Romaƒuɔ 1:13 - Katɔti Ɔku Kedee

¹³ Banwa, bɛti ka lɛ́bla kasusu uwi pii kemmo ka libo-mii kudɔ nka, nsu lɛla lɛdi lítile-mi kuƒi. Mɔɔyɔ́ ka lɛya na bekyuli baƒɔ Kristo badi na bina akɔ aani kalɛ na lɛ́bla na bekyuli bani naaadi Yudaƒuɔ akɔ.

Romaƒuɔ 1:13 ပူးပေါင်းရင်းမြစ်များ

Yesaia 27:6

Uwi ɔdubo ɔni mina kadi bekyuli badubo ligyiitu budie na Israel kadi bamɛni badubo bɔta na bedie evete na banwu ebi pii beyile kayawi.

Yohane 12:24

Na mɔɔsu-mii geen ka ni, lɛntabi lilemomo teetulo linwi lɛni kani na lɛdi, amu ntu béti-ni bákya kalɔ na libu. Na si líbu lɛni ni, uwi ɔmmɔ kama asa na liimomo teenwini antabi pii.

Yohane 15:16

Ɔɔɔdi amii náƒuna-mi. Mmomu ami náƒuna-mii. Na lɛ́ƒuna-mii lise ka bisie bitátaabla kabla kabuni kani ndi ebi pii ani na bɛdubɔnwu. Na abla ebi ani ndubutu uwi na elebie. Ɔmɛni ɔsu ni, Katɔti ɔdubute-mii lɛla biala na bivele-nwu si bɛ́kpali-mi lɛnyi.

Yohane 4:36

Katɔti ɔɔƒɔ edula ɔƒɛne biala kayu kabuni na edula ani na ɔdaku bɔsala teewi linwu lɛni nnye Katɔti kudɔ kemmo ute ngba bɔni nsɔ naaadubo bɔsa kudii ɔsu. Na ɔmɛni ɔsu ni, edula ɔkyane ku edula ɔƒɛne ƒui badubɔkɛ ebiti geen.

Batalane Kabla 1:15

Amu na emeyi ammɔ kemmo kani ni, ama bani náƒɔ bádi mmɔ bábasa, na bana bumomo bɔbla aani nkyuli eti anyɔ ku aavlanyɔ. Na mmɔ Petro ɔ́ta únye na ɔ́su-ma ɔnini,

Batalane Kabla 14:27

Ka bánya bétéduo Antiokia ni, bálɔ baƒɔtaadine bani nkya mmɔ ƒui básala lisu na bédie bana ulu busie kemmo bátina-ma. Na básu-ma ala ani ƒui na Blɔti ɔ́kɛ-ma lɛlɔ ɔ́bla ku kalɛ na ɔ́lɛmi bɔƒɔtaadi ulu úte bani naaadi Yudaƒuɔ.

Batalane Kabla 15:12

Amu na bana ƒui báda butemi báya na bélie beenú akɔla ani na Paulo ku Barnaba baasu ka Blɔti ɔkɛ bana lɛlɔ ɔ́bla úte ama bani naaadi Yudaƒuɔ.

Batalane Kabla 19:21

Ɔmɛni kama ni, Katɔti Kɔyu kúdie kɔ́tina Paulo ɔnii ɔvi usie Makedonia ku Akaia asa na usie Yerusalem. Na Paulo ɔ́su ɔnini, “Si líduo mmɔ ni, ɔlɛka lɛvi lisie Roma lɛnɔ.”

Batalane Kabla 21:19

Na ka búgyele-ma bɔ́wɔlɔ ni, Paulo ɔ́su-ma ala ani ƒui na Katɔti ɔ́bla ɔ́kɛnku-nwu lɛlɔ na bekyuli bani naaadi Yudaƒuɔ akɔ.

Batalane Kabla 28:14

Na mmɔ na bútánu baƒɔtaadine badi, na bévele-bu banii bulie-ma kudɔ emeyi maatɛ. Na ɔmɛni kama ka bɔ́ta mmɔ ni, bútéduo Roma.

Romaƒuɔ 1:12

Lɛla lɛni mɔɔsu mɛni ndi ka bɔdubɔkya lɛlɔ ogya na uwi ɔmɛni kemmo. Ɔsika bina bɔƒɔtaadi bɔdubo-mi ogya bɔkya, na ami bɔdi lɛnɔ bɔkya-mii ogya.

Romaƒuɔ 11:25

Banwa, ala abɛdi adi akya ɔ́si kukuuku ani na naaayɔ nnii abɛ-mii ƒui kalɛ na bilátaakun lɛmɛnɛ na bina kasusu kenye. Anwu ndi ka ni, Yudaƒuɔ badi atuɔkplu ani baabla ni, ɔɔɔdubo buse lɛni uwi ƒui. Mmomu atuɔkplu ammɔ kenye kadubukulo uwi ɔni na Katɔti ɔ́sala bumomo bɔni na ɔɔwia na bani naaadi Yudaƒuɔ akɔ ɔ́wɔlɔ.

Romaƒuɔ 7:1

Geen ni, banwa, binu lɛla lɛni na ndubo bɔsu mɛni kalɔ, ɔsika bina ƒui bɛgyi ɔda bubo bɔmmɔ. Ɔda bubo bɔmmɔ bɔɔdi ukyuli lɛlɔ uwi ɔni kemmo na ulie ngba kani.

Korintoƒuɔ 1 1:10

Na kenyekɔ kani na Blɔti Yesu Kristo úte-mi kenye ni, mɔɔsu-mii kpakplaa aani mina banwa baƒɔtaadine kalɛ nnii bina ƒui binu lɛlɔ kalɔ kalɛ na lɛlɔ bule bɔdi bulakya-mii akɔ. Na bɛbla unwi na ala ani na bɛɛkali ku ala ani na bɛwia lɛlɔ.

Korintoƒuɔ 1 10:1

Banwa, mɔɔwia ka binyimo lɛla lɛni nálɛku bula bati kuuku bani násiaku Mose. Ulɔyɔ ɔ́tɔnku-ma, na ɔ́gyumana-ma ƒui. Na bávi Ɛpugyie ntɛ.

Korintoƒuɔ 1 12:1

Na ɔƒɛni ni, na ala ani ndanku Katɔti Kɔyu etela lɛlɔ ni, banwa, mɔɔyɔ́ ka bɛti litemi geen lɛni nkya-nya kemmo.

Korintoƒuɔ 1 14:20

Banwa, bitabla lɛlɔ aani banamu na bina kasusu kemmo. Mmomu bɛbla lɛlɔ aani benengu si biiti kasusu. Nsu na likpidi lilu lɛlɔ ni, bɛbla lɛlɔ aani banamu.

Korintoƒuɔ 1 14:26

Banwa, mɔɔwia ka liti lɛla lɛdi libunku ɔmɛni na bina bɔsa kemmo. Si uwi ɔni na bɛ́sa bɛnii bɛɛkpali katɔ ni, ɔdi ubo ɔnu ɔni na ɔɔyɔ́ ka udie, na ɔdi lɛnɔ ubo lɛla lɛdi na ɔɔyɔ́-ka ɔtina. Na ɔdi lɛnɔ ɔɔyɔ́ ka udie Katɔti lɛla lɛdi ɔtina. Na ɔdi lɛnɔ ɔdanku kenye kadi na adi lidu lidu kemmo, na ɔdi lɛnɔ kalɛ na udie ala ammɔ kalɔ. Nsu ɔlɛka bɛbla ala amɛni ƒui kalɛ na ute baƒɔtaadine lɛkpa lɛmmɔ kebunku.

Korintoƒuɔ 1 9:2

Si ina badi balaƒɔ-mi aani Blɔti ɔtalane ni, amii bɛ́ƒɔ-mi lɛni. Na kalɛ na bɛ́bla unwi ku Blɔti ni, ɔmmɔ lɛti pɛ ɔ́ya na amii alati biidie ɔmɛni taatina nwaa ka ndi Blɔti ɔtalane.

Korintoƒuɔ 2 1:8

Banwa, bɔɔwia ka bɔsu-mii abi ani udu na búbo na Asia kalɛkɛ lɛlɔ. Lɛbibo lɛmmɔ línwini etila líte-bu ɔni na bɔsɔ buuubo lɛnunsia lɛdi bɔnii bɔdubɔkɛ ngba muedi.

Korintoƒuɔ 2 2:14

Nsu ni, bɔ́gya Katɔti enu! Na bula unwi bɔbla ku Kristo ni, Katɔti ɔɔtɔnku-bu uwi biala na bɔkɛ bekyuli bani muusié taavi na Kristo lɛlɔ bɔdi kemmo. Na Katɔti ɔsia-bu lɛlɔ na udie Kristo ɔtina kayawi ƒui aani kalɛ na ɔnyi ƒɛƒɛɛ ɔɔƒɔ́ likpo lɛdi ƒui.

Galatiƒuɔ 3:15

Banwa, lɛla lɛni mɔɔsu mɛni ni, bɛya na liti lɛkɔku bula limeyi biala ngba bulie. Si nkyuli inyɔ bénu lɛlɔ kalɔ na lɛla lɛdi lɛlɔ na bényimi-ni lɛlɔ ni, bana kemmo ɔdi uuubo kuƒi ka ɔsɔ unweni iye ɔda lɛla lɛdi udie bunyimi bɔmmɔ kemmo. Lɛni kani na use na mɛni lɛnɔ.

Galatiƒuɔ 6:18

Banwa, muuvele nnii Blɔti Yesu Kristo lɛƒɔndia lɛsiaku-mii na lɛkya bina kɔyu ɔkplu. Ɔsia lɛni.

Ƒilipiƒuɔ 1:22

Na si bani nsie anumi na lɛsɔ lɛkya ngba bɔmɛni kemmo ni, ndubɔkana na lɛbla ala abuni libu. Nsu ɔmani na ɔlɛka lidie? Naaati!

Ƒilipiƒuɔ 4:17

Na ɔɔɔdi etela na mɔɔwia lite lɛlɔ, mmomu lɛla lɛni mete-mii kɔsia na katɔ na mɔɔsia anu.

Koloseƒuɔ 1:10

Ɔmɛni ndubɔya na bɛti bina lɛlɔ bɔda na bilie ngba bɔni na Blɔti ɔɔwia. Na bina ngba bulie ɔbladu biala ɔbla ɔbuni. Na ɔdubo-mii bubunku na bitaati Katɔti teebu.

Koloseƒuɔ 1:6

Litemi buni lɛmɛni ala abuni amu aalɛ́ku bekyuli na liigyingya na kayawi ekpo ƒui aani kalɛ na ɔ́lɛku-mii uwi ɔni na bínu Katɔti kɔnyana bɔnu litemi geen lɛmmɔ kudeedi, na bɛ́nu bɛ́ti kalɛ na Katɔti ɔɔyɔ́-mii.

Tesalonikaƒuɔ 1 2:18

Anwuɔsu bɔ́yɔ ka bɔsɔ bubo bubanu-mii. Na ami Paulo geen ni, lɛ́wia ulu kɔlɛ kɔlɛ ka libo. Nsu ukisine ɔmmɔ únye útile ulu.

Tesalonikaƒuɔ 1 4:13

Banwa, bɔɔyɔ́ ka bɔsu-mii lɛla lɛni ndubɔlɛku bekyuli bani néekpi, kalɛ na biléteewulo kɔnyana aani bekyuli bani neeebo lɛnunsia.

Tesalonikaƒuɔ 2 2:7

Na likyulikpi ala ani baabla taabɛ éese kalɔ aalɛ́. Na ala ani ndubɔlɛ ni, aaadubo bɔlɛ tɔ wetédu ka Katɔti ɔ́da ukyuli ɔni muutile ukyuli ukpidi ɔmmɔ ulu údie.

Timoteo 2 4:17

Nsu ni, Blɔti únyeku-mi na ɔ́kya-mi ɔyikun na lɛ́kana lɛ́su Blɔti litemi lɛmmɔ kaduɛ lite bani naaadi Yudaƒuɔ na mmɔ. Na Blɔti údie-mi kukpi kemmo.