Romaƒuɔ 10:19 - Katɔti Ɔku Kedee

¹⁹ Na nsɔ muuye nnii na bunu na bétenu-ni kalɔ? Mose ɔlati ndi ukyuli udeedi ɔni náka kenye budie na ɔ́su ka Katɔti ɔ́su ɔnini, “Ndubɔya na anumi egyie-mii na bekyuli bani naaadi Yudaƒuɔ lɛlɔ. Na ndubuti bekyuli bani anumi nétebimi lɛkya-mii kɔnyi.”

Romaƒuɔ 10:19 ပူးပေါင်းရင်းမြစ်များ

Yeremia 10:14

Bekyuli bani mɔɔnwí na baavɔ́ ala teese lɛlɔ aani baƒiɔ bádɔlɔ! Badubo bana lɛnunsia bɔyila na enu aƒɛ-ma, ɔsika bana ɔkɔ bɔnyi baƒiɔ bammɔ balakana bɔnwuna.

Yeremia 10:8

Ala ani na bánwi iye bávɔ bábla baƒiɔ baaadi lɛla lɛdi. Na ukyuli biala ɔni mɔɔkpá-ma ɔdi ɔdɔlɔdi!

Hosea 2:23

Na ndubɔnu-nwu kɔnyana anwu ɔni na nka lɛ́lɔ nnii kɔnyana tanu. Na ama banii na nka nnii baaadi mina badi ni, badubunwini mina badi. Na ama lɛnɔ badubɔsu banii, ‘Awɔ ndi bula Katɔti.’ ”

Romaƒuɔ 10:18

Nsu lɛla lɛni muuye ɔƒɛni ndi ka ni, bunu na Yudaƒuɔ bétenu Katɔti litemi lɛmmɔ? Oowo! Bénu-ni aani kalɛ na Bunweni Kedee Ɔku ɔ́su ɔnini, “Bénu-ma kɔku na kayawi ekpo ƒui, na bana etemila égyingya ésie kayawi kawɔlɔkɔ ƒui.”

Romaƒuɔ 11:11

Na muuye lɛnɔ nnii uwi ɔni na Yudaƒuɔ bétulo na bébuli ni, báyii ku udu na basɔ balakana bɔta? Oowo! Kudii! Mmomu ɔ́si bana bɔƒiɔ ɔsu ni, ngba bɔƒɔ búbedu bekyuli bani naaadi Yudaƒuɔ kalɛ na ɔya anumi egyie Yudaƒuɔ.

Romaƒuɔ 11:14

Na nsia lɛnu ɔkɛnku ɔmɛni lɛlɔ ka ni, anumi adubugyie mina bekyuli, na badi bakɛ ngba bɔƒɔ.

Romaƒuɔ 3:26

Nsu uwi ɔmɛni kemmo ni, ɔkɛnku akpala amɛni lɛlɔ na Katɔti ɔ́tina-bu kalɛ na anwu use siin. Na ɔɔbla bani náƒɔ Yesu bádi ƒui siin.

Korintoƒuɔ 1 1:12

Lɛla lɛni mɔɔtina ndi ka bina akɔ ɔdi biala ku lɛla lɛni na ɔɔsu. Ɔdi ɔnii, “Ami Paulo kama na nsia.” Na ɔbambadi ɔnii, “Ami Apolo kama na nsia.” Na ɔbambadi lɛnɔ ɔnii, “Ami Petro kama na nsia.” Na ɔbambadi lɛnɔ ɔnii, “Ami Kristo kama na nsia.”

Korintoƒuɔ 1 10:19

Na ɔƒɛni ni, bɛɛkali bɛnii bɔɔsu na nda nnii baƒiɔ bani bávɔ béte lɛlɔ ni, ama lɛnɔ badi Katɔti ɔdi geen? Munuu adila ani na béti bákpa béte ala bamba amɛni adi lɛla geen lɛdi?

Korintoƒuɔ 1 11:22

Bubo na biiibo kɔduli kɔni kemmo na bilie bɛdi na bɛni? Munuu bɔyɔ na bɛɛyɔ́ ka biwi lɛkpa lɛmmɔ anumi kalɔ na bɛkya baƒɔtaadine bani mɔɔyaki ala kɔƒa. Bi na ɔlɛka lɛsu-mii? Bumwi na ɔlɛka limwi-mii na ɔmɛni ɔsu? Oowo!

Korintoƒuɔ 1 12:2

Bɛgyi nwaa ka uwi ɔni na bɛɛɛgyi tɔ Katɔti ni, bɛ́ya na ala ani neeebo ngba átaadi-mii lɛlɔ na bitaakpa-nya na bɛ́yii ulu ɔmmɔ.

Korintoƒuɔ 1 15:50

Banwa, lɛla lɛni kalɔ na muudie ndi ɔmɛni. Lɛla lɛni ndi ɔlɔna ku ubugya ni, lilakana Katɔti lɛga kadikɔ ala bɔdi. Na lɛla lɛni muubie taayii udu ni, lilakana na lɛkya kesii kani na lɛla lɛni neeebie taayii udu lɛkya.

Korintoƒuɔ 1 7:29

Lɛla lɛni na mɔɔsu-mii ni, ani ndi ka uwi ɔ́sɔ útene. Na ɔ́si ɔƒɛni úsela ni, ɔdi ka amii beleku bagya bilie ngba aani bakinsi.

Lɛkpa Ulu 32:21

Baƒiɔ bani na bábla ɔ́ya na líti kɔnyi lɛ́kya-ma. Na muukpó kogyulo ku bana baƒiɔ bani naaadi ku lɛla mmɔ sɔsɔ. Anwuɔsu ndubuti kadi bekyuli bani naaadi lɛla lɛdi lɛkya-ma kɔnyi. Na ndubɔya na bana bekisine babla bekyuli geen.

Tito 3:3

Ɔsika abu alati lɛnɔ bɔ́bla adɔlɔla ku atuɔkplu, na bɔ́ƒiɔ dii. Na ɔlɔna kemmo ala ekpidi áda-bu ɔkwɛ lɛnɔ dii. Na búti bula uwi búte kalala bɔbla ku lɛnungyie, na bekyuli békisi-bu na abu lɛnɔ búkisi-ma.

Petro 1 2:10

Uwi ɔdi kemmo ni, bɛɛɛdi Katɔti bekyuli. Anwuɔsu Katɔti útanu-mii kɔnyana. Nsu ɔƒɛni ka bɛdi nwuna bekyuli ɔsu ni, Katɔti ɔɔnu-mii kɔnyana.