Romaƒuɔ 10:17 - Katɔti Ɔku Kedee

¹⁷ Anwuɔsu ni, bɔƒɔtaadi bunye litemi lɛmmɔ bunu lɛlɔ. Na litemi lɛmmɔ bunu lɛkɛnku Kristo litemi lɛlɔ.

Romaƒuɔ 10:17 ပူးပေါင်းရင်းမြစ်များ

Hiob 42:5

Bekyuli kenye na línu ƒula lɛlɔ litemi. Nsu ɔƒaani ni, ami ɔlati lɛ́nu-ɔ ku mina anumi.

Marko 4:24

Amu na Yesu ɔ́sɔ ɔ́su-ma ɔnini, “Bise atu kaduɛ na lɛla lɛni biinú lɛlɔ! Ɔsika kalɛ na aakɔ́ku bekyuli bamba taanu ni, lɛni kani na Katɔti ɔdubɔkɔku-ɔ bɔnu, utulo muedi!

Luka 11:28

Amu na Yesu údie kenye ɔnini, “Bekyuli bani muunú Katɔti litemi na baabla taasiaku-ni lɛlɔ mmomu na lɛlɔ lɛyɔ!”

Luka 8:11

“Lɛgba lɛni na líbo kalɔ bunu ndi ɔmɛni. Edula ammɔ ndi Katɔti litemi.

Luka 8:21

Amu na Yesu ɔ́su bana ƒui ɔnini, “Mina uni ku mina banwani ndi bekyuli bani muunú Katɔti litemi na baadi-ni lɛlɔ.”

Yohane 1:37

Ka bénu ɔmɛni ni, Yohane basiakune inyɔ bammɔ bátu bénwini na básiaku-nwu. Yesu únwini ɔ́nu ka basiaku-nwu, na úye-ma ɔnini, “Bi na bɛɛwia?”

Romaƒuɔ 1:16

Litemi buni lɛmmɔ lilekpo-mi kɔƒa, ɔsika lɛdi Katɔti ɔyikun ɔni mɔɔyá na ukyuli biala ɔni mɔɔƒɔ́ taadi ɔɔkɛ́ ngba bɔƒɔ. Na Yudaƒuɔ ndi bedeedi bani ndubunu asa na bani naaadi Yudaƒuɔ basia.

Romaƒuɔ 10:14

Nsu ukyuli biala ɔni na útaƒɔ útadi ni, dɛ na ɔdubɔkana na ɔkpali-nwu uvele lɛla lɛdi? Na ukyuli ɔni lɛlɔ lɛsa na bátakɔ bétete-ma kudii ni, dɛ na badubɔkana na baƒɔ-nwu badi? Na si ɔdi útatákɔ lɛsa lɛmmɔ útete-ma dii ni, dɛ na badubunu-ni?

Korintoƒuɔ 2 2:17

Abu buuuse aani bekyuli babambadi pii bani nkɛ bada litemi lɛmmɔ baadi kuye. Mmomu Katɔti úte-bu kenyekɔ na bɔɔkɔ́ litemi lɛmmɔ lɛsa na nwuna anumi aani Kristo kabla bablane kalɛ. Bulatɔlɔ bekyuli.

Galatiƒuɔ 3:2

Bɛya na liye-mii ɔmɛni linu. Katɔti Kɔyu kɔni na úte-mii mmɔ ni, ɔkɛnku ɔda bubo bɔni lɛlɔ na bɛɛdi ɔsu munuu ɔkɛnku litemi lɛni na bínu na bɛ́ƒɔ bɛ́di ɔsu?

Galatiƒuɔ 3:5

Katɔti Kɔyu kɔni na úte-mii mmɔ ku akɔla lidu lidu ani na ɔ́bla na bina akɔ mmɔ ni, ɔkɛnku kalɛ na bɛɛdi ɔda bubo bɔmmɔ ɔsu na ɔ́bla-nya munuu ka bínu litemi buni lɛmmɔ na bɛ́ƒɔ-ni bɛdi ɔsu?

Koloseƒuɔ 3:16

Bɛya na Kristo litemi buni lilie-mii kayi kemmo kaduɛ. Na bitaatina ala na bitaalɛ lɛlɔ na lɛnunda kemmo. Bitaatu Bunweni Kedee Ɔku kemmo lɛnu ku baƒɔtaadine lɛnu ku lɛnu lɛni nkɛnku Katɔti Kɔyu ala lɛlɔ teeti taagya Katɔti enu ku bina kayi ƒui.

Tesalonikaƒuɔ 1 2:13

Na lɛla lɛni ɔsu na bɔ́sɔ bɔɔgyá Katɔti enu lɛnɔ ndi ka ni, uwi ɔni na bɔ́su-mii litemi buni lɛmɛni ni, bíteti-ni aani litemi likpludi. Mmomu bɛ́ƒɔ-ni aani Katɔti litemi. Na ɔdi nwuna litemi sɔsɔ. Na líboku kavumana geen lɛnɔ na amii baƒɔtaadine bammɔ ngba bulie kemmo.

Hebriƒuɔ 4:2

Ɔsika básu abu lɛnɔ litemi buni lɛmmɔ aani kalɛ kani na básu ama lɛnɔ. Nsu litemi lɛni bénu kátalɛ kɔsia kɔdi kétete-ma. Ɔsika ama bani nénu kenye kammɔ ni, bátaƒɔ-ka bátadi.

Petro 1 1:23

Katɔti ɔ́ya na bínwini nwuna badi, ɔsika bɛ́kɛ ngba bɔwɔdi bɔni nsɔ naaadubo bɔsa na ɔɔɔdi bɔni mɔɔsa. Bɛ́kɛ ngba bɔmɛni bɛ́siku nwuna litemi lɛni mbo ngba geen kemmo na lise lísela uwi ƒui.

Budie Taatina 1:9

Banwa, bɔdi bavinkpana ka buliku Yesu ɔsu. Na ami ku-mii ƒui bunye lɛbibo kenye kpakplaa na kayawi kamɛni kemmo, na bɔɔdi Katɔ Ɔga Ɔma ala. Ńtaakɔ Katɔti litemi buni lɛni nkɛnku Yesu Kristo lɛlɔ lɛsa na ulu lɛlɔ. Nsu ka bekyuli balayɔ lɛni ɔsu ni, béti-mi bétése ntuntɛ kalɔ kani baalɔ Patmo.