Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kɔgya 83:18 - Katɔti Ɔku Kedee

18 Ya na bati ka awɔ ɔni ndi Unwoti ni, awɔ kani ndi Ɔyikune Ƒui ɔni mɔɔdi kayawi ƒui lɛlɔ.

အခန်းကိုကြည့်ပါ။ ကော်ပီ




Kɔgya 83:18
21 ပူးပေါင်းရင်းမြစ်များ  

Ɔmmɔ ɔsu ni, Abraham ɔ́lɔ kesii kammɔ ɔnii Katɔti Ɔdubute. Na úti úbedu ku ɔmwi limeyi lɛmɛni lɛlɔ ni, ɔdi lɛsugba lɛdi na baasu banii, “Na Unwoti kɔbi lɛlɔ ni, anwu ɔlati ɔdubute lɛla lɛni bɔɔwia.”


Anwuɔsu ni, O Unwoti! Die-mi kenye! Unwoti, die-mi kenye! Kalɛ na bekyuli bamɛni banu bati ka ni, awɔ O Unwoti ndi Katɔti. Na eti atina ka ni, ásɔku-ma kayi eeboku ƒula kudɔ ɔkɛnku ɔmɛni lɛlɔ.”


Unwoti bula Katɔti ƒɔ-bu lɛku Asiriaƒuɔ ɔga ɔmɛni enu kemmo kalɛ na kayawi lɛgakɔdikɔ bekyuli ƒui banu bati ka awɔ Unwoti kani ndi Katɔti.”


Na Unwoti uudie lɛdi ku kudu bonwu na kayaa aani kalɛ na katɔ keedu. Na anwu ɔni ntulo ƒui mmɔ lɛdi lɛɛku taasi katɔ katɔ ƒui teebewi kalɔ.


Ya na kɔƒa kukpo bekyuli bani na bana anumi égyie na mina lɛlɔ. Na aya na bani nábla kɔkwɛ ƒui na mina lɛlɔ kasusu keƒu.


Ya na ƒula kɔnyi kɔkyula-ma aani ogya na bayii udu kede kede. Na ɔmmɔ adubɔya na kayawi bekyuli bati ka awɔ Katɔti mɔɔdi lɛlɔ na Israel kalɔ lɛlɔ ku kayawi kesi kesii. Na ƒula lɛlɔ bɔdi bɔmɛni bɔ́ƒɔ kalɔ lɛlɔ ƒui.


Unwoti, bekyuli ƒui bagyi-ɔ ka aabla ala ulu geen ɔmmɔ lɛlɔ. Nsu balalane ni, bana ablala eenwíni kakpagyuɛ teedie-ma.


Ndubɔtu lɛlɔyɔ kɔgya na awɔ ɔsu. O Katɔti ɔni ntulo ƒui, ndubɔtu kɔgya limwi-ɔ lɛnyi.


Ɔsika awɔ Unwoti ƒula lɛnyi lɛ́kɔ katɔ úsela uwi ƒui.


Unwoti Katɔti, awɔ mɔɔdi kayawi ƒui lɛlɔ na ƒula lɛnyi lɛ́kɔ katɔ litulo baƒiɔ ƒui.


Na lídie lɛlɔ lɛ́tina Abraham ku Isak ku Yakob ka ami ndi Katɔti Ɔyikune Ƒui. Na Unwoti lɛnyi lɛni na mɔɔdi ni, ńtedie-ni keyi ńtatina-ma tɔ?


“Ami ndi Unwoti na lɛɛɛdubo bunye bɔnu na baƒiɔ iye ukyuli ɔyawine ɔdi ɔta unye ɔnii ami ku-nwu buule mina bukeye ku bumwi bɔni na ɔlɛka bekyuli beti bete-mi.


Na Katɔti lɛnyi likeye na lɛkɔ katɔ ka ɔɔtɛ litemi siin ɔsu. Na banu kalɛ na Unwoti use kedee, na kalɛ na ɔɔbla ala siin ɔsu.


“Unwoti Ɔyikune Ƒui, Israel Katɔti, mɔɔdi kayawi ƒui lɛlɔ. Anwu ndi bina Udiene ku bina ɔgya na ɔdubudie-mii.


Mmɔ na Unwoti údie kenye ɔnini, “Ɔmmɔ ɔsu geen na ndubo-ma lɛnunda bɔtina na banu kalɛ na mbo ɔyikun. Na badubɔnu bati ka sɔsɔ ni, ami ndi Katɔti geen ɔmmɔ.”


Na si uwi ɔni na lɛ́wɔlɔ Egyipteƒuɔ kɔtu kɔmɛni udu bɔni bɔwɔlɔ lɛni ni, bɛdubɔnu bɔti ka ami ndi Unwoti.’ ”


Ndubo ɔmɛni bɔbla liti lɛtina kayawi ƒui ka ami Unwoti nse kedee.’ ”


Badubo-ɔ bɔbɔku budie bekyuli bayawine akɔ, na awɔ ku alakpi akɔ bebuo bɛsala bilie liku linwi. Na adubo livo bɔkun aani bebuo bammɔ kalɛ. Na ɔnantu ku amii eteewi-ɔ akwa maatɛ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na uuti-ka teete ukyuli ɔni na ɔɔyɔ́.


Badubo-ɔ bɔbɔku na eteesie atákya alakpi akɔ ku bebuo bammɔ na alɛ bekyuli akɔ. Na livo na adubo bɔkun akwa maatɛ aani ɔmantɛ akɔ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na anwu mɔɔƒuna bana lɛlɔ ɔdine lɛnɔ.”


“Sion, bibo-ma bɛbwɛ biwi kalɔ kɔkɛ kɔkɛ. Ndubo-mii bɔbla aani akɔ ɔgyani ɔni mbo abuala ese na ɔkya abuala egyiedi lɛgbanvuo. Bikpo kadi bammɔ ƒui na biƒie-ma akɛla ƒui bɛƒɔ biboku ami kalɔ ƒui lɛlɔ Unwoti.”


Amu na ɔ́su-mi ɔnini, “Kɔgba kɔmɛni kunye kute batɔnkune inyɔ bani na béwi-ma lili nnɔmii na báƒuna-ma mmɔ na benye bayawine ƒui Unwoti kudɔ.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ