Kɔgya 83:13 - Katɔti Ɔku Kedee

¹³ O Katɔti, bla-ma aani ɔtumu ku aƒaaƒa ani na ɔƒɛƒɛɛ uubó taavinku.

Kɔgya 83:13 ပူးပေါင်းရင်းမြစ်များ

Hiob 13:25

Bɔyɔ na ɔɔyɔ́-ɔ kaƒɔ ka eteebo-mi taavinku aani kalɛ na ɔƒɛƒɛɛ uubó livete lɛnudi?

Hiob 21:18

Kɔlɛ na ɔɔní-ma kɔtu aani kalɛ na ɔƒɛƒɛɛ uuduo keti kemmo teebo-ka teegyingya?

Kɔgya 22:1

Mina Unwoti, mina Unwoti, bi ɔsu na áda-mi ányonu? Bi ɔsu na ágyunku-mi na elébo na ebedie-mi? Ina mɔɔva momoomo muedi neeenu kɔku kɔdi taasiku-ɔ kudɔ.

Kɔgya 35:5

Ya na benwini aƒaƒaa ani na ɔƒɛƒɛɛ uubó taavinku. Na ƒula ɔtu ubabɔku-ma usienku kama.

Kɔgya 44:4

Awɔ ndi mina Katɔti ku mina ɔga ɔni mɔɔyá na ƒula bekyuli baadi lɛlɔ.

Israelƒuɔ Bɔlɛ 15:7

Na ƒula lɛgadi bubomo kenye na éti ébo bani mɔɔta teenye-ɔ lɛlɔ áƒiɛmi kalɔ. Na ka édie ƒula kɔnyi keyi ni, ɔ́kyula-ma aani kalɛ na alakpi aakywí.

Yesaia 40:24

Bese aani egyiibi akɔdi ani na bágyu bátálɛ, na uwi útetu tɔ ana lɛlɔ na bedie ligyiitu, asa na Unwoti ɔ́ya na ɔƒɛƒɛɛ úkpo ɔ́vi-nya lɛlɔ, na áyɛyɛ na ákwii ábla aani lɛtɔ lɛni na ɔƒɛƒɛɛ uuti taavinku.

Yesaia 41:2

“Ɔma náƒuna lɛlɔ ɔdine ɔmɛni ɔ́siku ɔƒɛ katukɔ ɔnii ubabla-nwu kabla na ulu siin ɔmɛni lɛlɔ? Na ɔma náya na ɔɔdi kadi bekyuli ƒui ku baga baga lɛlɔ na uuboku-ma kalɔ? Na nwuna kewii ku atula eesusu-ma na beenwíni ɔtumu ɔni na ɔƒɛƒɛɛ uubó taavinku?

Yeremia 13:24

“Ndubo-mii bubo bugyingya aani kalɛ na ɔƒɛƒɛɛ ɔni muukpó na kalɔ kakwiidi lɛlɔ uubo aƒaaƒa teedie kamu ebi kemmo si baaƒɛ́-nya.

Esekiel 35:10

“ ‘Bɛ́bu bɛnii Yuda ku Israel kadi bekyuli kɔlɔ kúnwini amii kɔdi na bɛkana biti bana kɔlɛkɛ kɔmmɔ binwini amii ɔdi uwi biala kemmo. Nsu ami ndi bana Katɔti.

Esekiel 36:2

ami Unwoti Katɔti mɔɔsu-ma nnini, ‘Ƒula bekisine bápii-ɔ, na básu ka ƒula abi ammɔ ƒui adi ama adi.

Mateo 3:12

Ɔda nwuna kɔɔlɛ kɔni na ɔdubɔƒɛ nwuna edula udie na uti uwi unwu kemmo. Nsu ɔdubɔkyula aƒaƒa ku lɛmuyɔ lɛkladi na ogya ɔni naaadubo buni kudii kemmo!”