Bɔbuɛ beete bekyuli bani mɔɔnu lɛlɔ banundane na baakali ka bagyi lɛla lɛdi.

Yeremia 32:39

Na ndubo bɔbla na bana kayi ayɔla ku bana kasusu kemmo kabla sɛɛn. Na badubo bɔnu bɔti ka na bana bɔdia ku bana bebi bɔdia ɔsu ni, ami lɛti pɛ kani na ɔlɛka bakpa. Na liƒu muedi lɛdubo-ma bɔda ka basɔ benwini kama bakya-mi. Na ndubo bunyimi bɔdi bunyimiku-ma na buuubo kawɔlɔkɔ kadi kudii. Na lɛɛɛdubo lɛbuni lɛnɔ bɔda bɔbla bute-ma bɔya kudii. Na muusé kenye ku mina kayi ƒui ka ndubo bɔya na basɔ benwini bebelie kalɔ kamɛni lɛlɔ kpi.

Yeremia 45:5

Ndubo bɔya na ɔgbankpi utaalɛ kesii biala. Anwuɔsu tabla kasusu na ala ebendi adi bɔbla lɛlɔ ete lɛlɔ. Nsu muusé kenye ka ndubo-ɔ bɔgyumana na elekpi na ɔmɛni kemmo. Ami Unwoti násu.”

Mateo 11:5

Banumbwɛne baanu, na bani náƒɛ bewi kalɔ beesié. Ama bani muuƒi ɔlɛgyie lɛlɔ lɛɛbla sɛɛn na batutine beenú. Bekpine baata na mɔɔkɔ́ litemi buni lɛmmɔ lɛsa teete bawabane.

Mateo 26:11

Bawabane bakya-mii akɔ uwi biala. Nsu ami ni, ɔɔɔdi uwi biala na ndubɔkya-mii kudɔ.

Luka 14:13

Mmomu si aadi limeyi lɛmɛni udu ni, lɔ bawabane ku bekyuli bani naaakana busie kaduɛ ku bani náƒɛ bewi kalɔ ku bani na anumi ábwɛ-ma.

Luka 6:20

Yesu ɔ́sia nwuna basiakune anu na ɔ́su-ma ɔnini, “Lɛlɔ litaayɔ amii bawabane, ɔsika Katɔti lɛga kadikɔ kadi bina ɔdi!

Batalane Kabla 4:32

Na emeyi amɛni kemmo ni, baƒɔtaadine bamɛni ƒui bábla unwi na udu ku kasusu kemmo, na bana akɔ ɔdi biala útasusu anwu lɛti lɛkɛ. Mmomu ni, bana lɛla biala lɛdi bana ƒui lɛdi.

Romaƒuɔ 11:20

Na use lɛni. Nsu bɛti ka bana taƒɔ tadi ɔsu na bámami. Na amii bɛ́kɛ kamakɔ ka bɛ́ƒɔ bɛ́di ɔsu. Nsu ɔmmɔ ulátina ka ɔlɛka biteeƒu, mmomu bitaayia.

Romaƒuɔ 11:25

Banwa, ala abɛdi adi akya ɔ́si kukuuku ani na naaayɔ nnii abɛ-mii ƒui kalɛ na bilátaakun lɛmɛnɛ na bina kasusu kenye. Anwu ndi ka ni, Yudaƒuɔ badi atuɔkplu ani baabla ni, ɔɔɔdubo buse lɛni uwi ƒui. Mmomu atuɔkplu ammɔ kenye kadubukulo uwi ɔni na Katɔti ɔ́sala bumomo bɔni na ɔɔwia na bani naaadi Yudaƒuɔ akɔ ɔ́wɔlɔ.

Romaƒuɔ 12:3

Na ɔkɛnku kabla kani na úte-mi na nwuna lɛƒɔndia ɔsu ni, mɔɔsu bina ƒui nnii bitatalaku lɛlɔ katɔ bitetuloku kalɛ na bise. Mmomu ni, bina kasusu katina ka bíboku lɛlɔ kalɔ na ɔdi biala utaakɔku lɛlɔ taanu na nwuna bɔƒɔtaadi bɔni na ubo kenye.

Romaƒuɔ 15:5

Muuvele Katɔti ɔni muubunku-bu na bɔɔkana lɛbibo biala kenye bunye kpakplaa na ɔɔkya-bu ogya nnii ɔya na unwi bɔbla bɔkya-mii akɔ uwi ɔni na bíti bɛsiaku Kristo Yesu mɛni.

Romaƒuɔ 6:2

Oowo! Kudii! Ɔsika búkpi, na likpidi lɛsɔ liládi-bu lɛlɔ! Na bi ɔsu na ɔ́sɔ ɔlɛka bulie butaabla ala ekpidi?

Korintoƒuɔ 1 1:10

Na kenyekɔ kani na Blɔti Yesu Kristo úte-mi kenye ni, mɔɔsu-mii kpakplaa aani mina banwa baƒɔtaadine kalɛ nnii bina ƒui binu lɛlɔ kalɔ kalɛ na lɛlɔ bule bɔdi bulakya-mii akɔ. Na bɛbla unwi na ala ani na bɛɛkali ku ala ani na bɛwia lɛlɔ.

Korintoƒuɔ 1 3:18

Bina akɔ ɔdi utatɔlɔ lɛlɔ. Si bina akɔ ɔdi ɔɔnu lɛlɔ aani kayawi kamɛni ɔnundane ni, ɔbla lɛlɔ ɔdɔlɔdi mmomu na bekyuli anumi kalɛ na wenwini ɔnundane geen sɔsɔ na Katɔti anumi.

Korintoƒuɔ 1 4:10

Bɔdi badɔlɔdi na Kristo ɔsu. Nsu amii bɛdi banundane ka bɛ́bla unwi ku Kristo ɔsu. Abu buse aani bekyuli bani na ekubi eeebo-ma lɛlɔ kemmo. Nsu amii ni, lɛlɔ lɛ́sa-mii. Bɔɔɔdi lɛla lɛdi na bekyuli anumi. Nsu amii ni, bibo ɔbu.

Korintoƒuɔ 1 6:5

Mɔɔsu-mii ɔmɛni na kɔƒa kukpo-mii. Ukyuli unwi pɛ ɔdi anwu ɔkya bina akɔ ɔni ndubɔkana na ɔklibi etemila amɛni na baƒɔtaadine ntɛ.

Korintoƒuɔ 1 8:2

Ukyuli biala ɔni mɔɔkali ɔnii ɔgyi lɛla lɛdi ni, geen geen ni, ɔɔɔgyi-ni kalɛ na ɔlɛka ɔti.

Korintoƒuɔ 2 13:11

Banwa, na kawɔlɔkɔ mɛni ni, binye momoomo na bɛlɛ lili bɛwɔlɔ. Na binu ala ani ƒui na lívele-mii na ɔku ɔmɛni kemmo. Bɛbla unwi na bilieku lɛlɔ ku keyi buɛɛ, na Katɔti ɔni mɔɔyɔ́ bekyuli na ɔɔyá na keyi kaayɔ́ku-ma ni, ɔdubɔsiaku-mii.

Ƒilipiƒuɔ 1:27

Ɔƒɛni lɛla lɛni ntulo ndi ka bina ngba bulie bɔbla aani kalɛ na litemi buni lɛmmɔ lɛɛtina ɔsika ɔmɛni na Kristo ɔɔwia. Na si líbo ḿbanu-mii iye línu-mii kɔku ni, ndubunu ka binye kpakplaa na kɔyu kemmo biikpó ku kasusu kenwi na bina bɔƒɔtaadi kemmo teete litemi buni lɛmmɔ.

Ƒilipiƒuɔ 3:16

Na lɛla lɛni námanku ndi ka bɛya na bula ngba bulie bɔ́manku kesii kani na búusie anumi búbedu.

Ƒilipiƒuɔ 4:2

Muuvele Euodia ku Sinteke lɛnɔ ka benu lɛlɔ kalɔ na basɔ belie aani banwa belekubi na Blɔti kemmo.

Hebriƒuɔ 13:5

Anumi asɔ etegyie-mii na egulabi lɛlɔ. Mmomu bɛya na lɛla lɛni bibo limo-mii. Ɔsika Katɔti ɔ́su ɔnini, “Lɛɛɛdubo-mii bɔnyonu kudii, na neeedie-mii atu lɛnɔ kudii.”

Petro 1 3:8

Na ɔmɛni kawɔlɔkɔ ni, bina ƒui bɛkɛ kɔyu kemmo kasusu kenwi bɛyɔ lɛlɔ aani banwani kalɛ na bɛnu ɔdi biala kɔnyana, na biboku lɛlɔ kalɔ bite lɛlɔ.

Petro 1 5:3

Bitanya bekyuli bani lɛlɔ bɛɛnu bitamana, mmomu bɛbla bekyuli bani na banu-mii udu batɛya.

Yohane 3 1:9

Línweni ɔku ɔdi líte ƒula baƒɔtaadine lɛkpa lɛmmɔ. Nsu ka Diotreƒe ɔɔyɔ́ ka ɔtalaku lɛlɔ katɔ aani ɔtɔnkune na mmɔ ɔsu ni, ulábu lɛla lɛni na abu batalane bɔɔsu.