Romaƒuɔ 1:29 - Katɔti Ɔku Kedee

²⁹ Na likyulikpi ala bɔbla bɔ́ƒɔ-ma lɛlɔ kemmo ƒui. Na anya ndi alaekpidi bɔbla ku ɔdivo ku kalala. Na lɛnungyie na bekyuli bamba ala lɛlɔ ku ukyuli bɔdu ku kekpo ku ɔkɔ bɔnyi ku lɛlɔ bule ati ati bɔ́ƒɔ-ma lɛlɔ kemmo. Na beeti lɛlɔ kasusu kekpidi. Na beekeyi atɛ.

Romaƒuɔ 1:29 ပူးပေါင်းရင်းမြစ်များ

Kɔgya 41:7

Kabɛnsɛ sɔɔn na mina bekisine baatɛmi na mina lɛlɔ na baawia ka likpidi lɛlɛku-mi.

Agba 16:28

Ukyuli ɔni mɔɔwia ka bekyuli beteekpoku lɛlɔ ni, lɛsɛ ogya na ɔɔkya bekyuli akɔ. Na bekyuli anyikpi bɔlɔ ni, uugyingya bakpana babuni muedi ntɛ.

Agba 26:20

Si ekyweni aakywí laa na ása ni, buni na ogya uuni. Lɛni kani na si kɔtɛ keeke kɔ́sa bɔtɛmi ni, kadɔ lɛnɔ kása.

Mateo 5:32

Nsu ami mɔɔsu-mii nnii si ɔnana ɔdi ɔ́nyonu ulekudi ɔni na ɔɔɔdi kɔsɔnɔ na ɔ́di ni, ɔnana ɔmmɔ náya na ɔ́di kɔsɔnɔ. Na ɔnana ɔni meti uleku ɔmmɔ lɛnɔ ɔ́di kɔsɔnɔ.

Romaƒuɔ 3:10

Ɔsika lɛni na bénweni na Bunweni Kedee Ɔku kemmo banii, “Ukyuli ɔdi uuubo na use siin na Katɔti anumi. Ina unwi pɛ muedi!

Korintoƒuɔ 2 12:20

Mɔɔyia ka si líbo mmɔ ni, ndububo mbanu ka bɛ́vumana kalɛ na mɔɔwia-mii lɛnu. Na lɛni kani na amii lɛnɔ bɛdubɔnu ka lɛ́vumana kalɛ na amii lɛnɔ bɛɛwia ka bɛnu. Mɔɔyia ka ndububo mbanu ka bɛɛdɔ, na bɛɛbla lɛnungyie likpidi, na biiti kɔnyi taakya lɛlɔ, na bɛɛwia kalɛ na ɔdia ute amii lɛti pɛ, na biidumi lɛlɔ, na bɛɛlɔ lɛlɔ anyikpi, na bɛɛtalaku lɛlɔ katɔ, na biiƒú na lɛla biala kemmo.

Timoteo 1 3:11

Bana beleku lɛnɔ ni, ɔlɛka babla beleku bani nda udu buni, na baaadi bekyuli lɛlɔ atɛ batɛmine. Mmomu ɔlɛka babla beleku bani náda anu, na baabla lɛla biala kaduɛ.

Tito 3:3

Ɔsika abu alati lɛnɔ bɔ́bla adɔlɔla ku atuɔkplu, na bɔ́ƒiɔ dii. Na ɔlɔna kemmo ala ekpidi áda-bu ɔkwɛ lɛnɔ dii. Na búti bula uwi búte kalala bɔbla ku lɛnungyie, na bekyuli békisi-bu na abu lɛnɔ búkisi-ma.