Romaƒuɔ 10:8 - Katɔti Ɔku Kedee

⁸ Mmomu lɛla lɛni na ɔɔtina ndi ka, “Katɔti litemi lɛmmɔ lɛ́ɛni líde-ɔ, na lɛkya-a kenye ku ƒula kayi kemmo.” Na ani ndi bɔƒɔtaadi litemi lɛni lɛsa na bɔɔkɔ́.

Romaƒuɔ 10:8 ပူးပေါင်းရင်းမြစ်များ

Yesaia 57:19

Na lɛya na bese kalɔ beteedie lɛnu teemwi-mi. Na mɔɔsu kpakplaa nnii wɛ na ɔdi ulie iye wɛ na uuulie ni, ami Unwoti ndubɔbwi ɔdi biala na ɔkɛ keyi buɛɛ.

Batalane Kabla 10:43

Na Katɔti kenye bediene bénweni básiku-nwu lɛlɔ ka ukyuli biala ɔni maƒɔ-nwu madi ni, Katɔti ɔdubɔƒɔ nwuna ekpidi udie-nwu lɛlɔ na anwu Yesu lɛnyi kemmo.”

Batalane Kabla 16:31

Amu na básu-nwu banini, “Ƒɔ Blɔti Yesu Kristo di, na adubɔkɛ bɔƒɔ, awɔ ku ƒula kaduli bekyuli ƒui.”

Romaƒuɔ 10:17

Anwuɔsu ni, bɔƒɔtaadi bunye litemi lɛmmɔ bunu lɛlɔ. Na litemi lɛmmɔ bunu lɛkɛnku Kristo litemi lɛlɔ.

Galatiƒuɔ 3:2

Bɛya na liye-mii ɔmɛni linu. Katɔti Kɔyu kɔni na úte-mii mmɔ ni, ɔkɛnku ɔda bubo bɔni lɛlɔ na bɛɛdi ɔsu munuu ɔkɛnku litemi lɛni na bínu na bɛ́ƒɔ bɛ́di ɔsu?

Galatiƒuɔ 3:5

Katɔti Kɔyu kɔni na úte-mii mmɔ ku akɔla lidu lidu ani na ɔ́bla na bina akɔ mmɔ ni, ɔkɛnku kalɛ na bɛɛdi ɔda bubo bɔmmɔ ɔsu na ɔ́bla-nya munuu ka bínu litemi buni lɛmmɔ na bɛ́ƒɔ-ni bɛdi ɔsu?

Eƒesoƒuɔ 5:26

Ɔ́bla ɔmɛni kalɛ na ɔbla nwuna ɔyɔne ɔmmɔ kedee. Na etemila ani na ɔ́su-nwu ɔsu ni, ɔ́bla-nwu sɛɛn aani kalɛ na beeti ntu taakpila ukyuli.

Lɛkpa Ulu 30:14

Oowo! Uuuse lɛni. Mmomu ɔda bubo bɔmmɔ bude-mii. Na bɛgyi-mu ku kesii kani na ɔkya. Anwuɔsu bɛkana bɛdi-mu lɛlɔ.

Timoteo 1 4:6

Si átina ƒula banwa ala amɛni ni, mmɔ na adubɔbla Yesu Kristo kabla ubunkune buni. Na bɔƒɔtaadi etemila amɛni ku bula ala bɔtina bɔni kama na asia ni, anya muute-ɔ kenyekɔ kamɛni.

Petro 1 1:23

Katɔti ɔ́ya na bínwini nwuna badi, ɔsika bɛ́kɛ ngba bɔwɔdi bɔni nsɔ naaadubo bɔsa na ɔɔɔdi bɔni mɔɔsa. Bɛ́kɛ ngba bɔmɛni bɛ́siku nwuna litemi lɛni mbo ngba geen kemmo na lise lísela uwi ƒui.

Petro 1 1:25

Nsu Katɔti litemi ani lise lite uwi ƒui.” Na ɔmɛni ndi litemi buni lɛni lɛsa na bákɔ béte-mii.