Romaƒuɔ 1:23 - Katɔti Ɔku Kedee

²³ Na báda Katɔti ɔni nli ngba uwi ƒui bɔkpa báya, na beemwi ala abambadi ani muukpi mmomu. Bábla ala amɛni aani ukyuli iye baasɛ iye bebuo iye bebuo bani mɔɔkpɛ́ kalɔ aani balakpi udu. Na bése-ma béte lɛlɔ aani baƒiɔ.

Romaƒuɔ 1:23 ပူးပေါင်းရင်းမြစ်များ

Kɔgya 106:20

Na kalɛ na ɔlɛka bakpa Unwoti ɔni muukeye ni, bávumana nwuna bukeye bɔmmɔ béte ɔmantɛ akɔ ɔni mɔɔkun livo.

Yesaia 40:18

Na si use lɛni ni, ɔma na ukyuli ɔdi ɔdubuti Katɔti bɔkɔku, iye bi udu na ukyuli ɔdubɔnwi uti ɔtina kalɛ na Katɔti use?

Yesaia 40:26

Bɛkɔliku bina anumi katɔ na bɛnu kayaa, na biye lɛlɔ bɛnii ɔma nédie ala ammɔ ƒui? Anwu mɔɔlɛ́ku ayabi keyi unwi unwi na ɔ́sia ɔdi biala lɛnyi. Na ɔkɛnku nwuna ɔyikun bonwu ɔsu ni, lɛyabi lɛdi liláyii nina kenyekɔ.

Yesaia 44:13

Na ligyii ɔnwine ni, ugyii likuku na ɔɔkɔ́ku na ɔta ukyuli ɔni udu na ɔɔwia ɔnwi ɔsia-nwu lɛlɔ. Ɔmmɔ kama na ubeyi ugyii ɔmmɔ na ɔnwi ukyuli udu ɔni na ɔɔwia na beti-nwu batálɛ bana kakpakɔ na ɔƒiɔtɔ.

Yeremia 2:11

Kadi bekyuli badi bávumana bana baƒiɔ dii ina ka baƒiɔ badi beeebo ɔyikun? Nsu mina kadi bekyuli bávumana mina bukeye ku ɔbu béte ala keeke ani neeebo kɔsia.

Esekiel 8:10

Na ka líduo ni, lɛ́nu ka bátaa ala lidu lɛni mɔɔkpɛ́ kaƒɔ kalɔ ku bebuo babambadi bani neeese sɛɛn na beesé lɛlɔ lɛnɔ básia awodu ammɔ lɛlɔ mmɔ. Na bátaa baƒiɔ bamba bani na Israelƒuɔ baakpá lɛnɔ básia mmɔ.

Batalane Kabla 10:12

Na kɔdi kɔmɛni kemmo ni, bebuo lidu lidu pii ku balakpi ku baasɛ lɛnɔ bakya.

Batalane Kabla 17:29

“Na ka bɔdi Katɔti bebi ɔsu ni, utalɛka bɔkali bɔnii Katɔti ɔmɛni use aani lɛla lɛni na abu bayawine néti enu bɔ́bla aani sika ugyiedi iye ɔƒualadi iye ugyii iye lɛtabi iye ala anwidi lɛnɔ kalɛ.

Romaƒuɔ 1:25

Na bávumana Katɔti litemi geen lɛmmɔ ku ɔkɔ bɔnyi. Na baakpá ala ani na Katɔti údie. Nsu ɔlɛka bakpa Katɔti ɔlati ɔni námanku bumwi uwi ƒui. Ɔsia lɛni.

Korintoƒuɔ 1 12:2

Bɛgyi nwaa ka uwi ɔni na bɛɛɛgyi tɔ Katɔti ni, bɛ́ya na ala ani neeebo ngba átaadi-mii lɛlɔ na bitaakpa-nya na bɛ́yii ulu ɔmmɔ.

Lɛkpa Ulu 5:8

Bitavɔ iye bɛnwi lɛla lɛni nálɛ ala ani nkya kayaa iye kalɔ lɛlɔ iye ntu bɔni na kalɔ kemmo na bitaakpa.

Petro 1 4:3

Bɛya na kalɛ na bílie ngba bítaabla ala ekpidi uwi pii ɔni návi ɔwɔ ɔƒɛni. Bɛ́bla likyulikpi ku lɛyalɛ, na bítaani ntɛ teekpi. Bɛ́kpa baƒiɔ bɛ́vili ntu, na bɛ́di kɔkpana kukpidi, na bɛ́bla ala ekpidi lidu lidu aani bekyuli bani naaasiaku Katɔti.

Budie Taatina 9:20

Bekyuli bakladi bani ƒui nétekpi na alakpa atɛ ani ndanku kukpi mmɔ kemmo ni, béténwini kama bátákya ala ani na ama alati béti bana enu bábla bése béte lɛlɔ ka bataakpa. Ala amɛni adanku ayu ekpidi ku bana baƒiɔ bani na béti sika ugyiedi ku ɔƒualadi bávɔ ku kalɔ kemmo abuala ku atabi ku egyii ani na bánwi. Nsu ala amɛni ƒui ni, alánu na elenu na elesie muedi!