Romaƒuɔ 10:3 - Katɔti Ɔku Kedee

³ Ɔsika baaagyi ulu ɔni lɛlɔ na Katɔti ɔɔyɔ́ ka ukyuli ɔsia na ɔbla siin na nwuna anumi. Mmomu ama alati báwia ulu bamba béte lɛlɔ. Ɔmɛni ɔsu béteboku lɛlɔ kalɔ bétete Katɔti kalɛ na ɔtina-ma ulu ɔni lɛlɔ na basia na ɔbla-ma siin.

Romaƒuɔ 10:3 ပူးပေါင်းရင်းမြစ်များ

Nehemia 9:33

Na ala amɛni ƒui bɔlɛ kemmo ni, édie atina ka aabla ala ulu lɛlɔ. Na abu mmomu ni, bula ɔdi naaadia.

Hiob 33:27

Na si úbo ute lɛni ni, ɔɔsu na kadi ƒui anumi ɔnini, ‘Lɛ́bla likpidi na mina ɔdi útatɛ. Nsu Katɔti útani-mi kɔtu kɔni na nka ɔ́manku ka ɔni-mi.

Kɔgya 71:19

Na banu bati kalɛ na ébomo na ese siin aani kalɛ na baanu ka kayaa kébomo kalɛ. Ábla ala ebendi, na ɔdi ɔsɔ uuubo ƒula kalɛ.

Yesaia 51:1

Si bɛɛyɔ́ ka bitaabla ala siin na biteenu Unwoti litemi ni, na bilie ngba na bɛlɛ lɛtakpɛ lɛni lɛlɔ na bámami-mii básiku.

Yesaia 51:6

Bɛkɔliku anumi katɔ na bɛnu kayaa, na binwini bɛnu kalɔ lɛnɔ. Kayaa kammɔ kadubɔyii kakya aani kalɛ na uyɔ ɔɔyii taakya, na kalɔ lɛnɔ kayii udu aani kalɛ na kɔdi kɔɔtɔ taayii udu. Na ukyuli biala na kayawi kammɔ kemmo ɔdubukpi aani balɔlɔ. Nsu mina ngba bɔƒɔ bulebo kawɔlɔkɔ kudii na mina ala bɔbla siin lɛnɔ bulayii udu.

Yesaia 51:8

Badubo udu bɔyii aani kalɛ na kubweyi kɔɔkun adala teebile. Nsu mina ngba bɔƒɔ ku ala bɔbla ulu lɛlɔ siin ute bekyuli ƒui bulebo kawɔlɔkɔ kudii.”

Yesaia 56:1

“Bɛbla ala bɛsiaku ulu geen ɔmmɔ lɛlɔ, ɔsika ndubo uwi klukwii mbaƒɔ-mii ngba. Na bekyuli ƒui badubɔnu mina ɔyikun ɔni na mbo na lɛƒɔ ukyuli ngba na kalɔ kamɛni lɛlɔ kesi kesii.

Yesaia 57:12

Bɛɛkali ka bɛdaku lɛla lɛbuni lɛdi bɔbla taagya, nsu ndubo-mii keyi budie ku bina ablala na bɛnu bina kenyekɔ bɛti.

Yesaia 64:6

Bula ƒui bɔ́ƒiɔ na buuuse sɛɛn. Na lɛla lɛbuni lɛni na bɔɔnu ka bɔɔbla muedi ni, lɛ́dɔli aani adikpi ani muusé lɛlɔ. Bula ƒui bɔ́yɛyɛ aani livete lɛnudi. Na bula alaekpidi énwini aani ɔƒɛƒɛɛ na ada-bu eebó taavinku.

Kɔnyana Buwulo 3:22

Unwoti uleni lɛƒɔndia bɔbla kudii! Ɔsika si ɔɔɔdi nwuna kɔnyana kɔni na ɔ́nu-bu ɔsu ni, nka bɔ́yii ku udu.

Daniel 9:24

Katɔti ɔ́ɔlɛ ugyii na uwi ɔdi úse ka uwi ɔmmɔ liti ku aavlanyɔ akpa maatɛ budu kemmo ni, bina ɔma kedee ɔmmɔ ku nina bekyuli ƒui badubo abi bubo bɔƒɔ bana ekpidi bɔbla lili kayu. Na ɔmmɔ kama ni, likpidi udu biala bɔbla bɔdubo bɔyii na litemi bɔtɛ siin bɔƒɔ lɛla biala kenye uteesie uwi ƒui. Na ala ani na ánu ku kenye bediene etemila ani na básu ebo-nwu kemmo lɛni na bedie kesii kani ndubuse kedee ƒui keyi bete kadi ƒui.

Lewiƒuɔ Ɔda Bubo 26:41

ɔsu na ami lɛnɔ lɛ́ta línye-ma lɛlɔ na líti-ma ńtákya bana bekisine kalɔ lɛlɔ, na si bana kayi kani lɛlɔ na bétekulo ekpidi bétedie mmɔ kébo kalɔ buɛɛ ku udu buni na báƒɔ bana ekpidi lili kayu ni,

Luka 10:29

Nsu ka ɔda bubo ala ɔtinane ɔmɛni ɔɔwia ka ute lɛlɔ ubo ɔsu ni, ɔ́sɔ úye Yesu ɔnini, “Ɔma ndi mina ukyulikpana?”

Luka 16:15

Amu na Yesu ɔ́su-ma ɔnini, “Amii ndi bekyuli bani mɔɔtina lɛlɔ aani bekyuli babuni na bakladi anumi. Nsu Katɔti ɔgyi bina ƒui kayi kemmo. Ɔsika ala ani náƒɔ kuye na bekyuli anumi ni, aaadi lɛla lɛdi na Katɔti anumi.

Romaƒuɔ 1:17

Na litemi buni lɛmɛni muudie ulu siin ɔni mɔɔyɔ́ Katɔti kaƒɔ taatina. Na ulu siin ɔmɛni ɔkɛnku bɔƒɔtaadi lɛlɔ ɔ́si kalɔ kesekɔ útédu kawɔlɔkɔ. Na lɛni na bénweni na Bunweni Kedee Ɔku kemmo banini, “Bani mɔɔsiaku-mi kama siin ni, badubulie ngba na bana bɔƒɔtaadi kemmo.”

Romaƒuɔ 10:2

Nnye-ma kama na mɔɔsu ka ni, anumi eegyie-ma geen na Katɔti bɔsiaku lɛlɔ. Nsu lɛnungyie lɛmmɔ lɛɛɛkɛnku lɛlati lɛlɔ.

Romaƒuɔ 10:20

Na Yesaia úse kayi na ɔ́su-ma nwaa ka Katɔti ɔ́su ɔnini, “Bekyuli bani na nka baláwia-mi ni, ɔƒɛni bánu-mi. Na lídie lɛlɔ lɛ́tina bekyuli bani néteye-mi lɛlɔ.”

Romaƒuɔ 11:7

Geen ni, lɛla lɛni na Yudaƒuɔ básia anu kpakplaa ni, bátakɛ-ni. Nsu bani na Katɔti ɔ́ƒuna ama bákɛ-ni. Na bakladi báyu atuɔkplu.

Romaƒuɔ 3:22

Katɔti ɔɔyá na bekyuli baabla siin si báƒɔ Yesu Kristo bádi. Ɔɔbla ɔmɛni teete bekyuli bani ƒui náƒɔ Kristo bádi. Na ulákya kavumana kadi na bekyuli bammɔ ntɛ.

Romaƒuɔ 3:26

Nsu uwi ɔmɛni kemmo ni, ɔkɛnku akpala amɛni lɛlɔ na Katɔti ɔ́tina-bu kalɛ na anwu use siin. Na ɔɔbla bani náƒɔ Yesu bádi ƒui siin.

Romaƒuɔ 5:19

Na ɔkɛnku kalɛ na ukyuli unwi ɔmmɔ ɔ́ta únye Katɔti litemi lɛlɔ na bekyuli ƒui bénwini alaekpidi bablane ni, lɛni kani na Katɔti ɔkɛnku kalɛ na ukyuli unwi ɔ́di nwuna litemi lɛlɔ ɔsu na Katɔti ɔdubɔya na bekyuli pii babla siin.

Korintoƒuɔ 2 5:21

Kristo útabla likpidi lɛdi. Nsu bula alaekpidi lili ɔsu na Katɔti úti-nwu ɔ́bla alaekpidi ɔblane. Na ɔmɛni maya na abu bani mablaku-nwu unwi ni, bɔbla siin na Katɔti anumi.

Lɛkpa Ulu 6:25

Na si bɔ́sia anu na bɔɔdi ɔda bubo biala na Katɔti úbo-bu lɛlɔ ni, ɔdubɔnu-bu aani bekyuli bani nse siin.”

Ƒilipiƒuɔ 3:9

Na mɔɔwia ka liti mina lɛlɔ ƒui lite-nwu. Ɔmɛni ɔdubɔtina ka mina siin bɔbla útasi ami ɔlati kudɔ aani bɔni udu na bekyuli baakali ka baakɛ́ ɔkɛnku ɔda bubo lɛlɔ bɔdi kemmo, mmomu bɔkɛnku Kristo bɔƒɔtaadi kemmo. Na siin bɔbla bɔmɛni nási Katɔti kudɔ na bɔdanku bɔƒɔtaadi.

Petro 2 1:1

Ami Simon Petro ɔni ndi Yesu Kristo kabla ɔblane ku ɔtalane ni, ami muunweni ɔku ɔmɛni lite amii baƒɔtaadine ƒui bani na abu ku-mii ƒui bɔdi benwi ku Katɔti. Na ɔ́ya na bula ƒui bɔ́ƒɔ bula Ɔti ku Ɔƒɔne Yesu Kristo ɔni nse siin bɔ́di.