Romaƒuɔ 11:4 - Katɔti Ɔku Kedee

⁴ Na kenye kamani na Katɔti údie Elia? Údie kenye ɔnini, “Lídie bekyuli mpim maatɛ líse líte lɛlɔ ɔni na bátalɛ akɔnkɔ kalɔ bétete Baal baƒiɔ.”

Romaƒuɔ 11:4 ပူးပေါင်းရင်းမြစ်များ

Baga 1 16:31

Ɔ́sia Yerobeam ekpidi ani na ɔ́bla kama na ammɔ lɛti átabɔ-nwu. Mmomu úsie útéti Sidomƒuɔ Ɔga Etbaal ubidi ulekubi ɔni baalɔ banii Isebel ɔ́bla ulekudi, na úse kalɔ ɔɔkpá Baal baƒiɔ na ɔɔbla-ma kabla.

Baga 1 19:10

Amu na Elia údie kenye ɔnini, “Lɛ́sia anu kpakplaa na lɛ́kpa Unwoti Ɔyikune Ƒui uwi biala. Na Israelƒuɔ béni ƒula bunyimi na bábwɛ ƒula akpabi. Na bádu ƒula kenye bediene ƒui ku lɛkɛɛ, na ami lɛti nébu. Na ɔƒaani benye baawia kuƒi ka badu ami lɛnɔ.”

Baga 1 19:18

Nsu lídie Israelƒuɔ bekyuli mpim maatɛ bani nátalɛ akɔnkɔ bétete Baal iye bakya-nwu kɔgbu.”

Yesaia 4:3

Na bani ƒui nébu na Sion na bése-ma likpo na Yerusalem mmɔ ka belie ngba ni, badubɔlɔ-ma bekyuli kedee.

Hosea 13:1

Si bina batɔnkune baatɛmi ni, lɛlɔ lɛɛtɔ́ ukyuli biala ku liƒu na bɛɛbu-ma geen. Nsu bɛ́bla likpidi na ɔni na bísie bɛɛkpá Baal baƒiɔ ɔsu na báyii udu.

Hosea 2:8

Nsu útati ɔnii antabi ku kamu ku ntɛ buni bɔmmɔ ƒui ni, adi etela ani nási-mi kudɔ. Na nwuna sika ugyiedi ku ɔƒualadi ƒui ni, ami néte-nwu na anwu na ɔda uuyé ala taakpa Baal baƒiɔ.

Seƒania 1:4

Ndubo mbani Yuda ku Yerusalem kɔtu na lɛla biala lɛsɔ lilébu na banu bati na Baal baƒiɔ lɛlɔ. Na bana bakpane ƒui ɔdi ɔsɔ ulenyimo-ma.

Bumomo Bɔka 25:3

Anwuɔsu Israelƒuɔ béti lɛlɔ bébunku Moabƒuɔ na baakpá baƒiɔ bani baalɔ banii Baal-Peor. Ɔmmɔ ɔ́ya na Unwoti úti kɔnyi kati kati ɔ́kya-ma.

Lɛkpa Ulu 4:3

Amii alati bɛ́nu ku bina anumi lɛlɔ lɛla lɛni na Katɔti ɔ́bla na Peor Kɔbi lɛlɔ, kalɛ na ɔ́yila ukyuli biala ɔni muuti ala taatákpa baƒiɔ banii baalɔ Baal udu.

Litemi Batɛne 2:13

ɔsika béni Unwoti na bésie baabla kabla teete Baal ku Astarot baƒiɔ.