Romaƒuɔ 11:1 - Katɔti Ɔku Kedee

¹ Anwuɔsu muuye ɔƒɛni nnii Katɔti úni nwuna bekyuli? Oowo. Kudi kudii! Ami ɔlati Yudani na ndi na Abraham kaba kemmo, na lɛ́si Benyamin ɔtɔ kemmo.

Romaƒuɔ 11:1 ပူးပေါင်းရင်းမြစ်များ

Baga 2 23:27

Unwoti ɔ́su ɔnini, “Ndubɔbla Yudaƒuɔ lɛla lɛni na lɛ́bla Israelƒuɔ. Na ndubukulo Yudaƒuɔ lidie mina anumi na lini Yerusalem ɔma unengudi ɔni lɛ́ƒuna na lɛ́su ka batu mina kakpakɔ balɛ na bataakpa-mi mmɔ.”

Kɔgya 77:7

“Buni na Katɔti úni-bu uwi ƒui na kaƒɔ kasɔ kaaadubo-nwu bɔyɔ na bula lɛlɔ?

Kɔgya 94:14

Ɔsika Unwoti ɔɔɔdubo kama bunwini bɔkya nwuna bekyuli baƒunadi.

Hosea 9:17

Israel ka étenu Katɔti litemi ɔsu ni, ɔdubo-ɔ buni na akɛ ataavi na kadi bekyuli ƒui akɔ.

Luka 20:16

Mɔɔyá na bɛti ka ɔdububo ubadu kemmo lɛlɔ banune bammɔ ƒui na uti kemmo kammɔ ɔkya lɛlɔ banune babambadi lɛkɔkɔ.” Ka bekyuli bammɔ bénu lɛni ni, básu banii, “Oowo! Utebo lɛni!”

Batalane Kabla 22:3

Na Paulo ɔ́su-ma ɔnini, “Yudani na ndi, na báwɔ-mi na Tarso na Kilikia kalɔ lɛlɔ. Nsu ni, Yerusalem mɛni na lísie sukuu. Gamaliel kalɔ na lɛ́kya lɛ́tɛya ala. Bátina-mi bula bati ɔda bubo ala ku bana ɔdi ƒui kaduɛ geen. Na líti mina kayi ƒui líte Katɔti aani kalɛ kani na amii lɛnɔ bɛɛbla.

Batalane Kabla 26:4

“Yudaƒuɔ ƒui bagyi kalɛ na lɛ́da mina lɛlɔ kaduɛ na mina lɛnamu uwi na mina ɔma ku Yerusalem lɛnɔ.

Romaƒuɔ 11:11

Na muuye lɛnɔ nnii uwi ɔni na Yudaƒuɔ bétulo na bébuli ni, báyii ku udu na basɔ balakana bɔta? Oowo! Kudii! Mmomu ɔ́si bana bɔƒiɔ ɔsu ni, ngba bɔƒɔ búbedu bekyuli bani naaadi Yudaƒuɔ kalɛ na ɔya anumi egyie Yudaƒuɔ.

Romaƒuɔ 3:4

Kudii! Ina ukyuli biala ɔdi ɔkɔ ɔnyine muedi ni, bɛya bɔti ka Katɔti ɔɔdi nwuna litemi lɛlɔ. Lɛni na bénweni na Bunweni Kedee Ɔku kemmo banini, “Lɛla biala lɛɛtina ka ƒula kenye etemila adi litemi geen. Na aatɛku bekyuli ƒui litemi ulu siin lɛlɔ.”

Romaƒuɔ 9:3

Ɔsika mɔɔyɔ́ ka libunku mina kadi bekyuli. Si banii nka Katɔti ɔtuna na ɔmami-mi Kristo lɛlɔ na ɔvumana mina bɔƒɔ ute mina kadi bekyuli ni, nka ndubunu kalɔ na ɔyila-mi udu.

Korintoƒuɔ 2 11:22

Si Hebriƒuɔ na badi ni, ami lɛnɔ anwu ndi. Na si Israelƒuɔ badi ni, ami lɛnɔ anwu ndi. Na si Abraham bawɔ lɛnɔ na badi ni, ami lɛnɔ anwu ndi.

Ƒilipiƒuɔ 3:5

Uwi ɔni na lɛ́kɛ Kwasida unwi ka báwɔ-mi kani na békulo-mi lego. Na ami lɛnɔ ndi Israelni. Na lɛ́si Benyamin kaba kemmo. Na mina bati kuuku badi Hebriƒuɔ geen. Na si Mose ɔda bubo lɛti pɛ lɛlɔ bɔdi ɔsu ni, na nka Ƒarisini na ndi.

Samuel 1 12:22

Nwuna lɛnyi bonwu lɛni náƒɔ kuye ɔsu ni, Unwoti ɔɔɔdubo nwuna bekyuli buni, ɔsika ɔɔyɔ́-nwu kaƒɔ ka ɔbla-mii nwuna kadi bekyuli.