Kɔgya 74:7 - Katɔti Ɔku Kedee

⁷ Na bákyula ƒula kakpakɔ kammɔ ƒui. Na bébile kesii kani na eelie mmɔ ekisila.

Kɔgya 74:7 ပူးပေါင်းရင်းမြစ်များ

Baga 1 8:20

“Na sɔsɔ Unwoti ɔ́di nwuna linyese lɛlɔ. Na ɔ́ya na ami lílie mina ɔti keliekɔ na ndi Israelƒuɔ ɔga. Na lɛ́tu kakpakɔ kani na bataakpa Unwoti, Israel Katɔti.

Baga 2 25:9

Unengu ɔmɛni ɔ́kyula Katɔti kakpakɔ kammɔ na ɔ́kyula ɔga kesii ku lɛtɔ linengudi lɛni náƒɔ lɛnyi mmɔ ƒui ku bekyuli kɔduli lɛnɔ.

Ala Alɛdi 2 36:19

Ɔmmɔ kama bátu ogya bákya Katɔti kakpakɔ kammɔ na báƒɛ Yerusalem awodu ammɔ béwi kalɔ, na bákyula baga kesii kammɔ ƒui na bébile ala ani náƒɔ kuye mmɔ ƒui.

Kɔgya 89:39

Ébile lɛla lɛni na ényimiku-nwu na átu-nwu lɛga lɛmmɔ na ɔsɔ uuubo ɔyikun ɔdi na ƒula anumi.

Israelƒuɔ Bɔlɛ 20:24

“ ‘Biti lɛti bɛtu lɛkpabi bite-mi na biti bina baƒonu ku bese ku ɔmantɛ bakɔ bitaabla bɔkyula akpala ku unwi bɔbla akpala nwuna lɛlɔ teete-mi. Na kesii biala na lɛ́su ka bɛkpa-mi na bɛkɔliku mina lɛnyi katɔ ni, ndubɔyu libo na mbete-mii kusɛ kusɛ.

Yesaia 64:11

Na bula kakpakɔ kedee kani muukeye na bula bati kuuku bátaakpa-a ni, bákya-ka ogya bákyula. Na ala ani náƒɔ-bu kuye geen ƒui áyii udu atɛ kalɔ na asɔ eeebo lɛblakula.

Yeremia 52:13

Unengu ɔmɛni ɔ́kyula Katɔti kakpakɔ kammɔ na ɔ́kyula ɔga kesii ku lɛtɔ linengudi lɛni náƒɔ lɛnyi mmɔ ƒui ku bekyuli kɔduli lɛnɔ.

Kɔnyana Buwulo 2:2

Unwoti útanu Israel lɛma lɛmmɔ kɔnyana munu munu, mmomu ɔ́bwɛ-ni na ɔ́yila kɔgyumanakɔ kpakplaa kɔmmɔ ƒui udu. Na úboku bagadine ku lɛgakadikɔ kɔmmɔ ƒui kalɔ ɔkɛnku nwuna kɔnyi ɔsu.

Kɔnyana Buwulo 2:6

Ɔ́ya na bábwɛ Katɔti kakpakɔ kammɔ béwi kalɔ aani kalɛ na kevoma kemo ɔban ɔɔbwɛ teewi kalɔ. Na úbile lɛla biala na kesii kani na uubo taabasiaku-bu mmɔ. Na ɔ́ya na bɔ́da emeyi buni ku Lɛnwunameyi bɔdi bɔ́ya na Sion ɔma kemmo. Ɔkɛnku nwuna kɔnyi kpakplaa kɔmmɔ ɔsu ni, úni bula baga ku bakpane ƒui.

Esekiel 24:21

‘Kakpakɔ kani lɛlɔ na bɛɛkun lɛmɛni na bɛɛkali ka bibo bɔnwuna na lɛla biala lɛɛɛdubo-mii bɔbla mmɔ ni, unye kagyumana ka ɔkyula kakpakɔ kammɔ na kayii udu. Na badu bina bebi bani na belie Yerusalem ɔmwi.

Esekiel 7:24

Anwuɔsu ndubo ɔmii ɔni bekyuli mbo kalala geen bɔsu na bebo bebeti bina kɔduli ƒui benwini bana ɔdi. Na lɛmɛnɛ lɛni na bɛɛkun na bina bekpone kpakplaa bani na bibo lɛlɔ ni, nwuna kenye kekulo. Na badubɔbla bina kɔkpakɔ ƒui na kuteese lɛlɔ na kɔsɔ kulamanku bɔkpa bɔdi.

Lewiƒuɔ Ɔda Bubo 26:31

Na ndubɔyila bina lɛma linengudi udu ku ekpo ani na biisié taatákpa na lini ala ani na bɛɛkyula mmɔ ɔnyi.

Mateo 22:7

Ɔga ɔmmɔ ɔ́kɛ kɔnyi geen, na ɔ́tala nwuna bekpone na bátádu bekyuli badune bammɔ ƒui na bákyula bana ɔma.

Lɛkpa Ulu 12:5

Unwoti ɔlati ɔdubɔwia kesii kani námanku ute bina adua leevu-anyɔ ammɔ ƒui na bitaakpa-nwu.