Kɔgya 83:2 - Katɔti Ɔku Kedee

² Nu kalɛ na ƒula bekisine bani náta bénye-ɔ lɛlɔ mmɔ báta yuu ku lɛsɛ badubo.

Kɔgya 83:2 ပူးပေါင်းရင်းမြစ်များ

Baga 2 19:28

Na ka áta ásiaku-mi ku kɔnyi, ku ƒula ukyuli tabu bɔni na línu ku mina atu ɔsu ni, ndubɔkya-a ɔdaliwa enwu na liti kenye kabuli lɛbala-a kenye, na lɛya na enwini asia ulu ɔni lɛlɔ na ásia ébo.’

Kɔgya 109:1

Katɔti, mɔɔkɔliku-ɔ lɛnyi katɔ, anwuɔsu tetile atu na alakpete-mi.

Kɔgya 74:23

Nwini nu kalɛ na ƒula bekisine baakwanyi ku kɔnyi na bana kudu kɔda momoomo ƒui.

Kɔgya 74:4

Bekisine béduo ƒula keliekɔ kedee na benye mmɔ baayoli momoomo. Na bábla ekposela bényene mmɔ baatina ka bádi lɛlɔ.

Kɔgya 81:15

Na bani muukisi-mi ƒui badubɔkya lili kalɔ bete-mi na bataayia-mi na bana kɔtu bɔni lɛnɔ buse bute-ma uwi ƒui.

Kɔgya 93:3

O Unwoti, ɛpu ɔmmɔ ɔɔnwanɛ lɛlɔ ɔ́si nwuna ligyu kemmo na uubó taabla kudu geen.

Yesaia 17:12

Binu bekyuli lisu kɔnyi kɔku kɔni ndubo, kɔku kɔni nse aani ɛpu ɔni mɔɔnwanɛ lɛlɔ, na uubó teebewi utubili! Binu kalɛ na badubo ku kudu ku kɔnyi.

Yesaia 37:23

Ɔma na akya eedumi taama? Na ɔma na aakwanyi taakya ku lɛdi momoomo? Na ɔma na aanu ɔnusɛ ku bɔpii? Ɔɔɔdi Israel Katɔti Kedee ɔmmɔ!

Yesaia 37:29

Na ka áta ásiaku-mi ku kɔnyi, ku ƒula ukyuli tabu bɔni na línu ku mina atu ɔsu ni, ndubɔkya-a ɔdaliwa enwu, na liti kenye kabuli lɛbala-a kenye, na lɛya na enwini asia ulu ɔni lɛlɔ na ásia ébo.

Yeremia 1:19

Badubo bunwini bunye banii beekpóku-ɔ, nsu balakana-a lɛlɔ bɔdi. Ɔsika ami Unwoti muusé-ɔ kenye ka lɛɛɛdubo bɔya na babla-a likpidi lɛdi.”

Mateo 27:24

Uwi ɔni na Pilato ɔ́nu ka ɔ́sɔ ulakana lɛla lɛdi bɔbla, na mmomu unyeƒi kpakplaa ndubo bɔlɛ ni, úti ntu na ɔ́ƒɔ enu na bekyuli bammɔ anumi na ɔ́su-ma ɔnini, “Ukyuli ɔmɛni kukpi kɔɔɔsia-mi lɛlɔ! Bina litemi na lɛdi.”

Batalane Kabla 16:22

Na bekyuli pii bábaka bámana-ma, na benye beedí Paulo ku Silas teete lɛlɔ. Na litemi batɛne bamɛni báya na báni-ma lɛwu bábwɛ, na béte kuƒi banii bebo-ma kugyiimi.

Batalane Kabla 17:5

Nsu anumi égyie Yudaƒuɔ batɔnkune na bana lɛlɔ. Anwuɔsu bátáwia bekyuli basa basa badi na ɔma kemmo banii batákya ɔma bekyuli ogya. Na básala otogyi bákya lɛsɛ lɛmɛni na bésie bátáka bámana Yason kaduli banii betéƒie Paulo ku Silas besienku ɔma ɔmmɔ kasalakɔ.

Batalane Kabla 21:30

Amu na bɔva bɔmmɔ ɔsu ni, bekyuli ƒui béƒu na báta ku lɛsɛ na békeli bátása kakpakɔ mmɔ. Badi báni Paulo bálɛku kakpakɔ na bákalɛ kɔyakun ƒui.

Batalane Kabla 22:22

Amu na uwi ɔmɛni ƒui ni, bekyuli bamɛni benye kpoo beenú-nwu litemi. Nsu uwi ɔni na ɔ́su lɛla likplodi lɛmɛni ni, bana ƒui báva momoomo básu banini, “Aa! Bɛyila-nwu udu! Bɛtɔlɔku-nwu ƒui!”

Batalane Kabla 23:10

Mɛni ni, bɔva bɔmɛni bɔ́sɔ bɔ́kɔ katɔ búbu. Na bekyuli bamɛni ƒui bada Paulo na baaní-nwu teenene. Na ka bekpone ɔtɔnkune ɔmmɔ ɔɔyia ka badubɔni-nwu baduli ɔsu ni, ɔ́su nwuna bekpone ɔnii beti-nwu beboku aban ɔtɔ kemmo.

Litemi Batɛne 8:28

Lɛni na Israelƒuɔ bádi Midianƒuɔ lɛlɔ na básɔ bátalɛ lili kudii. Na Gideon uwi ɔmmɔ kemmo ni, atu bɔyɔ bɔ́kya kalɔ kammɔ lɛlɔ ƒui akwa aavlene sɔɔn.