Kɔgya 85:9 - Katɔti Ɔku Kedee

⁹ Geen ni, unye ka ɔƒɔ bekyuli bani ƒui mɔɔkpá-nwu kalɛ na ukeye na bula akɔ na kalɔ lɛlɔ mɛni.

Kɔgya 85:9 ပူးပေါင်းရင်းမြစ်များ

Kɔgya 119:155

Belikplune beeebo bɔƒɔ bɔdi. Bɔ́gyunku-ma geen. Ɔsika baláwia ka badi ƒula ɔda bubo lɛlɔ uwi ɔdi.

Kɔgya 50:23

Ukyuli ɔni muuti enugya teenwini akpala teete-mi ni, uuti ɔbu teete-mi na ndubɔƒɔ-nwu ngba.

Yesaia 4:5

Na ɔmmɔ kama ni, Unwoti ɔdubɔya na liƒlukutu bonwu lɛdi lɛƒɔ Yerusalem ku bani ƒui na básala lɛlɔ na mmɔ na limeyi kemmo. Na usien ni, na ogya bonwu ɔdi utaada teekeye teewi kalɔ kammɔ ƒui lɛlɔ. Na Unwoti bukeye bubi-ma eli aani lɛkpɔtɔ.

Yesaia 46:13

Ndubo mbaƒɔ-mii, na uwi ɔsɔ uletu. Ńtagyunku-mii, ɔsu lɛɛɛdubo uwi ɔdi bubile. Ndubo Yerusalem budie na mina lɛnyi likeye na Israel.”

Yeremia 23:35

Mmomu buye na ɔdi ka biye lɛlɔ ku bina bakpana binu bɛnini, ‘Bi kenye na Unwoti údie? Iye dɛ na ɔ́su?’

Yeremia 23:37

“Si ɔdi ése kenye udiene kudɔ ni, ɔdia si éye-nwu anini, ‘Bi kenye na Unwoti údie iye bi na ɔ́su ɔ́siku litemi lɛni na búye-nwu lɛlɔ?’

Yeremia 29:11

Lɛ́lɛ ugyii ka ndubute-mii kusɛ kusɛ bitaasia ala abuni anu na bina ngba bɔni na bɛdubulie uwi ɔni mebo kemmo ƒui na ala adianku-mii, na lɛbibo lɛdi lɛsɔ lilebo-mii lɛlɔ.

Esekiel 26:20

na bɛyii bɛkya kekpine kesii kani na bati kuuku bani lɛma na bábwɛ bésie bákya ɔ́si kukuuku uwi ƒui. Mmɔ na bɛdubo bɔkya na bɛsɔ bilabla ɔma bonwu ɔni na bekyuli badubɔƒɔ-nwu kemmo pii kudii.

Esekiel 3:10

“Se atu na enu lɛla biala na ndubo-ɔ bɔsu kaduɛ na abla kasusu asiku-nya lɛlɔ.

Habakuk 2:1

Ndubunye kesii kani na nnye mɔɔgyumana mmɔ ntaanu ulu lite lɛla lɛni na mina Unwoti ɔdubo-mi bɔsu na kɔnyana kɔni na muuwulo taakpali-nwu kenye.

Sakaria 2:5

Unwoti úse kenye ka anwu ɔlati ndubo kowodu kɔni maka mamana Yerusalem bunwini na utaagyumana-nwu, na anwu kani ndubulie ɔma ɔmmɔ ntɛntɛ na uteekeye na ɔma unengudi ɔmmɔ kemmo.”

Sakaria 2:8

Mmɔ na Unwoti Ɔyikune Ƒui ɔni muukeye údie lɛdi úte-mi ɔnii nsu kadi bekyuli bani nékpo Sion na béyu-nwu ala bátɔlɔku nnini, “Sion ɔ́ƒɔ ami Katɔti kuye geen aani mina lɛnumi. Anwuɔsu lɛla biala na bɛ́bla ɔma ɔmmɔ ni, anwu na bɛ́bla.

Luka 2:32

Ɔdi bukeye bɔni ndubudie ƒula lɛyɔla keyi ute bekyuli bani naaadi Yudaƒuɔ. Na ɔdubuti ɔbu uboku ƒula kadi bekyuli Israelƒuɔ akɔ.”

Yohane 1:14

Na Katɔti Litemi lɛmɛni líbo aani ukyuli ɔyawine, na úlie kalɔ lɛlɔ mɛni na bula akɔ. Na Katɔti lɛƒɔndia ku litemi geen lɛ́ƒɔ-nwu lɛlɔ kemmo ƒui. Na abu bɔ́nu kalɛ na uukeye ka ɔdi Katɔti ubidi unwi pɛ ɔsu.

Yohane 7:17

Ukyuli ɔni mɔɔyɔ́ ka ɔbla lɛla lɛni na Katɔti ɔɔwia ni, ɔdubɔti si ala ani na mɔɔtina ási Katɔti kudɔ iye ami ɔlati ɔyikun kemmo na muutemi.

Batalane Kabla 13:16

Amu na Paulo ɔ́ta na ɔ́talaku kɔnu na ɔ́su-ma ɔnii baba lɛsɛ, na ɔ́su-ma ɔnini, “Israelƒuɔ ku amii bani naaadi Israelƒuɔ ƒui na bɛnii bɛɛbu Katɔti ni, bise atu na binu!

Samuel 1 3:9

Ɔmmɔ ɔsu ni, Eli ɔ́su Samuel ɔnini, “Teesie na atátɛ. Na si énu ka básɔ bákpali-ɔ ni, na asu anii, ‘Unwoti, aanu ami ƒula kabla ɔblane. Su-mi lɛla lɛni na lɛbla.’ ” Anwuɔsu Samuel ɔ́sɔ únwini útátɛ nwuna katɛnkɔ kalɛ na ɔɔyɔ́ bɔbla.