Kɔgya 99:3 - Katɔti Ɔku Kedee

³ Bɛya na ɔdi biala umwi Unwoti lɛnyi lɛni ntulo na lɛɛda liƒu mmɔ, ɔsika anwu kani nse kedee.

Kɔgya 99:3 ပူးပေါင်းရင်းမြစ်များ

Nehemia 1:5

Na lɛ́su nnini, “O Unwoti Katɔti ɔni nkya katɔ, ébomo na ebo ɔyikun na ámanku ka bɔyia-a. Na adi Ati ɔni na eeti bɔyɔ taadi ƒula bunyimi lɛlɔ teete bekyuli bani na aayɔ́ ka baadi ƒula ɔda bubo lɛlɔ ɔsu.

Nehemia 4:14

Amu na ami Nehemia lɛ́ta na ńtánu banamu bakɔdi ku benengu ku bekyuli bammɔ ƒui na lɛ́su-ma nnini, “Bitayia-ma. Bɛkali ka Katɔti ɔni nwuna lɛlɔ lɛɛda liƒu mmomu na ɔlɛka bɔyia. Na binye kpakplaa, na bikpo bite bina banwani ku bina beleku ku bina kɔduli.”

Nehemia 9:32

“Ɔƒɛni, o bula Katɔti ɔni na edu na ebomo, na eeti bɔyɔ taadi bunyimi lɛlɔ ni, buvele bɔda-a bɔnii tabu lɛbibo lɛni mɔɔlɛ́ mɛni aani lɛla lɛni nse bliisuɛ na ƒula anumi. Na tabu lɛbibo lɛni mɔɔlɛ́ abu ku bula baga ku bula batɔnkune ku bula bakpane ku kenye bediene ku bula bati ku ƒula bekyuli ƒui lɛlɔ úti ɔ́si Asiriaƒuɔ baga uwi úbedu ɔmwi kadi aani lɛla blii.

Nehemia 9:5

Na Lewiƒuɔ ku Yesua ku Kadmiel ku Bani ku Hasabnia ku Serebia ku Hodia ku Sebnia ku Petahia básu Israelƒuɔ ƒui banii, “Bɛta binye na bimwi bina Unwoti Katɔti ɔni nli ngba ɔ́si ɔƒɛni úsela ƒui! “Na buute ƒula lɛnyi bonwu lɛmmɔ kusɛ kusɛ. Na ƒula lɛnyi lɛ́kɔ litulo lɛnyi biala.

Kɔgya 100:4

Bɛsia kakpakɔ kayakun na biduo Unwoti kudɔ ku linugya ku bumwi lɛnu.

Kɔgya 103:1

O Katɔti, ndubumwi-ɔ lɛnyi kedee ku mina kayi ƒui.

Kɔgya 111:9

Unwoti uukpó taaƒɔ nwuna bekyuli. Na ulalɛ bunyimi bɔni na únyimi ku nwuna bekyuli kama kudii. Use kedee na ɔlɛka bɔyia-nwu.

Kɔgya 145:17

Unwoti use siin na ulu biala lɛlɔ, na ubo lɛƒɔndia na nwuna ablala ƒui kemmo.

Kɔgya 66:3

Bɛsu Katɔti bɛnini, “Ƒula ablala adi akɔla budie taatina. Na ƒula ɔyikun bonwu ɔni na ebo ɔsu ni, ƒula bekisine béboku lɛlɔ kalɔ béte-ɔ ku bɔyia.

Kɔgya 76:1

Yudaƒuɔ bagyi Katɔti geen na bana kalɔ. Na Israelƒuɔ baasu kalɛ na Katɔti ubo ɔyikun.

Kɔgya 76:12

Uuboku bagabi bani mɔɔkɔliku lɛlɔ katɔ kalɔ. Na ɔɔyá na baga benengudi ƒui baayia-nwu.

Yesaia 6:3

Na bana ƒui baatu kɔgya ku lɛdi linwi momoomo banini, “Unwoti Katɔti, ese kedee, kedee, kedee! Katɔ ku kalɔ kéyi ku ƒula lɛlɔyɔ tɛɛ!”

Yeremia 20:11

Nsu ni, awɔ Unwoti, adi mina ukpone ɔyikune ɔni na enye-mi kama ɔsu ni, bekyuli bani mɔɔwia bakya-ma lɛsɛ mmɔ ƒui badubo bubuli na balakana-mi mmomu anumi adubuwi-ma kalɔ na beƒu na kɔƒa kukpo-ma uwi ƒui.

Yohane 17:11

Na ɔƒɛni ni, lɛ́tɔlɔ ndubo-ɔ kudɔ. Na nsɔ lɛɛɛkya kayawi kamɛni kemmo. Nsu ama bamu bakya kayawi. Ati Kedee, gyumana-ma ɔkɛnku ɔyikun ala ani mɔɔlɛ́ si bákpali-ɔ lɛnyi. Na lɛnyi lɛmmɔ kani na éti éte-mi. Ɔmɛni ndubɔya na babla unwi aani kalɛ na ami ku awɔ bɔdi benwi.

Lɛkpa Ulu 28:58

Na si bítewi lɛlɔ na bɛdi ɔda bubo ala bɔtina bɔni bénweni bákya ɔku ɔmɛni kemmo na biti ɔbu unengudi ɔni na bɔyia bɔkya-nwu kemmo bite bina Unwoti Katɔti ni,

Lɛkpa Ulu 7:21

Anwuɔsu si bɛ́da bɛ́lɛ-ma lɛlɔ na kekpo kemmo ni, bitaya bana lɛlɔ liƒu lɛda-mii. Ɔsika bina Unwoti Katɔti údu na ɔkya-mii akɔ na ɔɔda liƒu, na anwu ndubukpo ute-mii.

Yosua 24:19

Amu na Yosua ɔ́su Israelƒuɔ ɔnini, “Ngyi ka bilakana Unwoti bɔɔsiaku, ɔsika ɔdi Katɔti ɔni nse kedee na uukpó kogyulo na si bɛ́ta binye-nwu lɛlɔ ni, uleti bina ekpidi ulakyiɛ-mii.

Budie Taatina 4:8

Na ngba batu ine bamɛni ƒui bebo avwi aku aku, na anumi akya avwi amɛni kemmo ku kama. Usien ku ɔƒɛ ni, baláda bɔsu taaya banini, “Kedee, kedee, kedee ndi Blɔti ɔni mbo ɔyikun ƒui, ɔni nélie, na uli, na ɔdubo bulie.”

Samuel 1 2:2

Ukyuli ɔdi uuuse kedee aani awɔ Unwoti kalɛ. Na ɔdi lɛnɔ uuubunku-ɔ. Na lɛtakpɛ bonwu lɛdi liiibo na lɛdi kama kekpokɔ aani awɔ bula Katɔti.