Romaƒuɔ 1:9 - Katɔti Ɔku Kedee

⁹ Katɔti ɔni kabla na mɔɔbla ku mina kayi ƒui na litemi buni lɛni lɛsa mɔɔkɔ́ ɔkɛnku ubidi lɛlɔ ni, ani ndubudie-mi kenye ɔ́si kalɛ na naaayiƒala-mii uwi biala kemmo si mɔɔkpali katɔ.

Romaƒuɔ 1:9 ပူးပေါင်းရင်းမြစ်များ

Hiob 16:19

Ngyi nwaa ka ukyuli ɔni ndubudie-mi kenye ɔkya katɔ, na anwu ndi-mi ubunkune.

Marko 1:1

Ɔmɛni ndi litemi buni lɛni nkɛnku Yesu Kristo lɛlɔ ɔni ndi Katɔti ɔlati ubidi.

Luka 18:1

Yesu úbo nwuna batɛyane lɛgba lɛdi ɔ́tina-ma ɔnii ɔlɛka bataakpali katɔ uwi biala na ɔɔɔdi ka enu aƒɛ-ma.

Batalane Kabla 12:5

Anwuɔsu bagyumanane bamɛni bágyumana-nwu na ɔtɔ ɔmmɔ kemmo kaduɛ. Nsu ni, baƒɔtaadine bákpali katɔ na bévele nwuna lili kpakplaa.

Batalane Kabla 19:21

Ɔmɛni kama ni, Katɔti Kɔyu kúdie kɔ́tina Paulo ɔnii ɔvi usie Makedonia ku Akaia asa na usie Yerusalem. Na Paulo ɔ́su ɔnini, “Si líduo mmɔ ni, ɔlɛka lɛvi lisie Roma lɛnɔ.”

Batalane Kabla 24:14

Nsu ni, lɛlakpa linwi lɛni na lɛ́tunaku-ma ndi ɔnii nsiaku bɔƒɔtaadi ulu ɔni na baasu banii ɔdi lɛkpa lɛni náta linye-ma lɛlɔ. Na lɛ́ƒɔ Mose ɔda bubo ƒui lɛ́di kpakplaa ku ala ani na bénweni bákya kenye bediene lɛku kemmo.

Batalane Kabla 27:23

Ɔsika kamaadi usien ni, Katɔti ɔni mbo-mi na anwu na mɔɔkpá ni, nwuna ɔtu ɔdi úbenye-mi kudɔ.

Batalane Kabla 3:26

Anwuɔsu ka Katɔti údie nwuna kabla ɔblane keyi ni, ɔ́tala-nwu ɔnii ɔka-mii kudɔ bubo bubebunku-mii kalɛ na bɛkana kama bunwini bɔkya bina ekpidi.”

Romaƒuɔ 9:1

Lɛla lɛni na ndubo-mii bɔsu mɛni ni, ɔɔɔdi ɔkɔ na mɔɔnyi, ɔsika ndi Kristo ɔdi. Mina kayi kani lɛlɔ na Katɔti Kɔyu kɔɔdi mɔɔtina-mi geen ka naaanyi ɔkɔ.

Korintoƒuɔ 2 1:23

Katɔti ɔlati ɔgyi ka naaayɔ ka libo mbani-mii kɔtu. Na ɔmɛni ɔdubɔya na lɛla lɛdi lɛsɔ lilékpoku-mii ka ɔɔɔdi ɔmɛni ɔsu na lɛ́bla kasusu nnii neeebo Korinto tɔ.

Korintoƒuɔ 2 11:31

Katɔti ɔni ndi Blɔti Yesu Kristo Ɔti, na anwu na buumwi uwi ƒui ni, anwu ngyi geen ka ala ani mɔɔsu mɛni ni, sɔsɔ na adi.

Galatiƒuɔ 1:20

Na sɔsɔ ni, litemi geen na muunweni-mii mɛni, na Katɔti ɔlati ɔgyi ka naaanyi ɔkɔ.

Eƒesoƒuɔ 6:18

Na Katɔti Kɔyu kɔkya-mii lɛlɔ kemmo na bitaakpali katɔ uwi biala teevele Katɔti kebunku aani kalɛ na Kɔyu kɔmmɔ kɔ́tina-mii. Ɔmɛni ɔsu ni, binye kagyumana na enu ataƒɛ-mii. Na bitaakpali katɔ teete Katɔti bekyuli ƒui lili.

Ƒilipiƒuɔ 1:3

Uwi biala na bina kasusu kébo-mi lili ni, mɔɔgyá Katɔti enu na bina lili.

Ƒilipiƒuɔ 1:4

Na uwi biala na mɔɔkpali katɔ na bina lili ni, mɔɔkpali ku lɛlɔyɔ

Ƒilipiƒuɔ 2:22

Nsu Timoteo anwu ni, amii alati bɛgyi kalɛ na nwuna udu buni ɔmmɔ use. Ɔsika aani kalɛ na ubi ku ɔti baabla kabla taasala ni, lɛni geen na úbunku-mi na litemi buni lɛmmɔ bɔsu kemmo.

Ƒilipiƒuɔ 3:3

Abu ndi bekyuli bani mmomu nékulo ago, ɔsika buumwi Katɔti ɔkɛnku nwuna Kɔyu lɛlɔ na bɔɔkɛ́ ebiti ka abu ku Kristo Yesu bɔ́bla unwi ɔsu. Na búteti lɛlɔ bútasia ɔlɔna lɛlɔ ɔdi ala bɔbla lɛlɔ.

Tesalonikaƒuɔ 1 1:2

Bɔɔgyá Katɔti enu na bina lili. Na uwi biala si bɔɔkpali katɔ ni, buuvele lɛnɔ na bina lili.

Tesalonikaƒuɔ 1 3:10

Buuvele Blɔti kpakplaa usien ku ɔƒɛ bɔnii ɔya na bɔsɔ bɔsa na bɔkya-mii bɔƒɔtaadi unu.

Tesalonikaƒuɔ 1 5:17

Bitaya na enu aƒɛ-mii na katɔ bɔkpali kemmo.

Timoteo 1 2:7

Na ɔmɛni ɔsu na Katɔti ɔ́bla-mi lɛsa ɔkɔne ku ɔtalane. Na ɔɔɔdi ɔkɔ na mɔɔnyi. Mɔɔsu-mii geen nnii údie-mi aani ala ɔtinane ɔnii mbedie bɔƒɔtaadi kenye ntina bekyuli bani naaadi Yudaƒuɔ.

Timoteo 2 1:3

Mɔɔgyá Katɔti ɔni na mɔɔkpá enu aani kalɛ kani na mina bati kuuku bátaabla. Na mɔɔbla lɛni na kayi kani naaadu-mi kɔtɔ kemmo. Lɛnɔ ni, mɔɔgyá-nwu enu usien ku ɔƒɛ na muuvele na ƒula lili si mɔɔkpali katɔ.

Ƒilemon 1:4

Ɔnwa Ƒilemon, uwi biala na mɔɔkpali katɔ ni, muunyimo taalɔ-ɔ lɛnyi na mɔɔgyá Katɔti enu na ƒula lili.

Samuel 1 12:23

“Na ami geen ni, uwi ɔdi uuubo na basu banii ndubɔda Unwoti bɔkpali bɔya na bina lili, na unwini-mi likpidi. Na ndubɔtina-mii lɛla lɛni ndi lɛbuni na lɛdia ka bitaabla.