Romaƒuɔ 11:17 - Katɔti Ɔku Kedee

¹⁷ Na si kɔgba kɔdi kɔ́ƒɛ kɔ́lɛ kugyii kɔmmɔ lɛlɔ na békulo-mii aani lɛku kemmo kugyii kagba blii kadi bébenyimi báda kesii kani na kugyii kɔmmɔ ntu bɔɔyu na ɔ́kun ɔ́da ni, bɛɛní ntu taasiku kugyii kɔmmɔ ligyiitu kudɔ.

Romaƒuɔ 11:17 ပူးပေါင်းရင်းမြစ်များ

Eƒesoƒuɔ 3:6

Na lɛbɛla lɛmmɔ ndi ka bani naaadi Yudaƒuɔ lɛnɔ benwini Katɔti ala badine aani bekyuli bani na ɔ́ƒuna kalɛ na babla ɔlɔna ɔmmɔ kakɛ kadi. Na ɔkɛnku Kristo Yesu lɛlɔ ni, badubɔkɛ ala ani na Katɔti ɔ́su nwuna bekyuli úse.

Yeremia 11:16

“Uwi ɔdi kemmo ni, nka bise aani kɔdingyii kɔni na egyiibi áƒɔ-ku kemmo kaduɛ. Nsu ni, uwi ɔsɔ uletu asa ndubo bɔya na bekyuli lisu bonwu badi ku lɛsɛ bebo babaƒɛ ƒula kɔgba kɔmmɔ ƒui na batu ogya bakya-a.

Yohane 15:2

Ɔɔmɛnɛ kagba biala kani naaakana bɔnwu teedie kɔgba kɔkladi akɔ. Na ɔɔƒiala kɔgba kɔni mɔɔnwu lɛnɔ kemmo kalɛ na kuna akɔ kɔbla nwaa na kɔkana kutaanwu kaduɛ.

Mateo 21:43

Amu na Yesu ɔ́sɔ ɔ́su-ma ɔnini, “Anwuɔsu mɔɔsu-mii nnii Katɔti ɔdubɔƒɔ nwuna lɛga kadikɔ kammɔ na bina kudɔ bileduo-ka! Na ɔdubuti ute bekyuli bamba bani ndubɔbla nwuna lɛyɔla.

Kɔgya 52:8

Nsu ami ni, nse aani kɔdingyii kɔni evete neeewile kudii na nnye Katɔti kaduli. Na mina anu asia-nwu bɔyɔ bɔni naaavumana kudii lɛlɔ.

Koloseƒuɔ 2:13

Uwi ɔdi kemmo ni, bíkpi na kɔyu kemmo ɔ́si bina ekpidi ɔsu ku ka bátabla-mii ekpidi bukulo teedie ɔdi ɔmmɔ ɔsu. Nsu Katɔti ɔ́ya na bɔ́sɔ búnwini búbo bulie ngba ku Kristo ka úti bula ekpidi ƒui ɔ́kyiɛ-bu ɔsu.

Batalane Kabla 2:39

Ɔsika linyese lɛmɛni lise lite amii ku bina bebi ku bani nási ɔgyu ku bekyuli bani ƒui na Katɔti walɔ weboku nwuna kudɔ.”

Yesaia 27:11

Na si egyii ammɔ kɔgba kɔ́kwii ni, kɔɔƒɛ na beleku babayɔ-ku basala ogya. Ɔsika lɛni na Israel kadi bekyuli bamɛni bese na belenu na balanu ala taati. Anwuɔsu na bana udiene lɛnɔ ɔɔɔdubo-ma kɔnyana bɔnu.

Budie Taatina 11:4

Ɔkya Bunweni Kedee Ɔku kemmo ka nnɔ egyii anyɔ ku sika ugyiedi ligyii inyɔ lɛni lɛlɔ na asogya ɔsia ni, linye Kayawi Ƒui Unwoti anumi na katɔ. Na akpa anyɔ amɛni enye ete Katɔti kenye bediene inyɔ bamɛni.

Yohane 15:6

Ukyuli biala ɔni neeeliku-mi ni, use aani kugyii kagba kani békulo bávaakun na kákwii. Na kɔgba kɔmmɔ udu ni, bɔsala na baasála-ku taakya ogya na kɔkywi.

Sakaria 4:3

Nnɔ kugyii kunwi kunye nnɔ kalɛkɛ kammɔ kɔdianu kakɛ na kunwi lɛnɔ kunye kɔmiinu kakɛ.

Yona 1:16

Ɔmɛni ɔ́ya na ɔkɔlɔ ɔmmɔ kemmo bekyuli ƒui báyia Unwoti, na béti enugya akpala béte-nwu na bése kenye lɛnɔ béte-nwu.

Yesaia 6:13

Na ina bekyuli bammɔ lɛkpa leevudi kani nébu ni, ama lɛnɔ ndubɔyila-ma udu. Nsu kalɛ na egyukwii eebú teenye si báda egyii báwɔlɔ ni, lɛni na mina badi bani na lɛ́ƒuna badi badubo bubu bulie kama.”

Lɛkpa Ulu 8:8

Na kalɔ kammɔ lɛlɔ ni, edula ebi aani anta ku kakpa ku ana lidu pii lɛkya ku egyiibi bamba lidu ku nnɔ egyii ku uwɔ.

Galatiƒuɔ 2:15

“Abu bani na báwɔ-bu na bɔdi Yudaƒuɔ ni, buuuse aani bekyuli bani naaadi Yudaƒuɔ na bɔɔlɔ-ma ala ekpidi bablane.

Yohane 15:1

Ami ndi kɔdingyii kɔbuni, na mina Ɔti ndi kugyii kɔmɛni lɛlɔ ɔnune.

Romaƒuɔ 11:24

Úse ɔdi lɛla lɛni na balakya unyeƒi ka si bákana na békulo kugyii kɔdi udu basiku lɛku kemmo bábamana kɔni bálɛ ɔmantɛ lɛlɔ na ɔ́kun ɔ́da ɔni na nka útamanku ka babla ni, na ɔmantɛ kugyii kɔmmɔ ɔlati kɔgba ni, kɔdubɔkana na kɔkun kɔda kugyii kɔmmɔ lɛlɔ pla utulo.