Kɔgya 8:1 - Katɔti Ɔku Kedee

¹ O Unwoti ɔni ndi bula Katɔti, kayawi bekyuli ƒui baanu ƒula lɛgadi bukeye na kesii biala. Na aayá na ƒula bukeye buugyingya teetédu katɔ kakaaka ƒui.

Kɔgya 8:1 ပူးပေါင်းရင်းမြစ်များ

Baga 1 8:27

“Nsu ni, bulie na Katɔti ɔdubulie kayawi kamɛni kemmo geen geen? Ɔ́si katɔ útédu katɔ kakaaka ƒui muedi kalakana-a bɔda. Amu bátaka kakpakɔ kani na lɛ́tu líte-ɔ na kétedu lɛla lɛdi mɛni kemmo?

Kɔgya 145:1

Ndububo-ɔ lɛnyi kudu lɛkɔliku-ɔ katɔ. Na nteemwi-ɔ lɛnyi kedee úti úsela uwi ƒui.

Kɔgya 148:13

Bina ƒui bɛya na bemwi Blɔti, ɔsika anwu lɛti kani nse kede kede ƒui. Na nwuna bukeye bɔ́ƒɔ kayawi ƒui, na bɔ́kɔ búbo bɔ́vi kalɔ ƒui.

Kɔgya 36:5

Unwoti, ƒula bɔyɔ bɔni naaavumana kudii ku kalɛ na aadi ƒula litemi lɛlɔ ulu lɛlɔ úbomo geen aani kalɛ na bɔɔnu kalɛ na kayaa kébomo.

Kɔgya 57:5

O Katɔti, ya na bekyuli ƒui bakɔliku ƒula lɛnyi katɔ besienku ɔgyu kakaaka. Na banu kalɛ na eekeye na kesi kesii na kalɔ lɛlɔ.

Kɔgya 63:1

O Katɔti, awɔ ndi mina Katɔti ɔni kama ulu na mɔɔwia kpakplaa aani kalɛ na utukwɛ ɔɔda ukyuli na kalɔ kakwiidi lɛlɔ.

Kɔgya 68:4

Bidie lɛnu bite Katɔti, na bidie bumwi lɛnu bɛkɔliku-nwu lɛnyi katɔ. Bidie bumwi lɛnu momoomo bite anwu ɔni nli katɔ liƒlukutu lɛlɔ ɔɔví. Nwuna lɛnyi ndi Unwoti. Bɛkɛ lɛlɔyɔ na nwuna anumi!

Kɔgya 8:9

O Unwoti Katɔti, kayawi ala ƒui aanu ƒula lɛgadi bukeye.

Kɔgya 81:1

Bidie lɛnu bimwi Katɔti, ɔni na bula nana Yakob ɔ́kpa. Ɔsika anwu mɔɔyá na bɔɔkɛ́ ɔyikun.

Kɔgya 84:1

O Katɔti Ɔyikune Ƒui, ƒula kakpakɔ kaadia bɔnu geen.

Israelƒuɔ Bɔlɛ 15:11

“Unwoti, baƒiɔ bamani nse aani ƒula kalɛ? Ɔma nse aani awɔ kalɛ? Ƒula lɛgadi lise kedee, na liikeye ku liƒu na aabla ala ebendi ku akɔla ala budie taatina.

Lɛnu Ƒui Ɔnu 5:16

Kalɛ na ɔɔkya-mi kɔgbu ɔɔyu-mi kayi geen, na mɔɔwia-nwu lɛni uwi biala kemmo!

Yesaia 26:13

O Unwoti bula Katɔti, benwoti bamba báadi-bu lɛlɔ na ƒula kama nsu awɔ ƒula lɛnyi kani na buudie kenye teemwi.

Habakuk 3:3

Katɔti ɔni nse kedee, ɔ́si Teman kalɔ lɛlɔ na Paran Kɔbi lɛlɔ. Na kalɛ na nwuna bukeye bɔɔtu anumi ni, ɔ́ƒɔ kayaa ƒui. Na bekyuli beemwi-nwu na kalɔ lɛlɔ kesi kesii.

Mateo 22:45

Na si Dawid ɔɔlɔ Ukyuli Ɔƒunadi ɔmmɔ ɔnii Ɔti ni, dɛ na ɔ́bla na ɔ́sɔ ɔdi Dawid ɔmmɔ kaba kemmo ubi?”

Yohane 20:28

Ka Yesu ɔ́su-nwu lɛni ni, Toma údie kenye ɔnini, “Mina Ati ku Katɔti!”

Eƒesoƒuɔ 4:10

Na anwu ɔni náyu úbo kalɔ ni, anwu kani násɔ ɔ́kɔ úsie katɔ mmɔ ƒui kalɛ na ɔƒɔ lɛla biala kemmo ƒui na katɔ ku kalɔ.

Lɛkpa Ulu 28:58

Na si bítewi lɛlɔ na bɛdi ɔda bubo ala bɔtina bɔni bénweni bákya ɔku ɔmɛni kemmo na biti ɔbu unengudi ɔni na bɔyia bɔkya-nwu kemmo bite bina Unwoti Katɔti ni,

Ƒilipiƒuɔ 3:8

Na ɔɔɔdi ɔmmɔ lɛti. Mɔɔnu lɛla biala aani lɛla keeke si líti mɔɔkɔ́ku lɛla lɛni náƒɔ kuye geen mɛni, na ani ndi ka lɛ́ti Kristo Yesu ɔni ndi mina Ɔti. Na anwuɔsu ni, líbo lɛla biala líwiakun. Na lɛ́nu-nya aani kebu alakpi kalɛ na ami ku Kristo bɔbla unwi.

Hebriƒuɔ 7:26

Ɔmɛni ɔsu ni, Yesu ɔmɛni ndi ɔkpane unengudi ɔni kani ndubɔbla lɛla lɛni na bɔɔwia ute-bu. Na use kedee, na lɛla lɛdi lɛɛɛda-nwu. Use sɛɛn na Katɔti údie-nwu ɔ́lɛku alaekpidi bablane akɔ, na ɔ́kɔliku-nwu útése sɛsɛɛ na katɔ kakaaka ƒui.

Budie Taatina 19:6

Ɔmmɔ kama ni, línu kɔku bonwu aani bekyuli lisu lɛdi na ɔ́lɛ aani ntukpa pii bɔku ku katɔ budu taasia kama. Na baasu banini, “Aleluya! Ɔsika Blɔti ɔni mbo ɔyikun ƒui ni, bédie nwuna lɛga bɔdi keyi!