Romaƒuɔ 1:20 - Katɔti Ɔku Kedee

²⁰ Ɔsika ɔ́si uwi ɔni na Katɔti údie kayawi ni, ala ani ƒui na ɔ́bla ɔ́kya kayawi lɛlɔ muudie Katɔti ɔni na bulánu ku bula anumi ɔyikun ku nwuna udu keyi. Anwuɔsu ukyuli biala ɔsɔ ulakana bɔsu ɔnii útaƒɔ Katɔti útadi.

Romaƒuɔ 1:20 ပူးပေါင်းရင်းမြစ်များ

Ala Kalɔ Buse 1:1

Na kayawi kalɔ kesekɔ ƒui ni, Katɔti údie katɔ ku kalɔ.

Ala Kalɔ Buse 21:33

Na Abraham ɔ́lɛ ɔyuli kugyii kɔdi na Beer-Seba mmɔ. Na mmɔ na ɔ́kpali Katɔti lɛnyi ɔnii, Unwoti, Uwi Ƒui Katɔti.

Hiob 12:7

“Nsu si aawia lɛla ati ni, na esie lɛku kemmo bebuo ku kayaa baasɛ kudɔ, na badubɔtina-a ala.

Kɔgya 104:31

Buuvele bɔnii Unwoti uteekeye uwi ƒui. Na lɛlɔ lɛyɔ-nwu na ala ani ƒui na údie lɛlɔ.

Kɔgya 104:5

Awɔ nákya kalɔ kamɛni ƒui awodu ɔka kalɔ ɔni na lɛla biala likana-ka bɔkunku.

Kɔgya 119:90

Na aadi ƒula litemi lɛlɔ siin teete kaba bekyuli ƒui. Édie kayawi na kenye kana kenyekɔ kpakplaa.

Kɔgya 139:13

Ɔsika awɔ návɔ-mi lɛlɔ ekpo ƒui na ásala-nya ákya mina uni kaƒɔ kemmo.

Kɔgya 8:3

Si mɔɔnu kalɛ na édie kayaa na mɔɔnu kɔbuli ku ayabi ani na áya na enye ana kunyenkɔ ni,

Kɔgya 90:2

Asa na adubudie abi ku kayawi kammɔ ala ƒui ni, awɔ ndi Katɔti ɔni nli uwi ƒui ɔ́si kukuuku.

Yesaia 26:4

Ti ƒula anu ƒui sia Unwoti lɛlɔ uwi ƒui, ɔsika anwu ndi kama kekpokɔ lɛtakpɛ lɛni nnye uwi ƒui.

Yesaia 40:26

Bɛkɔliku bina anumi katɔ na bɛnu kayaa, na biye lɛlɔ bɛnii ɔma nédie ala ammɔ ƒui? Anwu mɔɔlɛ́ku ayabi keyi unwi unwi na ɔ́sia ɔdi biala lɛnyi. Na ɔkɛnku nwuna ɔyikun bonwu ɔsu ni, lɛyabi lɛdi liláyii nina kenyekɔ.

Yesaia 9:6

Ɔsika báwɔ ubi ɔnanabi béte-bu. Na bekyuli ƒui lɛlɔ bɔdi lɛdubɔsia-nwu lɛlɔ. Na badubɔlɔ-nwu banii Kasusu Buni Ɔkyane ku Katɔti Ɔyikune ku Ati Ɔni Nli Uwi Ƒui ku Keyi Buɛɛ Ɔga Ubi.

Yeremia 5:21

Bi ɔsu na bilenu ala kalɔ si mɔɔtɛmiku-mii, amii badɔlɔdi?

Yeremia 51:15

Katɔti úti nwuna lɛnunda ku ɔyikun na údie kalɔ ku kayaa ala ƒui.

Mateo 5:45

Na bɛdubunwini Katɔti ɔni nkya katɔ bebi geen. Ɔsika ɔɔyá na nwuna ɔƒɛ ɔɔlɛ́ teewi bekyuli bekpidi ku babuni ƒui lɛlɔ likeke. Na ɔnantu lɛnɔ ɔɔna teete bekyuli bani mɔɔbla ala abuni ku bani mɔɔbla ekpidi.

Marko 10:6

Na kalɔ kesekɔ na kayawi budie kemmo ni, Katɔti údie ɔnana ku uleku.

Yohane 1:18

Ukyuli ɔdi útanu Katɔti nwaa dii. Nsu Katɔti ubidi unwi pɛ ɔni mma-nwu lɛlɔ ni, anwu nédie-nwu nwaa ɔ́tina bekyuli.

Yohane 15:22

Si bubo na ńtebo ńtabasu-ma lɛla lɛdi ni, nka ukyuli ɔdi uládu-ma kɔtɔ ka bábla likpidi lɛdi. Nsu ɔƒɛni ni, basɔ balakana bɔsu banii bátati asa na bábla likpidi.

Batalane Kabla 17:29

“Na ka bɔdi Katɔti bebi ɔsu ni, utalɛka bɔkali bɔnii Katɔti ɔmɛni use aani lɛla lɛni na abu bayawine néti enu bɔ́bla aani sika ugyiedi iye ɔƒualadi iye ugyii iye lɛtabi iye ala anwidi lɛnɔ kalɛ.

Batalane Kabla 22:1

“Ati bene ku banwa, agoo! Bɛya na lidie lɛlɔ kenye na binu.”

Romaƒuɔ 1:19

Uuti kɔnyi ɔsika bekyuli baanu Katɔti ala ani na ɔ́bla ƒui nwaa. Na Katɔti ɔlati nédie-nya nwaa ɔ́tina-ma.

Romaƒuɔ 16:26

Nsu ɔƒɛni ni, bédie ala ammɔ keyi béte kalɔ ƒui bekyuli aani kalɛ na nwuna kenye bediene bénweni bése. Katɔti ɔni nli ngba úsela ƒui lɛƒɔyɔ ndi ka ɔlɛka bakɔ litemi buni lɛmɛni lɛsa na kadi ƒui baƒɔ-nwu badi na badi nwuna litemi lɛlɔ.

Romaƒuɔ 2:1

Anwuɔsu ni, si awɔ ɔdi aatɛku ukyuli litemi na aadú-ma kɔtɔ ni, eeebo kenye kadi na eedie. Na ulu biala lɛlɔ na ádu ƒula bakpana kɔtɔ ni, ƒula lɛlɔ na aadú kɔtɔ. Ɔsika ala ani na bábla ni, ana udu kani na awɔ lɛnɔ aabla.

Romaƒuɔ 2:15

Na ɔɔtina ka Katɔti úti ala ani nkya Mose ɔda bubo bɔmmɔ bɔɔtina ɔ́kya-ma kayi kemmo. Na bana kayi lɛnɔ kaatina-ma geen ka ɔmɛni use lɛni. Na uwi ɔdi ni, bana kasusu kaadú-ma kɔtɔ iye keete-ma ubo.

Korintoƒuɔ 1 1:20

Ɔmɛni ɔɔtina ka kayawi kamɛni banundane ku bakutine ku bekyuli bani mbo kenye ogya ƒui lɛnunda lɛdi adɔlɔla.

Lɛkpa Ulu 33:27

Na Katɔti kani muukpó bina kekpo ƒui teete-mii. Na nwuna enubɔ mɔɔyá na bulayia. Na anwu mɔɔgyú taatɔ teetékpo taadi bina bekisine lɛlɔ. Na ɔ́su-mii ɔnini, ‘Biteesie! Na bitayia-ma!’

Lɛkpa Ulu 4:19

Na bitaya na lɛla lɛdi lɛkɔku-mii na bɛta bitákpa ala ani nkya kayaa na bina anumi aanu aani ɔƒɛ ku kɔbuli ku ayabi. Ɔsika anya na Unwoti Katɔti údie úte kayawi bekyuli ƒui.

Koloseƒuɔ 1:15

Kristo ukyuli udu ɔni na bɔɔnu muudie Katɔti ɔni ukyuli udu na bulánu taatina. Na anwu ndi Katɔti Ubi udeedi ɔni mɔɔdi nwuna ala ani na údie ƒui lɛlɔ.

Koloseƒuɔ 2:9

Ɔsika Kristo kemmo ni, Katɔti ulie ngba na ɔlɔna kemmo ku nwuna udu ƒui.

Timoteo 1 1:17

Anwuɔsu ni, bɛya na buteemwi bula Katɔ Ɔga ɔni na bulánu ku bula anumi na uli ngba úsela ƒui. Na butaakɔliku anwu ɔni neeekpi kudii lɛnyi katɔ uwi ƒui. Ɔsia lɛni.

Timoteo 1 6:16

Anwu lɛti nli ngba ɔni na ulekpi kudi kudii. Na uukeye ɔni na ukyuli ɔdi ulakana-nwu anumi bɔda bɔlɛ. Ukyuli ɔdi útanu-nwu kudii na ɔdi lɛnɔ ulakana-nwu bɔnu. Na bumwi ku ɔyikun ɔdi anwu ɔdi úsela ƒui. Ɔsia lɛni.

Hebriƒuɔ 11:27

Na ɔkɛnku bɔƒɔtaadi bɔmmɔ ɔsu na ɔ́tɔlɔ Egyipte ɔni na útayia kɔnyi kɔni na ɔga ɔmmɔ wakɛ. Na únye kpakplaa aani si bɔnu na ɔ́ɔnu Katɔti ɔni na bula anumi alákana bɔnu tɔ.

Hebriƒuɔ 9:14

Na si ɔbladu ɔmɛni ɔɔyá na ukyuli ɔɔbla sɛɛn ni, na Kristo ubugya ɔɔkana na ɔɔbla ukyuli sɛɛn teetulo. Ɔkɛnku Katɔti Kɔyu kɔni nli uwi ƒui lɛlɔ ni, Kristo úti lɛlɔ ɔ́bla akpala ani nédu áwɔlɔ úte Katɔti na lɛla lɛdi lítebie-mu lɛlɔ. Nwuna ubugya ɔdubɔbla bina kayi sɛɛn bɔsiku ɔdi bɔbla bɔni nsɔ neeebo kɔsia ƒui kudɔ kalɛ na bɔbla Katɔti ɔni nli kabla.