Romaƒuɔ 11:10 - Katɔti Ɔku Kedee

¹⁰ Na ɔya na bana anumi abwɛ na batanu lɛla lɛdi batati, na ɔya na bana lɛbibo linwini etila asia-ma lɛlɔ uwi biala.”

Romaƒuɔ 11:10 ပူးပေါင်းရင်းမြစ်များ

Kɔgya 69:22

Ya na bana limeyi kadikɔ kani báklibi bése kenwini kubu kubi-ma lɛlɔ na betulo na bebuli beduo ɔgbankpi kemmo.

Kɔgya 69:23

Na aya na bana anumi abwɛ na batanu lɛla lɛdi batati, na aya na bana lɛbibo linwini etila asia-ma lɛlɔ uwi biala.

Yesaia 51:23

Mmomu ɔdubunwini usie bina bekisine bani nésusu-mii bákya bana lɛgba kalɔ aani ɔtumu kudɔ.”

Yesaia 65:12

ndubo-mii bɔnyonu bute na bɛkya eli kalɔ na bina bekisine badu-mii ƒui. Ɔsika lɛ́kpali-mii na bítatuna bítete-mi. Na lɛ́tɛmiku-mii na bítenu. Mmomu bɛ́bla likpidi na mina anumi na ala ani na alayɔ-mi kaƒɔ mmomu na bɛ́ƒuna ka bitaabla.

Sakaria 11:17

“Bɔbuɛ ute awɔ baƒonu ɔdane keeke ɔni neeebo kɔsia na eedie baƒonu atu! Mɔɔwia ka nka kewii kekulo-ɔ kɔnu na ɔbla lɛnuku, na ƒula kɔdianu lɛnumi lɛnɔ lɛbwɛ.”

Romaƒuɔ 1:21

Ɔsika ina ka bekyuli bagyi Katɔti ni, beléte-nwu ɔbu ɔni námanku-nwu aani Katɔti kalɛ. Na balagya-nwu enu lɛnɔ. Mmomu bana kasusu kéƒu na baabla adɔlɔla. Na lɛdisa lɛ́ƒɔ-ma.

Romaƒuɔ 11:8

Lɛni na Bunweni Kedee Ɔku ɔ́su ɔnini, “Katɔti ɔ́nyonu-ma na kɔdɔlɔ kɔ́ƒɔ-ma kayi ku kasusu ƒui. Na úti úbalɛ ku ɔmwi kadi ni, belenu na balánu lɛla lɛdi taati.”

Eƒesoƒuɔ 4:18

na bana ala kalɔ bunu bɔkya lɛdisa kemmo. Na ka baaagyi lɛla lɛdi na balayɔ banii beenú lɛla lɛdi lɛnɔ ɔsu ni, beeebo kadikɔ kadi na ngba bɔni na Katɔti uute nwuna bekyuli kemmo.

Petro 2 2:17

Bekyuli bamɛni bese aani abiɔ ani nákwi, iye ɔni na ɔƒɛƒɛɛ ɔda ɔɔvínku. Ama na Katɔti ɔ́da kesii kani nse suu mmɔ úse.

Petro 2 2:4

Katɔti útenye útanu batu bani náƒiɔ-nwu. Mmomu úbo-ma útákya abi kebokɔ. Na ɔ́ya na bébo-ma kɔgba bákya kasuudikɔ mmɔ wetédu limeyi lɛni na ɔdubɔtɛku-ma litemi.

Yuda 1:13

Bese aani ɛpu ntu bɔni mɔɔnwanɛ lɛlɔ ku avlɔvɔ. Bana kɔƒa ala na bada baatina lɛlɔ aani kalɛ na avlɔvɔ aata. Na bese aani ayabi ani mɔɔkpa na kayaa na aayii. Bekyuli bamɛni udu geen na Katɔti ɔ́klibi kasuudikɔ kammɔ úse ka uti-ma ɔkya mmɔ uwi ƒui.

Yuda 1:6

Na Katɔti batu bani nátakana na benye bana kenyekɔ na ɔyikun ɔni na Katɔti úte-ma kenye ni, Katɔti úbo-ma kɔgba ɔ́kya kasuudikɔ wetédu limeyi lɛni na watɛku-ma litemi na limeyi likplodi lɛmmɔ lɛlɔ.