Romaƒuɔ 1:8 - Katɔti Ɔku Kedee

⁸ Kudeedi ni, nkɛnku Yesu Kristo lɛlɔ mɔɔgyá mina Katɔti enu na bina ƒui lili, ɔsika kayawi bekyuli ƒui beenú kalɛ na bɛ́ƒɔ Kristo bɛ́di.

Romaƒuɔ 1:8 ပူးပေါင်းရင်းမြစ်များ

Mateo 24:14

Na bekyuli badubɔkɔ Katɔti lɛga bɔdi litemi buni lɛmmɔ lɛsa na kayawi ƒui kalɛ na ukyuli biala ɔkɛ kuƒi unu-ni asa na kawɔlɔkɔ kammɔ kedu.

Luka 2:1

Na uwi ɔmmɔ kemmo ni, Ɔga Unengudi Kaesare Augusto úte ɔyikun ɔnii benweni bekyuli bani ƒui nkya Roma lɛga bɔdi kalɔ anyi.

Batalane Kabla 11:28

Amu na bana akɔ unwi ɔni baalɔ Agabo ni, ɔ́ta únye na Katɔti Kɔyu ɔyikun kemmo na ɔ́su ɔnii kɔka kubendi kɔdi kɔdubo kayawi ƒui lɛlɔ. Ɔmɛni úbebo uwi ɔni na Klaudio ɔɔdi lɛga.

Batalane Kabla 28:22

Nsu bɔɔwia ka bunu lɛla lɛdi bɔsiku lɛla lɛni na áƒɔ ádi mɛni lɛlɔ. Ɔsika sɔsɔ ni, balásu lɛla lɛbuni lɛdi taasiku lɛkpa lɛmɛni lɛlɔ na kesi kesii.”

Romaƒuɔ 10:18

Nsu lɛla lɛni muuye ɔƒɛni ndi ka ni, bunu na Yudaƒuɔ bétenu Katɔti litemi lɛmmɔ? Oowo! Bénu-ni aani kalɛ na Bunweni Kedee Ɔku ɔ́su ɔnini, “Bénu-ma kɔku na kayawi ekpo ƒui, na bana etemila égyingya ésie kayawi kawɔlɔkɔ ƒui.”

Romaƒuɔ 16:19

Ukyuli biala únu kalɛ na bɛɛdi litemi buni lɛmmɔ lɛlɔ, anwuɔsu lɛlɔ lɛɛyɔ́-mi geen na bina lɛlɔ. Nsu mɔɔwia ka bɛda anu na lɛla lɛni ndi lɛbuni lɛlɔ. Na binwini bekyuli bani naaagyi lɛla lɛdi na likpidi ani kudɔ.

Romaƒuɔ 6:17

Nsu bɔɔgyá Katɔti enu, ɔsika uwi ɔdi kemmo ni, bɛdi kabla bablane bite likpidi. Nsu ɔƒɛni ni, bíti bina kayi ƒui bɛɛdi litemi geen lɛni lɛ́tina-mii mmɔ lɛlɔ.

Korintoƒuɔ 1 1:4

Mɔɔgyá Katɔti enu uwi biala na bina lili ɔkɛnku lɛƒɔndia lɛni na úte-mii ɔ́siaku Yesu Kristo lɛlɔ ɔsu.

Korintoƒuɔ 2 2:14

Nsu ni, bɔ́gya Katɔti enu! Na bula unwi bɔbla ku Kristo ni, Katɔti ɔɔtɔnku-bu uwi biala na bɔkɛ bekyuli bani muusié taavi na Kristo lɛlɔ bɔdi kemmo. Na Katɔti ɔsia-bu lɛlɔ na udie Kristo ɔtina kayawi ƒui aani kalɛ na ɔnyi ƒɛƒɛɛ ɔɔƒɔ́ likpo lɛdi ƒui.

Eƒesoƒuɔ 1:15

Ɔmɛni ɔsu ni, ɔ́si uwi ɔni na línu kalɛ na bɛ́ƒɔ Blɔti Yesu bɛ́di na bɛɛyɔ́ Katɔti bekyuli ni,

Eƒesoƒuɔ 1:16

ńtada linugya buti teete Katɔti na bina lili ńtaya. Na uwi biala na mɔɔkpali katɔ ni, muuvele na bina lili.

Eƒesoƒuɔ 3:21

Bimwi-nwu na baƒɔtaadine akɔ ɔkɛnku Kristo Yesu lɛlɔ na kadi bekyuli ƒui akɔ ɔ́si ɔƒɛni úsela uwi ƒui. Ɔsia lɛni.

Eƒesoƒuɔ 5:20

Na bɛgya Katɔti ɔni ndi bula Ɔti enu na Blɔti Yesu Kristo lɛnyi kemmo uwi biala na lɛla biala ɔsu.

Ƒilipiƒuɔ 1:11

Na bɛnwu ebi ani mɔɔtina ka bise siin na bina ngba bulie kemmo ka bɛ́ƒɔ Blɔti Yesu Kristo bɛ́di ɔsu, na biti ɔbu ku bumwi bite Katɔti.

Ƒilipiƒuɔ 1:3

Uwi biala na bina kasusu kébo-mi lili ni, mɔɔgyá Katɔti enu na bina lili.

Koloseƒuɔ 1:3

Uwi biala si bɔɔkpali katɔ ni, bɔɔgyá Katɔti ɔni ndi Blɔti Yesu Kristo Ɔti enu na bina lili.

Tesalonikaƒuɔ 1 1:2

Bɔɔgyá Katɔti enu na bina lili. Na uwi biala si bɔɔkpali katɔ ni, buuvele lɛnɔ na bina lili.

Tesalonikaƒuɔ 1 2:13

Na lɛla lɛni ɔsu na bɔ́sɔ bɔɔgyá Katɔti enu lɛnɔ ndi ka ni, uwi ɔni na bɔ́su-mii litemi buni lɛmɛni ni, bíteti-ni aani litemi likpludi. Mmomu bɛ́ƒɔ-ni aani Katɔti litemi. Na ɔdi nwuna litemi sɔsɔ. Na líboku kavumana geen lɛnɔ na amii baƒɔtaadine bammɔ ngba bulie kemmo.

Tesalonikaƒuɔ 2 1:3

Banwa, bɔda Katɔti enugya kayu uwi ƒui na amii ɔsu. Na ɔdia ka butaaƒɔ-ka, ɔsika bina bɔƒɔtaadi bɔɔkɔ́ katɔ, na bina lɛlɔ bɔyɔ lɛnɔ buusié anumi teebu ɔsu. Ɔmɛni ɔsu na bɔɔlɔ-mii lɛnyi buni na Katɔti baƒɔtaadine akɔ.

Timoteo 2 1:3

Mɔɔgyá Katɔti ɔni na mɔɔkpá enu aani kalɛ kani na mina bati kuuku bátaabla. Na mɔɔbla lɛni na kayi kani naaadu-mi kɔtɔ kemmo. Lɛnɔ ni, mɔɔgyá-nwu enu usien ku ɔƒɛ na muuvele na ƒula lili si mɔɔkpali katɔ.

Ƒilemon 1:4

Ɔnwa Ƒilemon, uwi biala na mɔɔkpali katɔ ni, muunyimo taalɔ-ɔ lɛnyi na mɔɔgyá Katɔti enu na ƒula lili.

Hebriƒuɔ 13:15

Anwuɔsu ni, bɛya na bɔsia Kristo lɛlɔ na buteeti linugya akpala teete Katɔti. Na akpala ammɔ ndi kalɛ na buubó nwuna lɛnyi kedee kudu ku bula kenye.

Petro 1 2:5

Biti lɛlɔ bite Katɔti na ɔtu Kɔyu kemmo kakpakɔ aani kalɛ na ɔtune uuti atabi taatu ɔtɔ. Bɛdubɔbla bakpane kedee bani muuti Kɔyu kemmo akpala ani námanku teete Katɔti ɔkɛnku Yesu Kristo lɛlɔ.

Petro 1 4:11

Lɛsa ɔkɔne biala ni, utaakɔ Katɔti litemi buni lɛmmɔ lɛsa. Na ukyuli ɔni muubunku bekyuli ni, uti ɔyikun ɔni na Katɔti úte-nwu ƒui uteebunku-ma. Na bekyuli basia Yesu Kristo lɛlɔ bemwi Katɔti na ulu biala lɛlɔ. Bumwi ku ɔyikun ɔdi Yesu Kristo ɔdi uwi ƒui. Ɔsia lɛni.