Kɔgya 76:8 - Katɔti Ɔku Kedee

⁸ Ébo ƒula litemi bɔtɛ kudu ásiku ƒula keliekɔ na katɔ. Na liƒu lɛ́da kalɔ lɛlɔ bekyuli na bébile kenye kpoo

Kɔgya 76:8 ပူးပေါင်းရင်းမြစ်များ

Baga 2 22:13

“Bisie na bitánu Unwoti bite ami ku Yudaƒuɔ ƒui lili ku ala ani na ɔku ɔmɛni kemmo etemila aasu. Ɔsika Unwoti úti kɔnyi ɔ́kya-bu ka bula bati kuuku bátabla bátasiaku ala ani na ɔku ɔmɛni kemmo etemila aasu ka bɔbla.”

Ala Alɛdi 1 16:25

Ɔsika bula Unwoti úbomo na nwuna lɛnyi lɛ́kɔ katɔ anwuɔsu na ɔlɛka bumwi-nwu na bɔyia-nwu butulo baƒiɔ ƒui.

Ala Alɛdi 1 16:30

Na lɛlɔ litaatɔ-mii ku liƒu na nwuna anumi. Kalɔ kemodi kammɔ kenye kana lɛgba lɛlɔ kpi na kalákunku kudii.

Nehemia 1:5

Na lɛ́su nnini, “O Unwoti Katɔti ɔni nkya katɔ, ébomo na ebo ɔyikun na ámanku ka bɔyia-a. Na adi Ati ɔni na eeti bɔyɔ taadi ƒula bunyimi lɛlɔ teete bekyuli bani na aayɔ́ ka baadi ƒula ɔda bubo lɛlɔ ɔsu.

Hiob 25:2

“Katɔti na ɔlɛka bekyuli bayia, ɔsika anwu nli katɔ uubó ɔda na ɔɔdi lɛla biala lɛlɔ.

Kɔgya 46:10

“Bɛbla kpoo na bɛnu bɛti ka ami ndi Katɔti. Badubo-mi lɛnyi katɔ bakɔliku na kalɔ lɛlɔ mɛni na kadi bekyuli ƒui akɔ. Na lɛni kani na mina lɛnyi lɛdubo katɔ bɔkɔ na kayawi ƒui.”

Israelƒuɔ Bɔlɛ 19:10

Amu na Unwoti ɔ́su Mose ɔnini, “Sie na atáya na baklibi lɛlɔ bese sɛɛn ɔmwi ku kɔnaadi. Na baƒɔ bana adala.

Yeremia 10:10

Awɔ Unwoti kani ndi Katɔti geen ɔni nli ngba. Na aadi lɛlɔ uwi ƒui. Na si éti kɔnyi ni, kalɔ kaakunku na kadi bekyuli baayii udu.

Yeremia 49:19

“Ndubo awɔ Edom bukpoku aani kalɛ na gyata ɔɔsí lɛku kemmo teebekpoku baƒonu bani nnye kadikɔ na Yordan kɔtu. Na ulaƒɔ uwi ɔdi asa na baƒonu bammɔ beekeli taatɔlɔ na bada kalɔ kammɔ bese ukpludi. Ɔma na ndubo bɔƒuna na ukpoku-ɔ? Ami ɔlati ndubo-ɔ bukpoku! Ɔsika ɔdi ulakana-mi bunye bɔsiaku na kekpokɔ iye ɔbɔku-mi na likeli lɛtɔlɔ.

Nahum 1:6

Ɔma ndubɔkana Unwoti kɔnyi kpakplaa kɔmmɔ kenye bunye? Nwuna kɔnyi kuubile ala aani kalɛ na ogya ɔɔda taakyula ala, na atabi muedi aabwɛ.

Habakuk 2:20

Bɛya na kayawi bekyuli ƒui babla kpoo, ɔsika Unwoti ɔkya nwuna kakpakɔ kedee kemmo.”

Sakaria 2:13

Ɔdi biala ɔbla kpoo na baba lɛsɛ! Ɔsika Unwoti ɔkya-mii akɔ na uusié taasɔ na nwuna kakpakɔ kedee kemmo.

Litemi Batɛne 5:20

Ayabi ébekpo na kayaa kemmo uwi ɔni na ákya eesié taavi. Na ási katɔ katɔ ébekpoku Sisera.