Kɔgya 72:7 - Katɔti Ɔku Kedee

⁷ Ya na ala bɔbla siin bɔƒɔ kalɔ kammɔ ƒui lɛlɔ na nwuna lɛga bɔdi butu uwi. Na atu bɔyɔ ku keyi buɛɛ kaƒɔ-bu akɔ wetédu ka kɔbuli kɔ́da bɔtu teewi-bu lɛlɔ kɔ́ya.

Kɔgya 72:7 ပူးပေါင်းရင်းမြစ်များ

Baga 1 4:25

Na Salomo ngba bulie uwi ƒui ni, Yuda ku Israel ɔ́si Dan útédu Beer-Seba ni, bana ƒui bélie ku keyi buɛɛ na ɔdi biala ɔ́di nwuna adingyii mmo ebi ku atu bɔyɔ.

Baga 1 5:4

Nsu ɔƒɛni ni, mina Unwoti Katɔti úte-mi bɔnwuna na mina amadɔ ƒui. Na ukisine iye ɔgbankpi biala uuubo kesi kesii.

Kɔgya 92:12

Bekyuli bani nse siin beebimi aani kubo na baalɛ́ lili aani Lebanon kalɔ egyii enengudi.

Yesaia 2:4

Na Unwoti ɔdubɔtɛ litemi na ɔklibi kadi ku kadi unyeƒi ɔni nkya-ma ntɛ. Na bana kuwii ƒui ni, ama alati badubuti-ku bakywɛ anwami bonwu ani muunwíni kalɔ. Na beti bana atula bakywɛ asaaka. Na kadi ku kadi basɔ balata kekpo, na basɔ balatumini bekyuli belete kekpo lɛnɔ.

Yesaia 60:1

“Yerusalem kadi bekyuli, bɛta na bikeye! Ɔsika Unwoti bukeye bɔ́tu aani ɔƒɛ na buuwi-mii lɛlɔ.

Yesaia 60:22

Kaduli kani bekyuli nse blii suɛ ƒui muedi badubunwini kadi bekyuli bani mbo ɔyikun geen. Ami ndi Unwoti na ndubo ala amɛni ƒui bɔbla kɔnakunwi si uwi na ana ɔblawi údu.”

Daniel 2:44

Na uwi ɔni na baga bammɔ badubo bekyuli lɛlɔ butaadi ni, Katɔti ɔni mɔɔdi lɛla biala lɛlɔ ɔ́siku katɔ kakaaka mmɔ ɔdubudie lɛga kadikɔ bamba kadi use kani ndubunye kete uwi ƒui na kelebo kawɔlɔkɔ kudii. Na kadubɔbla aani lɛtabi lɛni na bánwi básiku kɔbi lɛlɔ mmɔ, na ɔɔɔdi ukyuli nánwi-ni. Lɛtabi lɛmɛni nábwɛ abuala kpakplaa ku abuala egyiedi ku lɛti ku sika ɔƒualadi ku sika ugyiedi ɔmmɔ ƒui. Ɔga Ɔbune, na ƒula kɔna kemmo ni, Katɔti Ɔyikune Ƒui ɔ́su-ɔ lɛla lɛni ndubo libalɛ na ɔdi ka aƒɔ kalɔ budie bɔmɛni adi.”

Sakaria 9:10

Ami, Unwoti, ndubɔda kekpo kɛɛkɛ ku bana bapɔnkɔ lɛlɛku Israel kalɔ lɛlɔ. Na kɔtaminta kɔni na bényimi bése béte kekpo ni, ndubɔƒɛ-ku ƒui. Ndubuti keyi buɛɛ liboku kadi bekyuli. Na ƒula ɔga ɔdubɔdi lɛlɔ ɔ́si ɛpu ɔvi unwi úsie ɔvi ɔkladi. Na nwuna lɛga kadikɔ kadubɔsi Euƒrate Ketu bonwu kɔtu na kavia kalɔ ƒui lɛlɔ.

Malakai 4:2

Nsu amii bani mɔɔbu-mi ni, bina lɛlɔ bɔdi bɔdubɔbla aani kalɛ na ɔƒɛ uukeye na bukeye bɔmmɔ buute ɔlɔkplu. Na amii bɛdubo butaaƒulu taavi taaƒia aani ɔmantɛ bakɔ bebi.

Luka 1:33

Na ɔdubo lɛga bɔdi na Yakob kaba kemmo uwi ƒui. Na nwuna lɛga kadikɔ kalása kudii.”

Luka 2:14

“Ɔbu ku bumwi ute Katɔti na katɔ kakaaka ƒui, na keyi buɛɛ kasiaku bayawine ƒui bani na Katɔti ɔɔyɔ́!”

Batalane Kabla 4:32

Na emeyi amɛni kemmo ni, baƒɔtaadine bamɛni ƒui bábla unwi na udu ku kasusu kemmo, na bana akɔ ɔdi biala útasusu anwu lɛti lɛkɛ. Mmomu ni, bana lɛla biala lɛdi bana ƒui lɛdi.