Romaƒuɔ 10:14 - Katɔti Ɔku Kedee

¹⁴ Nsu ukyuli biala ɔni na útaƒɔ útadi ni, dɛ na ɔdubɔkana na ɔkpali-nwu uvele lɛla lɛdi? Na ukyuli ɔni lɛlɔ lɛsa na bátakɔ bétete-ma kudii ni, dɛ na badubɔkana na baƒɔ-nwu badi? Na si ɔdi útatákɔ lɛsa lɛmmɔ útete-ma dii ni, dɛ na badubunu-ni?

Romaƒuɔ 10:14 ပူးပေါင်းရင်းမြစ်များ

Yona 1:16

Ɔmɛni ɔ́ya na ɔkɔlɔ ɔmmɔ kemmo bekyuli ƒui báyia Unwoti, na béti enugya akpala béte-nwu na bése kenye lɛnɔ béte-nwu.

Yona 1:5

Na liƒu libendi lɛ́da bekyuli bani ƒui nkya ɔkɔlɔ ɔmmɔ kemmo na ɔdi biala ɔɔva momoomo taakpali nwuna unwoti. Na kalɛ na ɔkɔlɔ ɔmmɔ walɛ unu ɔsu ni, béƒwimi bana etila ani ƒui nkya ɔkɔlɔ ubendi ɔmmɔ kemmo bákya ɛpu kemmo. Nsu uwi ɔmmɔ kemmo ni, Yona ɔ́yu úsie ɔkɔlɔ ubendi ɔmmɔ kalɔ ɔtɔ unwi kemmo útátɛ ɔlɛɛ geen.

Mateo 20:7

“Bédie kenye banii, ‘Ukyuli ɔdi útete-bu kabla kadi ɔnii bɔbla.’ “Anwuɔsu ɔ́su-ma ɔnini, ‘Amu biteesie mina kemo.’

Yohane 20:31

Na amɛni kani na línweni líse kalɛ na bɛƒɔ bɛdi ka Yesu ndi Ukyuli Ɔƒunadi ɔmmɔ. Na anwu ndi Katɔti Ubidi ɔni na si bɛ́ƒɔ-nwu bɛ́di ni, na ɔya na bilie ngba na nwuna ɔyikun kemmo.

Yohane 9:36

Mmɔ na ɔnana ɔmmɔ ɔnini, “Ati, tina-mi ukyuli ɔmmɔ na makana-nwu bɔƒɔ bɔdi.”

Batalane Kabla 19:2

Amu na úye-ma ɔnini, “Ɔ́si uwi ɔni na bɛ́ƒɔ bɛ́di ni, bɛ́ɛƒɔ Katɔti Kɔyu?” Amu bédie kenye banini, “Oowo! Bi ndi Katɔti Kɔyu? Bútenu-ku tɔ lɛla lɛdi.”

Batalane Kabla 8:31

Amu na unengu ɔmɛni údie kenye ɔnini, “Oowo, dɛ na mabla asa na menu kalɔ ka ukyuli ɔdi uuubo na udie kalɔ ɔtina-mi?” Amu na úvele Ƒilipo ɔnii ubeduo kɛɛkɛ kemmo na ɔsɔ ulie-nwu kudɔ.

Romaƒuɔ 1:5

Na ɔkɛnku Kristo lɛlɔ ni, Katɔti ɔ́nu-bu kɔnyana na úti-bu ɔ́bla batalane úte Kristo kalɛ na bɔya na kadi ƒui bekyuli baƒɔ badi na babla nwuna lɛyɔla.

Eƒesoƒuɔ 2:17

Anwuɔsu Kristo úbo úbakɔ keyi buɛɛ litemi buni lɛmmɔ lɛsa úte bekyuli bani nágyunku-nwu ku bani nákpɛ béde-nwu ƒui.

Eƒesoƒuɔ 4:21

Use nwaa ka bɛgyi Kristo lɛlɔ litemi. Na aani nwuna kama basiakune ni, bátina-mii ala geen ani nkya Yesu ɔmmɔ kemmo.

Lɛkpa Ulu 30:13

Iye bɛsu bɛnii, “Ɔda bubo bɔmmɔ bɔkya ɛpu kama kama ngye. Na ɔma ndubusie ɛpu kama kama mmɔ na utéti-mu uboku-bu kalɛ na bunu-mu na bɔdi-mu lɛlɔ?”

Timoteo 2 4:17

Nsu ni, Blɔti únyeku-mi na ɔ́kya-mi ɔyikun na lɛ́kana lɛ́su Blɔti litemi lɛmmɔ kaduɛ lite bani naaadi Yudaƒuɔ na mmɔ. Na Blɔti údie-mi kukpi kemmo.

Tito 1:3

Údie ngba ƒui litemi ɔ́tina-bu na nwuna litemi lɛni mɔɔsu mɛni kemmo na uwi ɔni lɛlɔ na anwu ɔlati úse úse lɛlɔ. Ɔmɛni na úti ɔ́kya-mi enu kemmo na mɔɔkɔ́-ni lɛsa teete kadi. Na Blɔti ɔni ndi bula Ɔƒɔne násu-mi ɔnii nkɔ lɛsa lɛmɛni.

Hebriƒuɔ 11:6

Na ukyuli ɔdi lɛlɔ liláda Katɔti kubiti si uuubo bɔƒɔtaadi. Ɔsika ukyuli biala ɔni muubo Katɔti kudɔ ni, ɔdi ka ɔƒɔ ɔdi ka Katɔti ɔkya na ɔɔƒɔ kayu buni teete bekyuli bani mɔɔwia-nwu kama ulu kpakplaa.

Yakobo 5:15

Na si baƒɔtaadine bammɔ bákpali Katɔti na bɔƒɔtaadi kemmo ni, ɔlɛne ɔmmɔ ɔlɛ ɔdubɔba-nwu na ɔkɛ ɔlɔkplu. Na si ɔ́bla likpidi lɛdi ni, Katɔti ɔdubuti ɔkyiɛ-nwu.