Romaƒuɔ 12:1 - Katɔti Ɔku Kedee

¹ Anwuɔsu ni, mina banwa, ka Katɔti ɔ́bla-bu kaƒɔ buni geen ɔsu ni, muuvele-mii geen nnii biti bina lɛlɔ bite Katɔti aani akpala ani nse kedee na aayɔ́-nwu kaƒɔ lɛnɔ bɛda na bina ngba bulie kemmo mɛni. Ɔmmɔ ndi bina kɔyu kemmo akpala kabla.

Romaƒuɔ 12:1 ပူးပေါင်းရင်းမြစ်များ

Kɔgya 116:12

Bi na ndubɔkana na lite Unwoti na ala abuni ani ƒui na ɔ́bla úte-mi ɔsu?

Kɔgya 19:14

O Unwoti, awɔ ndi mina Lɛtakpɛ lɛni lɛlɔ na nkpo ku mina Udiene. Ya na mina kenye etemila ku mina kayi kemmo kakali kaƒɔ-ɔ anu.

Yesaia 56:7

Na ndubo-ma bɔkpanku buboku mina kɔbi kedee lɛlɔ na badubɔkɛ lɛlɔyɔ na mina kaduli kani kemmo na baakpali-mi kemmo. Na bana etela ku akpala ani na badubuti beboku-mi na mina lɛkpabi lɛlɔ adubɔƒɔ-mi anu. Badubɔlɔ mina kesii banii kaduli kani kemmo na bayawine ƒui baakpali katɔ.”

Yeremia 6:20

Amii Yudaƒuɔ, bɛda oloƒui bɛ́siku Seeba kalɔ lɛlɔ bíboku-mi ku kutu akyala ƒɛƒɛɛ ani na bɛ́siku kalɔ ɔgyu kakaaka bíboku-mi. Na bɛɛbla akpala lidu lidu lɛnɔ. Nsu bi ɔsu na binye biikpóku lɛlɔ lɛni? Bina etela ammɔ ƒui adi ala ani muusé-mi lɛlɔ na muukisi-nya geen!

Hosea 14:2

Nwini sie ƒula Unwoti Katɔti kudɔ na etévele-nwu na asu anini, “Ti bula ekpidi kyiɛ-bu, na aƒɔ bula linugya bumwi bɔni ndi akpala ani na búti buute-ɔ.

Bumomo Bɔka 7:21

na úte ɔmantɛ akɔ ɔkɔdi ku koƒonu kɔgyani ku koƒonu kɔkɔdi kɔni ndi kɔgyani na kɔ́ɔƒɔ lɛkwa linwi úte bɔkyula akpala,

Luka 7:47

Anwuɔsu mɔɔsu-ɔ ka ni, na bɔyɔ bɔni na údie ɔ́tina-mi ɔsu ni, ɔ́kɛ nwuna ekpidi pii ani na ɔ́bla ƒui buti taakyiɛ. Na ukyuli ɔni na blii na béti bákyiɛ-nwu ni, nwuna bɔyɔ lɛnɔ buse blii.”

Romaƒuɔ 12:2

Bɛsɔ bitabla unwi ku kayawi kamɛni lɛlɔ ala bɔbla. Mmomu bɛya na Katɔti ɔvumana-mii kasusu ƒui na binwini bekyuli bawɔdi. Ɔmmɔ ndubɔya na bɛnu lɛla lɛni na Katɔti ɔɔyɔ́ bɛti, na bɛbla lɛla lɛni ndia na lɛɛyɔ́-nwu kaƒɔ na lise sɛɛn lɛ́wɔlɔ.

Romaƒuɔ 15:16

Ɔsika ɔ́bla-mi ɔnii nnwini Kristo kabla ɔblane nte bekyuli bani naaadi Yudaƒuɔ. Na mɔɔbla ɔkpane kabla kani ndi ka lɛkɔ Katɔti litemi buni lɛmmɔ lɛsa lite bekyuli bani naaadi Yudaƒuɔ kalɛ na lɛkpanku-ma liboku Katɔti aani akpala ani Katɔti Kɔyu kɔ́bla kedee na adubɔƒɔ Katɔti anu.

Romaƒuɔ 15:30

Banwa, muuvele-mii kpakplaa na Blɔti Yesu Kristo lɛnyi kemmo ku Katɔti Kɔyu bɔyɔ kemmo nnii bibunku-mi na bukpo kekpo kani kenye na nnye na bina Katɔti bɔkpali teete-mi kemmo.

Romaƒuɔ 2:4

Munuu bɛɛbu bɛnii keeke na Katɔti ɔɔbla-bu kaƒɔbuni na ɔɔkɛ́ kayi na uuwiku-bu lɛlɔ? Bɛti geen ka ni, Katɔti ɔɔbla-bu lɛƒɔndia lɛmɛni ɔsika ɔɔwia ka ubunku-bu na bunwini kayi.

Romaƒuɔ 6:13

Iye bitete kuƒi na likpidi lɛƒɔ bina ɔlɔna kemmo kesii biala na bitaabla likyulikpi. Mmomu biti bina lɛlɔ bite Katɔti aani bekyuli bani na Katɔti ɔ́gyila ɔ́lɛku kukpi kemmo úboku ngba kemmo. Na bɛnyonu bina lɛlɔ ekpo ƒui bite Katɔti aani ala ani nse siin na uti ɔbla nwuna kabla.

Romaƒuɔ 6:16

Bɛgyi geen ka ni, si bínu lɛlɔ kalɔ na bíti bina lɛlɔ bɛ́kya ukyuli ɔni kabla na bɛɛbla kalɔ ni, na bɛdi ukyuli ɔmmɔ kabla bablane. Anwuɔsu bɛkana binwini kabla bablane bite likpidi lɛni mɔɔkpanku ukyuli taatákya kukpi kemmo. Na bɛkana binwini kabla bablane bite lɛbuni lɛni mɔɔkpanku ukyuli taatákya siin bɔbla kemmo.

Romaƒuɔ 6:19

Mɔɔyɔ́ ka lɛsia kalɛ na bekyuli baatɛmi kenye na lidie ɔmɛni kalɔ lite-mii na ɔbla-mii kpɛtɛ kpɛtɛ. Na uwi ɔni nábavi kemmo ni, bɛ́nyonu lɛlɔ ƒui bíte alaekpidi bɔbla ku ala ani muusé lɛlɔ ku likyulikpi ala bɔbla. Lɛni kani na ɔlɛka biti lɛlɔ ƒui bite siin bɔbla na bɛbla kedee.

Romaƒuɔ 9:23

Na lɛni kani na ɔ́yɔ ka údie ala abuni ani nkya nwuna bukeye bonwu kemmo keyi ɔtina bani na wanu kɔnyana. Na abu ndi bekyuli bani na ɔ́klibi úse ka bɔdubo bukeye.

Korintoƒuɔ 1 1:10

Na kenyekɔ kani na Blɔti Yesu Kristo úte-mi kenye ni, mɔɔsu-mii kpakplaa aani mina banwa baƒɔtaadine kalɛ nnii bina ƒui binu lɛlɔ kalɔ kalɛ na lɛlɔ bule bɔdi bulakya-mii akɔ. Na bɛbla unwi na ala ani na bɛɛkali ku ala ani na bɛwia lɛlɔ.

Korintoƒuɔ 2 10:1

Ɔmɛni ɔsu ami Paulo ɔlati líti Kristo kayi buɛɛ ku lɛlɔ kalɔ buboku muuvele-mii geen nnii bise atu na binu. Muunú ka bekyuli badi baasu banii mina lɛku lɛni muunweni libo ogya si liiibo-mii kudɔ, nsu lɛ́ba na mina butemi kemmo si nkya-mii kudɔ.

Korintoƒuɔ 2 4:1

Katɔti ɔ́nu-bu kɔnyana na úti kabla kamɛni ɔ́kya-bu enu kemmo. Ɔmmɔ ɔsu na enu aláƒɛ-bu.

Korintoƒuɔ 2 4:16

Kasusu kamɛni ɔsu na enu aláƒɛ-bu si ina bula ɔlɔna ugyii ɔmɛni ɔɔyii udu muedi ni, bɔgyi ka bula kɔyu kemmo ngba bulie bɔɔbla ɔwɔdi uwi biala.

Korintoƒuɔ 2 5:20

Na abu nnye Kristo kenye. Na Katɔti ɔlati nkɛ-bu lɛlɔ na ɔɔsu-mii lɛla lɛni geen na ɔɔwia taasiku-mii kudɔ. Ɔmɛni ɔsu bunye Kristo kenyekɔ buuvele-mii bɔnii bɛya na Katɔti ɔklibi amii ku-nwu ntɛ.

Korintoƒuɔ 2 6:1

Ka bunye bɔɔblaku Katɔti kabla ɔsu ni, buuvele-mii bɔnii bitebile Katɔti kɔnyana bɔnu.

Eƒesoƒuɔ 4:1

Anwuɔsu ka mɔɔbla Blɔti kabla na ntɛ ɔtɔ na anwu ɔsu ni, mɔɔlɛ-mii nnii bilie ngba bɔni námanku bɔlɔ bɔni na Katɔti ɔ́lɔ-mii.

Eƒesoƒuɔ 5:10

Na lɛnɔ ni, bɛtɛya lɛla lɛni mɔɔyɔ́ Katɔti kaƒɔ.

Lɛkpa Ulu 14:2

Ɔsika amii bɛdi Unwoti Katɔti ɔdi na anwu náƒuna-mii ɔ́lɛku kadi bamba bekyuli akɔ na kalɔ lɛlɔ ƒui ka bɛbla nwuna ɔdi.

Ƒilipiƒuɔ 1:20

Na lɛla lɛni mɔɔwia na mina anu lɛnɔ asia kpakplaa ndi ka kabla kani mɔɔbla mɛni ni, kɔƒa kulekpo-mi. Mmomu na uwi biala kemmo ku ɔƒɛni muedi ni, lɛkya ɔkplu na liti bumwi lite Kristo na mina ngba bulie ƒui kemmo. Si ina nli ngba iye líkpi.

Ƒilipiƒuɔ 2:17

Nsu si ina mina ubugya na bada beewi kalɔ aani kalɛ baabla akpala na bina lili kalɛ na bina bɔƒɔtaadi busie anumi ni, lɛlɔ lɛdubɔyɔ-mi na kubiti kɔda-mi na bina ƒui ɔsu.

Ƒilipiƒuɔ 4:18

Na bɛ́ƒɔ-mi kabla kayu ƒui. Na kayu kammɔ kétulo kalɛ na ɔ́manku muedi. Etela ani ƒui bíti bímene Epaƒrodito mɛni ni, émo-mi! Etela ammɔ ese aani akpala ƒɛƒɛɛ ani béti bákpa béte Katɔti, na áyɔ-nwu kaƒɔ, na aada-nwu kubiti.

Tesalonikaƒuɔ 1 4:1

Banwa, mina lɛla likplodi lɛni muuvele-mii ndi ka ni, bilie ngba bɔni mɔɔyɔ́ Katɔti kaƒɔ aani kalɛ na bɔ́tina-mii. Bɛdaku ɔkplu bɔkya bɔdi, nsu bɔɔkya-mii ogya na Blɔti Yesu lɛnyi kemmo bɔnii bɛbla bitulo lɛni.

Tesalonikaƒuɔ 1 4:10

Na sɔsɔ ni, ɔdi litemi geen ka bɛɛyɔ́ bina banwa baƒɔtaadine bani nkya Makedonia. Nsu bɔsɔ buuvele-mii bɔnii bɛbla bitulo lɛni!

Tesalonikaƒuɔ 1 5:12

Banwa, buuvele-mii bɔnii biti ɔbu geen bite bina batɔnkune bani mɔɔtina-mii Kristo ngba bulie ala lɛlɔ.

Timoteo 1 2:3

Katɔ bɔkpali bɔmɛni mɔɔyɔ́ bula Ɔƒɔne Katɔti kaƒɔ.

Timoteo 1 5:4

Nsu si ukpinele ɔdi ubo bebi iye bawɔ ni, bebi bammɔ bese kalɔ bataatɛya bana kaduli bekyuli bɔda ku bana bawɔne bɔda aani bana bɔƒɔtaadi kabla kalɛ. Ɔmmɔ mɔɔtina ka beesé bana bawɔne kɔdɛ. Ɔmɛni mɔɔyɔ́ Katɔti kaƒɔ.

Ƒilemon 1:10

Muuvele-ɔ na Onesimo lili ɔni nébenwini mina ubidi na Kristo kemmo uwi ɔni na nkya kɔgba kemmo.

Hebriƒuɔ 13:22

Banwa, muuvele-mii geen nnii binu-mi ala ani na mɔɔsu-mii ku ogya ɔni mɔɔkya-mii. Ɔsika ɔku klukui ɔdi kani na línweni-mii.

Petro 1 2:20

Nsu si ƒula ekpidi ɔsu na bekyuli báni-ɔ kɔtu ni, ɔɔɔdi-ɔ bumwi. Nsu si bítabla likpidi asa na biibó abi ni, Katɔti ɔdubute-mii kusɛ kusɛ.

Petro 1 2:5

Biti lɛlɔ bite Katɔti na ɔtu Kɔyu kemmo kakpakɔ aani kalɛ na ɔtune uuti atabi taatu ɔtɔ. Bɛdubɔbla bakpane kedee bani muuti Kɔyu kemmo akpala ani námanku teete Katɔti ɔkɛnku Yesu Kristo lɛlɔ.