Romaƒuɔ 11:20 - Katɔti Ɔku Kedee

²⁰ Na use lɛni. Nsu bɛti ka bana taƒɔ tadi ɔsu na bámami. Na amii bɛ́kɛ kamakɔ ka bɛ́ƒɔ bɛ́di ɔsu. Nsu ɔmmɔ ulátina ka ɔlɛka biteeƒu, mmomu bitaayia.

Romaƒuɔ 11:20 ပူးပေါင်းရင်းမြစ်များ

Ala Alɛdi 2 20:20

Amu na kadi kegye ɔtanta tutuutu uwi ɔni na ukyuli biala ɔdaku lɛlɔ bɔklibi ka bayu ulu beteesie kakɔ kakwiidi kani nde Tekoa mmɔ ni, Yehosaƒat ɔ́ta únye na ɔ́su ɔnini, “Banwa, binu! Si bula ƒui búti bula kɔyi bɔ́sia Unwoti lɛlɔ na bɔ́ƒɔ lɛla lɛni na kenye bediene básu-bu mmɔ bɔ́di ni, Unwoti ɔdubo-bu bubunku na bɔdi lɛlɔ.”

Kɔgya 138:6

Unwoti, ina ka eli katɔ katɔ mmɔ muedi ni, aanu bani muuboku lɛlɔ kalɔ kɔnyana. Na bani mɔɔkɔliku lɛlɔ katɔ ni, bana ablala lɛnɔ átabɛ-ɔ.

Agba 28:14

Kusɛ kusɛ ɔsiaku bekyuli bani na bana kasusu kese siin. Nsu belikplune bésela betéduo ɔgbankpi bonwu kemmo.

Agba 28:26

Kɔdɔlɔ kɔdi ukyuli ɔni mɔɔkali ɔnii uláwia bɔlɛ. Nsu bani mɔɔda lɛlɔ na lɛnunda kemmo ni, keliela kaatɛ-ma.

Yesaia 2:11

Limeyi lɛmmɔ ni, bekyuli bekpidi bani mɔɔnu bekyuli ɔnusɛ bɔdubɔkya lili kalɔ, na lɛlɔ katɔ bɔkɔliku biala bɔdububo kalɔ.

Yesaia 2:17

Na bekyuli atuɔkplu ku lɛlɔ katɔ bɔkɔliku ƒui ɔdububoku-mu kalɔ. Na Unwoti lɛnyi kani ndubɔkɔ katɔ limeyi lɛmmɔ.

Yesaia 66:2

Mina kɔnu nábla ani bɛɛnu mɛni ƒui na ébo éte kalɛ na ese. Ami Unwoti násu. “Bekyuli bani mɔɔyɔ́-mi kaƒɔ ni, ama ndi bani muuboku lɛlɔ kalɔ na bana ekpidi eeduo-ma, na lɛlɔ lɛɛtɔ́-ma ku bɔyia si bénu-mi lɛdi, na mina lɛlɔ kani na bana anu asia.

Yesaia 7:9

Israel ɔma unengudi ƒui ndi Samaria. Na ɔma ɔmmɔ lɛlɔ ɔdine kani ndi Ramalia ubidi Peka. Na si eeenye mina bɔƒɔtaadi kemmo kpakplaa ni, agyi anii eeebo kenyekɔ kadi.’ ”

Habakuk 2:4

Ukyuli biala na ɔɔtalaku lɛlɔ katɔ ulelie ngba. Nsu bani mɔɔsiaku-mi kama siin ni, badubulie ngba na bana bɔƒɔtaadi kemmo.

Seƒania 3:11

Si uwi ɔmmɔ údu ni, bɛsɔ bilata bilenye-mi lɛlɔ na lɛkya-mii kɔƒa. Ɔsika bekyuli bani na bebo lɛkantakpi na baatalaku lɛlɔ katɔ mmɔ ni, ndubudie-ma ƒui na bina akɔ, na basɔ beléteetu lɛgba taanya taavi mina kɔbi kedee kɔmmɔ lɛlɔ kudii.

Luka 18:14

Mmɔ na Yesu ɔ́su-ma ɔnini, “Mɔɔsu-mii nnii ka básɔ bénwini bésie kaduli ni, kuyi ɔƒɔne ɔmmɔ ɔ́bla sɛɛn na Katɔti anumi na ɔɔɔdi Ƒarisini ɔmmɔ. Ɔsika ukyuli biala ɔni na ɔ́bla nwuna lɛlɔ ukyuli ubendi ni, Katɔti ɔdububoku-nwu kalɔ. Na ukyuli biala ɔni na weboku lɛlɔ kalɔ ni, Katɔti ɔdubɔkɔliku-nwu katɔ.”

Batalane Kabla 18:6

Amu uwi ɔni na Yudaƒuɔ bamɛni báta bénye-nwu lɛlɔ na beetemi enyekpi taasiku Yesu lɛlɔ ni, Paulo úveli enu úwi-ma, na ɔ́su-ma ɔnini, “Si bɛ́yii ni, mina kɔnu, mina ɔgba uuubo-nwu kemmo. Ɔ́si ɔƒaani ni, lísela bekyuli bani naaadi Yudaƒuɔ kudɔ ntásu-ma litemi buni lɛmɛni.”

Romaƒuɔ 11:18

Anwuɔsu bitakun lɛmɛnɛ na kugyii kɔmmɔ kɔgba kɔni náƒɛ kɔ́lɛ lɛlɔ. Ɔsika si bɛ́bla lɛni ni, bɛnu bɛti ka ɔɔɔdi amii nda ligyiitu lɛmmɔ. Mmomu ligyiitu lɛmmɔ nda-mii.

Romaƒuɔ 11:21

Ɔsika si Katɔti útenye útada Yudaƒuɔ bani nse aani kugyii kɔmmɔ ɔlati kɔgba bɔƒɛ ni, bɛɛkali ka ɔdubunye ɔda amii amu?

Romaƒuɔ 12:16

Bɛbla unwi ku bina bakpana na bina ngba bulie kemmo. Bitatalaku lɛlɔ katɔ, mmomu bɛtuna na bɛsala ku bani neeebo kenyekɔ kadi na bekyuli anumi. Na bitanu lɛlɔ bitetulo bakladi.

Romaƒuɔ 12:3

Na ɔkɛnku kabla kani na úte-mi na nwuna lɛƒɔndia ɔsu ni, mɔɔsu bina ƒui nnii bitatalaku lɛlɔ katɔ bitetuloku kalɛ na bise. Mmomu ni, bina kasusu katina ka bíboku lɛlɔ kalɔ na ɔdi biala utaakɔku lɛlɔ taanu na nwuna bɔƒɔtaadi bɔni na ubo kenye.

Romaƒuɔ 3:3

Nsu si úbo úte ka badi bátaƒɔ bátadi nɔɔ? Aaƒɔ́ taadi ka Katɔti uladi nwuna etemila lɛlɔ?

Korintoƒuɔ 1 10:12

Ɔdi biala ɔni mɔɔkali ɔnii unye kpakplaa ni, ɔnu kaduɛ kalɛ na ulebuli.

Korintoƒuɔ 1 15:1

Banwa, ɔƒɛni ni, mɔɔyɔ́ ka binyimo litemi buni lɛni lɛsa na lɛ́kɔ líte-mii. Litemi lɛmɛni na bɛ́ƒɔ bɛ́di na binye bɔƒɔtaadi bɔmmɔ lɛlɔ kpakplaa.

Korintoƒuɔ 1 16:13

Binye kagyumana na binye kpakplaa na bɔƒɔtaadi bɔmmɔ kemmo. Bise kayi na bɛyu ɔkplu.

Korintoƒuɔ 2 1:24

Ɔɔɔdi banii bɔɔdi-mii lɛlɔ na ala amɛni kemmo. Bɔgyi geen kalɛ na bɛda bina bɔƒɔtaadi kpakplaa. Anwuɔsu abu ku-mii bɔɔsála taabla kabla na bɛkɛ ebiti.

Korintoƒuɔ 2 10:5

Bɔɔdi unyeƒi ku lɛla biala mɔɔtalaku lɛlɔ katɔ na liitile bekyuli kuƒi ka bati Katɔti lɛlɔ. Na buƒie kasusu biala na kasia Kristo ulu lɛlɔ.

Ƒilipiƒuɔ 2:12

Anwuɔsu ni, mina bakpana bayɔne, aani kalɛ na bɛɛdi mina litemi lɛlɔ si nkya-mii kudɔ ni, lɛni kani na ɔdi ka bɛdi-nya lɛlɔ bitulo si uwi ɔni na liiibo-mii kudɔ lɛnɔ. Bise anumi na bitaabla ala ani mɔɔtina ka Yesu ɔ́ƒɔ-mii ngba, na biti ɔbu geen bite Katɔti.

Koloseƒuɔ 2:7

Binye kpakplaa na nwuna kemmo aani kalɛ na kugyii ugyiitu ɔɔnyí kalɔ kemmo. Na bina bɔƒɔtaadi buteesie anumi teebu aani kalɛ na bɔ́tina-mii mmɔ. Na bitaagya Katɔti enu uwi ndi uwi.

Tesalonikaƒuɔ 2 2:4

Na ɔdubɔta unye utile kɔyu ɔyikun biala ulu na ɔtina ka anwu lɛti ndi ayu ƒui utulone. Na ɔdubo bɔta muedi butélie Katɔti kakpakɔ na ɔbla lɛlɔ aani anwu ndi Katɔti ɔmmɔ.

Timoteo 1 6:17

Su ama bani mbo kayawi ala pii anii batatalaku lɛlɔ katɔ na beteti bana anu batasia ala ani udu naaakana-ma bɔƒɔ lɛlɔ. Mmomu beti bana anu basia Katɔti lɛlɔ. Anwu muute-bu lɛla biala ku kaƒɔ ƒaa kalɛ na bɔkɛ lɛlɔyɔ.

Hebriƒuɔ 3:12

Banwa, bɛnu lɛlɔ kemmo kaduɛ kalɛ na ɔdi uleti likpidi kasusu na kayi kemmo na unwini ukyuli ɔni naaaƒɔ taadi na walɛ Katɔti ɔni muute ngba kama.

Hebriƒuɔ 3:19

Anwuɔsu bɔ́nu bɔ́ti ka ɔni na bátaƒɔ-nwu bátadi ɔsu na bátakana-nwu bɔni bude na bakɛ bɔnwuna.

Hebriƒuɔ 4:11

Anwuɔsu bɛya bɔkya ɔkplu biala na buduo bɔnwuna bɔmmɔ kemmo. Na ɔdi biala uláwɔ ulu ka ɔsiaku bana atuɔkplu bɔbla kama ɔsu.

Hebriƒuɔ 4:6

Litemi lɛmɛni lɛmu lise lɛni ka badi badubɔkɛ bɔnwuna bɔmmɔ. Na bani náka lɛsa bɔkɔ bɔmmɔ bunu ni, ama mmomu néteduo bɔnwuna bɔmmɔ kemmo ɔ́si bana atuɔkplu ɔsu.

Yakobo 2:19

Áƒɔ ádi ka Katɔti unwi pɛ nkya, na use lɛni sɔsɔ. Nsu nyimo ka ayu ekpidi lɛnɔ áƒɔ ádi lɛni, na baayia. Anwuɔsu na lɛlɔ lɛɛtɔ́-ma.

Yakobo 4:6

Nsu ka Katɔti ɔɔyɔ́-bu ɔsu ni, ɔɔkya-bu ɔkplu kalɛ na bɔkana bunye kpakplaa. Ɔmɛni ɔsu Bunweni Kedee Ɔku ɔɔsu ɔnini, “Katɔti ulátunaku bekyuli bani mɔɔtalaku lɛlɔ katɔ, mmomu uubunku bani muuboku lɛlɔ kalɔ.”

Petro 1 1:17

Bɛɛsu bɛnii, “Bula Ɔti” si bɛɛkpali katɔ. Anwuɔsu binyimo ka anwu ndubɔtɛku ukyuli biala litemi na ala ani na ɔɔbla kenye. Na ulanu bekyuli anumi asa na watɛku-mii litemi. Lɛni ɔsu ni, biti bina uwi ɔkladi ɔni nébu na bilie ngba mɛni aani baƒɔ kalɛ bitaabu-nwu.

Petro 1 5:12

Silivano ɔni na mɔɔbu aani ɔƒɔtaadine ɔnwa ɔni mɔɔdi bɔƒɔtaadi bammɔ lɛlɔ geen ni, anwu nébunku-mi na búnweni ɔku klukui ɔmɛni buute-mii. Na mɔɔwia ka lɛkya-mii ogya na lidie kenye lɛsu-mii ka ni, ala ani lɛlɔ na línweni ɔku ɔmɛni lɛ́siku ni, adi kalɛ na Katɔti kaƒɔ kadia kete-bu. Anwuɔsu binye kpakplaa.

Petro 1 5:9

Binye kpakplaa na bina bɔƒɔtaadi kemmo na bitile-nwu kuƒi, ɔsika abi amɛni udu kani na bina bakpana baƒɔtaadine bani nkya kayawi mɛni ƒui beebó.

Budie Taatina 18:7

Na kalɛ na ɔma ɔmmɔ ɔ́kɔliku lɛlɔ katɔ na nwuna adikpi bɔdi akɛla kenye ni, bɛya na ubo abi na uwulo utédu ekpidi ammɔ kenye. Ɔsika ɔma ɔmmɔ use aani uleku ɔni násu na nwuna kayi kemmo ɔnini, ‘Uleku Ɔga na ndi, na nlie mina lɛgaboku lɛlɔ. Lɛɛɛdi ukpinele, na lɛɛɛdubo kɔnyana kɔdi lɛnɔ buwulo kudii!’

Budie Taatina 3:17

Bɛɛsu bɛnii, ‘Mbo ala na ɔdianku-mi, na mbo ala ani ƒui na mɔɔwia.’ Nsu bɛɛɛgyi bɛnii biisé lɛlɔ na bina lɛlɔ libo kɔnyana, na biiibo lɛla lɛdi, na anumi ábwɛ-mii, na bɛkɛ kasɔngya.