Kɔgya 82:3 - Katɔti Ɔku Kedee

³ Bikpo bite bani neeebo kablakɔ kadi ku bekpinebi. Na bɛbla ala ulu lɛlɔ bite bani muubó abi na baayaki ala.

Kɔgya 82:3 ပူးပေါင်းရင်းမြစ်များ

Hiob 29:12

Na baabla ɔmɛni ɔsika muudie bawabane ku bekpinebi bani muuwulo kɔnyana ka baawia kebunku na beeebo katamikukɔ kadi ɔsu.

Hiob 31:21

Na ńtasia ulu ɔdi lɛlɔ na lɛyila ukpenebi ɔdi iye lɛnya-nwu lɛkya, ka mbo ɔyikun iye kenyekɔ ɔsu na litemi katɛkɔ.

Kɔgya 10:18

Na bekpinebi ku bani na baanya taakya ni, adubɔtɛ bana litemi ete-ma na badi ubo kalɛ na likpidi bablane basɔ balákɛ ɔyikun ɔdi na bataabla-ma kalala na bataayila-ma lɛnɔ.

Israelƒuɔ Bɔlɛ 23:3

Tanu ɔwabane anumi tatɛ litemi na litemi katɛkɔ.

Israelƒuɔ Bɔlɛ 23:6

“Tebulo ɔwabane litemi bɔtɛ siin na litemi katɛkɔ.

Agba 31:9

Geen ni, tɛmi na atɛ litemi na ulu siin lɛlɔ, na edie bawabane ku bani neeebo bebunkune.”

Yesaia 1:17

Bɛtɛya lɛbuni bɔbla. Na bɛbla ala ulu lɛlɔ siin. Bibunku bekyuli bani na beekpóku, na bikpo bite bekpinebi, na bɛya na bekpinele bakɛ bana kadikɔ.”

Yesaia 1:23

Na ɔma umodi ɔmmɔ batɔnkune bénwini bekyuli bani mɔɔta teenye-mi lɛlɔ, na baadiku beyune kɔkpana, na baaƒɔ́ ala na bɔbɛ kemmo taasiku bekyuli kudɔ. Béni ka bekpo bete bekpinebi. Na bekpinele litemi ani lɛɛɛkɛ-ma munu munu.

Yeremia 21:12

“Bɛnu ka kadi kawɔdi biala négye ni, bɛ́tɛ etemila siin bɛ́siaku ulu geen ɔmmɔ lɛlɔ na bɛ́ƒɔ bani ƒui na bekyuli beeyú-ma. Na si ɔɔɔdi lɛni ni, ndubo kɔnyi kpakplaa bɔkɛ bɔkya-mii na libile ala aani ogya ɔni mɔɔda na uléni.

Yeremia 22:16

Na lɛla lɛni mɔɔtina geen ka ukyuli ɔgyi-mi na lɛdi mmɔ. Ɔmmɔ ɔsu na úlie ngba ku atu bɔyɔ na ubo ala na édu-nwu na ɔdi na ɔni lɛnɔ uwi biala.

Yeremia 22:3

Na Unwoti ɔnii nsu-ma nnini, “Ami ndi Unwoti, anwuɔsu bise atu na binu! Amii ni, bitete kuƒi na bekyuli bataanya bekpinebi ku bekpinele taakya na beteeyu-ma. Na bitaya na bakɛ kasiakɔ na baƒɔ bani nkya-mii kudɔ lɛlɔ. Na bekyuli bani nátabla likpidi lɛdi iye baaakɛ ku lɛla lɛnɔ ni, bɛgyumana-ma na bitaya na bekyuli bata benye na bekpoku-ma iye badu-ma muedi. Muubó-mii ɔda nnii bɛbla ala ulu lɛlɔ, na bɛnu ka bɛɛtɛ etemila siin. Na bidie bani na bánu anumi bátɛ-ma etemila na ulu ukpidi lɛlɔ.

Yeremia 5:28

na ala adianku-mii, nsu bíni na bilébunku bekyuli bamba. Na bɛɛbla bawabane lɛla lɛni na bɛɛkali ka lɛ́manku-ma.

Lɛkpa Ulu 10:18

Na ɔdi-nwu lɛyɔla ka bekpinebi ku bekpinele baakɛ́ bana kadikɔ. Na ɔɔyɔ́ baƒɔ litemi na uute-ma adila ku adala.

Lɛkpa Ulu 24:17

Bɛsi litemi lɛlɔ siin bite baƒɔ bani nkya-mii akɔ ku bekpinebi. Na ɔdi utaƒɔ ukpinele ɔdi kɔdi utese ɔkpa si ɔɔwia kevonkɔ kadi.

Yakobo 1:27

Bɔƒɔtaadi ulu ɔni na Katɔti ɔɔnu ka use sɛɛn na bɔƒiɔ bɔdi buuubo-nwu kemmo ndi ɔmɛni. Ɔlɛka ukyuli ubunku bekyuli bani muubó abi aani bekpinebi ku bekpinele kalɛ. Na ɔda lɛlɔ udie kayawi ekpidi biala kemmo.